9/9/15

9/9/15   WED   HOT

今朝子元一早起咗身, 又醒咗瞓唔番陰公! 我整咗麵包比佢食住先我就梳洗換衫, 柏仲都起埋身一齊食麵包, 然後送哥哥返學, 再由daddy揍佢入青衣, 我就可以喺屋企hea, 夠鐘先出門口買早餐, 朝早都係做吓自己嘢啦, 1點就閃人去學校聽講座, 先同班家長去飲茶, 不過由於組團咁都係各自各一班咁吹水! 夠鐘就閃人去學校, 先去課室見番班主任同中英數老師講課堂嘢, 呢到都緊要GE, 因為講埋考測功課等等, 本來想唔再去聽hall嗰個, 但副校喺到邊夠膽唔入去, 結果局聽! 校長把聲真係好有催眠作用, 內容又冇咩用, 所以都係白聽, 仲要overrun到5點幾, 本來想去銀行都去唔到, 散水咪同老公各自揍仔回家, 佢仲要去買番個背包! 返到屋企前仲要去買米, 結果愈買愈多樣嘢, 又飲品又杯麵咁! 返到去沖好涼煮飯, 子元話功課做哂書溫哂, 所以我都冇理佢住, 由得佢睇電視, 老公8點多返到嚟, 我都未煮完, 不過等佢沖完涼剛好食得, 洗埋碗抺埋地都9點, 老公帶咗柏仲入房讀N組書, 都係人口手嗰D, 佢又讀到喎, 雖則個音唔準但都聽到個分別, 讀哂話佢叻仔就拍手, 好可愛呀! 睇完個小可愛我又要睇隻大可愛, 作句工作紙寫到亂哂龍又要執一餐, 搞掂功課就教佢點帶提子做茶點, 洗啦放入盒啦等等, 跟住老公又同佢練一陣足球技巧先瞓, 都已經10點, 我都係要將煮飯時間調好D可以早D睇功課! 瞓哂我地都係打吓機, 點知瞓之前勁肚痛, 痛到扭曲同暈暈地, 好在去咗廁所後都叫做好少少, 呢排都係咁, 莫非食錯嘢!