23/9/15

23/9/15   WED   HOT*

柏仲真係準時過鬧鐘, 係都要一齊起身, 子元都好叻仔, 鬧鐘響咗一陣就起身啦, 搞掂出門口啦, 揍咗子元返上樓, 柏仲食埋奶就出門口, 入到去食埋早餐就返工了, 由於老細今日唔喺香港, 所以完全放縱自己, 唔急GE嘢都唔做住啦, 吹吓水上吓網咁全hea狀態! 午飯後馬上仆咗去Aeon入貨, Gloria同程生已經入咗一轉架啦, 我都要整番轉, 買D飲品買D小食買埋餸等等, 都係$226咋, 真係好抵! 不過搬番公司又係好吃力! 下午本來都係hea, 不過之後大陸組打嚟講電商嗰D嘢都要做少少嘢囉, 放工抬住D貨去接笨元啦, 去到阿媽先話whatsapps我話子元瞓咗未做起功課叫我唔洗咁早嚟接佢, 咁都嚟到就算啦, 返屋企做埋佢囉, 洗米時發現個瓦煲裂咗啦, 要攞個飯煲出嚟煮飯, 由於嫲嫲話整咗雞翼, 咁就唔洗再整咁多餸, 簡單D! 沖好涼再慢慢煮, 不一會老公同仲仲都返啦, 食完飯搞掂D嘢又到睇子元功課同埋教佢做埋個圖書館功課, 佢話係全校最惡GE陳老師的功課, 一定要做好, 所以慢慢教佢做囉, 功課今次又啱哂冇漏喎, 睇吓維持到幾耐, 之後老公話同佢整燈籠, 咁溫埋英默就比佢去整啦, 10點幾先瞓, 我都好攰, 想睇J2套新劇都冇精神了!