5/9/15

5/9/15   SAT   HOT

今日子元唔洗學嘢, 所以可以出街, 順手買埋禮物比希霖! 朝早柏仲又係一早爬咗上嚟囉, 星期六日我係可以瞓到8點架嘛, 可唔可以比我瞓晏少少呢! 一齊出門口, 不過我就外賣早餐返公司食, 返到去都係做自己嘢, 放工去咗青山道間瑞士茶餐廳食, 原來真係好好食, 但子元一開始就食咗大半杯朱古力, 結果食嘢時好快又話飽, 反而柏仲就好努力咁食唔停, 佢都食咗一碗河粉呀, 仲食到一嘴都係好可愛! 食完就撘巴士去尖沙咀, 柏仲全程都肯坐好, 雖然扣咗安全帶, 合作地去到尖沙咀, 首先一定係去咗反斗城啦, 排咗砌lego, 砌完可以有張貼紙, 跟住咪係咁行吓睇吓玩具囉, 因為都少行, 所以都睇咗好耐呀, 然後就行去citysuper買材料晚餐啦, 平平地買咗100蚊左右咋, 食拉麵烏冬牛肉等等, 仲買咗立豆試吓! 跟住就撘巴士返屋企啦, 返到去沖好涼執吓嘢等, 就叫老公快D煮晚飯, 食完仲要打掃, K.O.咗柏仲就預備吓明天D嘢, 因為諗住去完生日會就去公園玩, 所以都要雪定水!