1/9/15

1/9/15   TUE   WARM

終於開學了, 不過阿媽今日請假一天, 所以要嫲嫲出嚟揍住柏仲! 朝早鬧鐘一響就要起身, 真係有D唔慣, 之後又要捉笨元起身, 不過柏仲就未醒, 所以冇得送哥哥校車, 今日好似好多人咁, 其實都係多咗兩個一年級啫! 送咗子元上校車返上去不久柏仲就醒咗, 食完奶等嫲嫲嚟我就返工啦, 今日都忙忙地喎, 朝早做好嘢, 下午中段就過觀塘整嘢, 午飯後就睇吓電視咁囉! 3點幾出發過觀塘, 整得嚟撘車返去都5點幾, 又要開工搞子元D回條等等, 跟住個頭又痛但又唔想食藥喎, 所以個人都幾炆吓! 食得飯就食咗飯先, 柏仲好堅持要自己食, 咁咪比佢埋枱食囉, 攞埋條食飯巾比佢墊住就好D! 食完就吸塵抺地, 有奶奶洗碗我已經做少好多! 搞掂哂仲要繼續做埋子元D手尾, 佢仍然係甩漏! 跟住就沖個涼先再開奶比仲仲食, 打暈咗一隻, 又要開電腦繼續校務, 要簽電子回條同send email比家長! 9點幾子元瞓埋我都係hea吓, 但10點幾就瞓咗, 到諗住入房瞓時收到阿媽話佢喉嚨痛想明天都請假, 於是馬上call程生佢地, 睇吓安唔安排到揍埋子元, 好在佢都可以揍到, 咁等我放工去元州接番佢囉, 希望阿媽快D冇事啦! 安排好哂我都要瞓, 真係好頭痛!