2/9/15

2/9/15   WED   RAIN

今日真係冇咩mood開工, 因為明天是突如其來的公眾假期, 安排了去迪士尼, 所以已經holiday mood! 不過都要開工GE, 朝早如常揍子元返學啦, 今日落雨柏仲就早醒要跟埋落去, 都幾狼狽吓! 返上樓等巴士差不多到才落樓, 入到青衣食埋早餐先返工, 返到去都係做自己嘢啦, 午飯後本來都想做吓自己嘢, 但老細又返sales又返, 冇得咁hea, 咪埋埋商會條數囉, 等自己睇落好忙咁又正經做吓嘢幾好, 不過放工都冇人走, 我都做到撘八先走冇咁覺眼啦! 要去元州邨接子元, 今日婆婆請假嘛, 咁揍咗子元就快手返屋企, 都冇諗過要買多D飲品明天帶入迪迪尼, 主力雪D水就算啦! 返到去就沖涼煮飯, 老公晏咗收工, 接得柏仲都差不多8點先返到, 快手食完飯叫佢出去過埋錢比我找卡數, 咁我就一拖二咁洗碗抺地, 子元都算合作幫到手揍住仲仲, 等我整好嘢就打暈仲仲, 可以慢慢執明天迪士尼之旅GE嘢, 子元係咁要砌埋高達先肯瞓!