29/9/15

29/9/15   TUE   HOT

 

放咗幾日假, 又要返工返學啦, 今日都算夠精神啦, 柏仲齊齊鬧鐘響就起身啦, 送咗笨元返學又要返上樓做家務, 摺得衫嚟又趕唔切車, 咁就撘下一架算, 不過下一班就食唔切早餐, 但奶奶已經買咗, 咁就攞番公司食啦! 今朝努力寫哂D日記, 老細淨係返嚟食咗飯就走, 仲要我去幫佢買飯啦, 不過都好, 喺我地開飯前閃了, 可以自在吓! 下午都係做吓公事又做吓自己嘢啦, 放工去接笨元啦, 阿媽話佢未做哂功課架, 不過我返得去佢都做哂啦, 算係咁啦, 成日掛住瞓, 豬嚟架! 返到屋企照日常行程咁做嘢啦, 我都比佢玩多過做啦, 係要找假期同佢溫吓書囉, 成日以為做哂功課就算! 老公返來差不多食得飯, 我發覺除非食肉餅嗰D, 否則留番放工買平餸係仲抵架! 食完飯做起哂嘢已經9點, K.O.咗柏仲先, 跟手睇子元功課, 有嘢又係做錯哂囉, 有D錯完都唔知自己錯咩先火呀, 玩就識玩! 教咗佢一輪架啦, 希望佢唔好再錯D無謂嘢! 等佢瞓埋覺到我hea啦, 今晚冇等老公就瞓, 佢要update部手機呢!