4/9/15

4/9/15   FRI   HOT

今朝真係好唔想起身, 但6點幾就有個patpat坐落嚟, 柏仲已經起咗身, 襯我梳洗時仲走咗上哥哥床搞搞震! 而家可以食埋奶先出口, 因為可以自己食嘛, 我可以換衫梳頭, 揍咗哥哥返學就返上樓等夠鐘先出門口, 諗住今晚會比較趕, 所以執好咗飯枱先, 但柏仲就走上嚟扮乳豬全體好可愛咁囉! 揍咗佢入青衣食埋早餐返工, 今朝都唔太多嘢做, 主力搞吓D相咁啦, 但都已經有排搞! 午飯快食咗琴晚子元食淨嗰D飯就去昇悅嗰邊間惠康買餸, 仲去入埋票, 我都覺得自己好快手! 下午sales要開會, 今日都好多嘢講呀, 開完寫埋記錄就放工了, 嫲嫲話佢揍仲仲出嚟, 程生負責子元, 咁我就直接返去, 喺百佳買埋D嘢, 返到去見柏仲未返, 嫲嫲話等佢食埋飯先揍佢出嚟, 於是我就執嘢準備煮飯先, 夠鐘程生揍兩個去游水, 我就沖埋個涼先再煮飯, 7點幾嫲嫲揍咗仲仲返嚟, 但佢瞓咗, 所以放咗佢入房就算, 子慧媽揍哂3隻嘢上嚟沖好涼就開飯, 食完就入房玩, 我地大人就吹水咁啦, 真係咩都吹得一餐呢! 吹到9點幾洗埋碗抺埋地又再繼續, 到陸生踢完波返佢地都未走, 差不多11點先走呢! 趕埋子元去瞓, 我地hea到11點幾都瞓啦!