14/9/15

14/9/15   MON   WARM

今日子元放假, 明明可以瞓晏D, 但柏仲又早醒, 我就冇得瞓, 好慘! 8點多出門口, 碰吓運氣睇吓有冇巴士, 因為報站系統壞咗, 勁好彩一落去就有車, 揍咗佢地入去就返工啦, 自己買早餐返公司食, 朝早都係做吓自己嘢啦, 午飯去咗食飯團, 因為要儲夠印換免費餐呢! 下午都係做吓自己嘢做吓公事啦, 老細冇返但都有嘢做GE! 放工去咗青衣城換月餅同買番個玻璃飯盒, 點知實惠冇得賣, 咁唯有唔買住, 去咗三聯又睇吓有冇D教作文的書, 但因為太貴啦, 所以都係冇買到, 撘番巴士上去啦, 兩隻嘢係到玩緊, 我都估到子元冇做好哂我叫佢做GE嘢架啦, 要佢即刻抄番默番, 當我講嘢耳邊風, 係點都冇得避架囉! 跟手又要同柏仲食飯, 開頭食得好地地, 到我地食嗰時佢又冇心機食! 食完hea陣就趕巴士返去啦, 老公去銀行入錢, 我就帶兩隻嘢上樓先, 等佢地沖好涼, 柏仲食埋奶瞓覺又要安排子元溫住默書先, 我就去沖涼, 出嚟後同佢默番, 叫做OK啦! 執好書包叫佢瞓又口黑面黑咁, 好在佢都知衰係自己日頭冇做好嘢所以而家冇得玩, 咁老公攞西瓜出嚟佢又開心番, 只係食得太慢係到DUM波鐘又比我鬧囉! K.O.埋佢就自由啦, 但我地都眼瞓啦, 新聞都冇睇就瞓!