16/9/15

16/9/15   WED   WARM

今朝如常啦, 揍仔返學揍仔入青衣, 其實都幾享受呢段同仲仲單獨相處的時間, 食埋早餐就返工啦, 今朝都有D嘢做吓, 午飯就去咗換個飯團餐, 儲滿印可以換到啦, 食得好滿足! 下午要開會, 咁就慘啦, 開足咁多個鐘, 過哂鐘都唔放人, 仲要之後我有好多功夫跟手, 又要快手做喎, 真係有D壓力, 因為我一向都閒嘛! 本來諗住約阿媽過嚟公司樓下交收, 但佢誤會我意思, 最終都要行過去, 不過都趕得切6點幾返到去, 可以on schedule, 剛好老公回來沖好涼就食得飯, 收拾埋抺地都係8:45, 開始慢慢重拾番個節奏, 期間老公帶咗兩隻嘢入房顛, 咁等我搞掂就K.O.柏仲, 子元就對功課溫默書等等, 9:45我已經可以開電視坐定定睇, 今日都好攰呀!