19/9/15

19/9/15   SAT   WARM

今日如常返工啦, 返到去都係做吓自己嘢等收工, 12點幾老公揍咗柏仲上嚟, 大家又慢慢玩吓佢啦, 夠鐘就去買飯團, 柏仲例牌一上咗巴士就瞓咗, 咁抱佢返去真係手都斷, 不過佢返到去就可以繼續瞓, 我就可以慢慢食午餐, 睇吓電視hea吓咁, 3點幾4點柏仲先瞓醒, 咁就餵佢食埋個飯團, 然後一齊抺吓地啦, 可以喺地下慢慢玩, 老公帶子元踢波踢兩場, 6點先完, 咁就約咗喺新都會等, 子元話要食壽司, 於是就去咗食囉, 都有少少貴架, 食完就去新都會做埋D嘢, 攞月餅, 換電話卡等等, 再去葵廣買埋電話套, 嗰D咩公仔都係假, 貴到顛, 我都係要番最基本嗰D套住佢就算, 買埋比子元睇少少玩具就回家啦, 第一時間K.O.咗柏仲, 就開復仇者2比子元睇, 睇到11點幾先瞓, 老公就係到幫我轉換部iphone的資料, 不過我好攰, 瞓先! 原來老公整到4點多呢!