24/9/15

24/9/15   THU   HOT

今日都係要做吓嘢GE星期四啦, 朝早都係咁起身啦, 柏仲當然冇咁好死比我瞓到鬧鐘響啦, 比佢咁搞法我真係會好唔夠瞓囉, 子元鬧鐘響就起身, 真係叻仔咗, 食完早餐就出門口, 返上樓有點趕但我又想摺埋衫先, 於是都係做埋先, 好在架車遲咗都趕得切, 入到青衣食埋早餐就返工啦, 早上都唔算太忙, 做吓公事又做吓私事咁啦, 午飯後不久老細就返, 勁冇癮! 好在佢都快就走, 下午都係自動自覺有咩做咩, 放工去接笨元返屋企, 又買咗燈籠比柏仲, 仲要買瓦煲, 好多嘢買! 返到去先沖好兩隻細, 老公去咗踢波, 奶奶揍咗仲仲出嚟! 沖好涼食埋飯, 做好嘢奶奶就閃, 我都K.O.埋柏仲就到子元, 可能個人攰呀, 勁炆! 係咁對子元發脾氣, 不過佢都算係咁, 冇發番我轉頭仲識將我之前教佢的用番, 叫我正面D, 咁冷靜咗我都冇咩, 子元都明! 最終都對好功課, 有D叫佢做好D寫好D! 不過今日發現最搞笑的就係沈同學坐咗喺子元隔離, 呢位喺EK聲稱個囡英文勁到爆的仁兄, 原來…係相反囉, 因為子元話導修時做緊英文功課, 咁佢仲諗緊點做, 沈同學見佢咁就叫子元抄, 個衰仔又真係抄喎, 咁以為自己做完啦, 點知返到屋企對功課時阿媽發現佢錯哂, 問佢點解啦, 佢就話係沈同學叫佢抄, 事實證明沈同學的英文….真係事實勝於雄辯, 仲有就係子元話沈同學一到下午上堂就瞓覺架啦, 老師係會叫全班同學叫沈同學早晨, 又問佢洗咗面刷咗牙食咗早餐未, 雖則係有D衰, 但最衰係佢阿媽囉, 迫到個囡咁, 又唔鐘意間學校, 陰公! K.O.哂佢地我終於可以睇吓劇打吓機, 老公10點幾返到, 等佢沖埋涼hea陣就瞓啦!