6/9/15

6/9/15   SUN   HOT

柏仲子元兩個真係顛架, 星期日我係可以瞓到8點架嘛, 但點解成日要6點就嚟嘈醒我呢, 我真係爆佢地呀! 最終7點幾起身, 要去畫班嘛, 食完麥當當就送佢地上去, 我地就去食早餐, 由於下午就要出去, 所以老公先揍仲仲返去瞓覺, 我就去買餸, 程生冇地方去跟埋我買餸, 然後上咗阿媽到飲埋D湯咁又去接子元, 程生話揍埋子元返西九, 陣間12:45就喺美孚集合入青衣! 我返咗屋企就可以執吓嘢, 休息吓, 仲仲瞓到12點幾都未起身, 唯有捉佢起身囉, 推車仔出去啦咁多嘢攞, 去到希霖生日會已經好顛啦, 小朋友顛玩, 大人就吹水, 到食得嘢食蛋糕時柏仲就好努力坐定食, 其他時間就行嚟行去, 仲要疴咗兩次屎, 真係比佢玩死! 完成呢個部份就返去荔枝角公園玩吹泡泡, 叫埋子慧一齊落嚟玩, 又撞到巧彤喎, 齊齊玩紅綠燈, 真係好開心但好熱! 一班又濕又臭咁要找地方晚飯, 去咗板板嗰到食, 3家人8個餸都係$660, 真係抵架! 食飽就散水啦, 明天要返工返學, 老公早D帶咗柏仲返屋企, 我地就再吹吓水先, 返得去柏仲已沖完涼食埋奶瞓覺, 咁我地都快D沖啦, 我仲要執嘢洗衫, 咁出一出去又有好多嘢要執! 9點幾趕子元去瞓, 我都攰啦但都睇埋明珠套real steal先瞓, 雖然都睇過好幾次!