20/9/15

20/9/15   SUN   HOT

今日節目豐富, 3條king下午有聚會! 朝早都係要學畫班, 柏仲就一早話popo, 但流GE, 又呃我! 老公唔多願起身, 但都係要起架嘛, 好在趕到40分班車, 去到快手食完個早餐就上去啦, 跟手到我地食早餐啦, 然後上咗婆婆屋企, 因為子元漏咗個功課袋喺婆婆到, 有回條要簽番, 坐到夠鐘先去接畫班呢, 返屋企前我去咗超市一轉先, 本來只想買吓肉比柏仲煲粥, 但結果又買咗蛋呀杯麵呀飲品咁, 用咗優惠卷嚟買! 返上樓老公哄緊仲仲瞓, 子元就叫做準備好嘢溫書, 咁主要溫番今個星期教咗咩同默書, 期間又要煮粥比柏仲, 我係咁廚房同房兩邊走, 個幾鐘後叫做溫好啦, 但英文默書的加分部份都係未得, 溫得唔認真呀! 1點幾柏仲醒咗, 先餵咗粥比佢, 咁Amanda同Ming都未到住, 就去大家樂食個午餐先, 好肚餓呀, 食完喺商場會合好就一齊上樓, 老公就話出去旺角放機! 上到去3條king第一時間入咗房玩啦, 我就要執好個雪櫃放蛋糕, 兩個細king仲未識一齊玩, 我地就喺到hea囉, 到咁上吓就切蛋糕, 食到尾老公先返, 兩個蛋糕真係多咗少少! 食完細路們繼續玩, 大人們繼續hea, 鋪咗地墊等佢地喺地下玩吓, 柏仲竟然已經學識咗打筋斗, 好勁呀, 諾彤都想學架但佢始終細D未識! 差不多6點老公就出咗去買晚餐做外賣仔, 7點多可以開飯啦, 都有點混亂啦, 不過唔洗洗碗已經好好多, 執好嘢佢地都差不多要走, 叫吓車小朋友執吓玩具咁又係時候散啦! 佢地閃咗就同D細GE沖涼, 然後我就快手換咗床單先, 再吸埋塵, 等柏仲食奶時就拖地, 抺完地就換埋子元床單, 終於到我沖涼, 子元都好乖執好嘢就瞓, 老公繼續幫我過Iphone資料, 不過都真係有排過, 做完哂手尾我過咗眼瞓時間, 於是開套戲睇吓, 等部機過埋先, 都1點先瞓, 今次就到老公喺梳化瞓咗先!