21/9/15

21/9/15   MON   HOT

今日又要返工啦, 鬧鐘一響仲仲即刻坐起身, 唔理佢唔得, 笨元又唔多肯起身, 拖得佢起身再行都晏晏地, 最慘仲要落雨, 我要揹住仲仲先出得門口, 真係好狼狽! 返上樓後收拾吓食埋奶又要出門口, 落大雨都要揹住佢, 佢竟然逃走喎! 最終順利出到門口啦, 入去食埋早餐就返工啦, 朝早都冇咩做吓自己嘢啦, 午飯去咗買飯啦, 返上樓食食吓老細已經返, 勁唔識做咁好似趕你快D食埋飯傾嘢, 大佬lunch hour係員工私人時間嘛, 真係迫人地唔喺到食咁囉, 我嗰次都係想避佢先快手食完去行街好過! 終於捱到佢肯走, 仲分到兩個烏取梨! 做完公事就做自己嘢啦, 放工要返去接仲仲, 子元就婆婆揍咗返去, 因為老公要去旺角幫我放部機, 睇到仲有10分鐘有42, 快手揹住仲仲就閃! 好在趕得切, 返到去都仲未6:30, 快手沖咗涼先, 等阿媽睇住佢兩隻嘢, 咁煮飯時就要子元睇住仲仲, 都係一時糖痴豆一時水溝油咁啦, 7點幾8點老公返到嚟, 沖埋涼就開飯啦, 8點幾食完各自做應該做GE嘢, 快手對埋功課K.O.埋柏仲就可以做自己嘢, 摺埋衫都10點幾先可以坐落梳化, 好快又眼瞓!