15/9/15

15/9/15   TUE   WARM

今日終於返全日啦, 大家開心啦! 朝早柏仲未醒, 可以舒服揍子元上校車, 返到去摺緊衫時佢就醒咗啦, 沖奶比佢繼續摺埋衫啦, 奶奶打嚟話老闆車咗佢出嚟等9點攞藥, 而家喺酒樓, 叫我去酒樓搵佢地, 咁都要執好嘢先出去嘛, 柏仲又話要popo喎, 而家除咗識講, 仲識除褲, 叻仔! 去酒樓飲個茶先返工, 朝早都係做吓自己嘢啦, 午飯後打吓機咁, 下午老細返咗嚟, 成個下午都喺到, 完全阻頭阻勢咁啦, 搞到做自己嘢都做得唔自在, 因為我諗住整本閱讀記錄冊比子元, 等佢可以好似儲印花咁, 睇夠就可以換零用, 希望佢可以睇多D書, 雖然用錢好似唔係咁好, 但一個月最多都係$20, 佢又可以學埋儲錢, 都係好事! 放工即閃啦, 返去接咗笨元就返屋企沖涼煮飯, 子元都算合作執好哂嘢, 咁又話婆婆同佢溫咗默書, 我就放佢一馬, 比佢自由吓, 我就煮埋飯先, 因為老公都早返到, 7點幾開飯, 今日笨元好餓咁, 要我煮多個麵喎, 真誇! 洗好碗抺好地都係8點幾, 算好快手架啦, 仲可以陪仲仲睇吓, 睇埋子元功課就K.O.咗佢兩個! 未夠10點已經hea緊, 11點幾就瞓啦!