18/9/15

18/9/15   FRI   WARM

呢排公司嘢都好忙, 搞到有D精神緊張! 朝早起身柏仲已經醒咗, 子元仲早, 已經搞掂坐咗喺梳化, 咁就攞早餐比佢食啦, 但最終都有D趕落樓, 因為柏仲又話要飲埋奶先! 所以揍完子元之後返上樓冇咩好做, 就執吓玩具, 夠鐘就撘巴士入去, 食麥記換咗個火車比笨元囉, 知佢想換架啦! 食埋嘢就返工啦, 朝早都要做定D準備功夫, 老細下午返! 咁食完晏就諗住過Aeon買番個膠盒裝嘢, 順手避吓老細, 廢事蝕埋嗰半個鐘lunch比佢! 成個下午老細都係到, 我又好忙咁, 係超忙! 時間過得好快, 放工去接子元, 因為今日唔洗合唱團, 所以直接返咗屋企換好衫先去游水, 餸又唔洗買啦, 落到樓下老公咁啱揍咗柏仲返嚟, 個衰豬又要跟埋一齊去, 咁咪抱埋佢, 等老公返去沖咗涼先囉! 返上樓後就開始煮飯, 期間婷婷柏仲又嬉水, 本來daddy話唔洗再比柏仲沖, 但我話由得佢啦反正都出咗汗, 咁柏仲一聽到後就開心到擺花花pose, 比佢笑死! 我就煮起兩樣餸先, 到蒸嗰D就叫老公睇時間轉碟, 然後就快手沖個涼, 等三個細路沖好涼就開得飯, 之後都係吹吓水啦, 老公唔知做咩突然咁想洗碗, 但其實出面仲有好多工作可以做, 不如佢去負責番嗰D啦, 佢洗完我又要執手尾! 搞掂哂拖埋地柏仲已經瞓咗, 咁就攞埋雪糕出嚟食, 星期五真係好多嘢食, 之後仲有飯後梨, 飽哂! 細路玩到10點幾都唔捨得走, 趕佢地執得嘢嚟走都11點有多, 仲要幫子元睇埋功課等先瞓, 好攰!