11/9/15

11/9/15   FRI   HOT

又到Happy Friday, 朝早都係如常揍子元返學啦, 摺埋衫就揍柏仲入青衣, 食埋早餐就返工啦, 今朝都冇咩特別嘢做, 所以都係做吓自己嘢啦! 上網吹吓水等等, 午飯不久老細就返咗嚟, 只可用阻頭阻勢去形容, 跟住又一堆嘢要跟啦, 做呀做咁, 快手做完就做番自己嘢! 放工先去買餸, 仲有買飲品入貨啦, 有婷婷架車裝嘛! 買完過番小童等佢兩個放合唱團, 就過去游水啦, 子元又一堆嘢我又一堆嘢, 正宗走難咁呀, 揍咗佢地去泳池就返上屋企, 入屋不久老公就揍咗柏仲返嚟, 我就好忙咁煮飯, 差不多8點先偷到時間出嚟快沖個涼, 細嗰兩隻係咁搗亂啦, 我剛沖完涼佢地就返嚟, 繼續煮埋下半場就開飯, 食完又快手執嘢洗碗抺地等, 柏仲見婷婷沖涼又要沖埋一份, 最終比佢沖埋順手食奶瞓囉! 兩個又共浴! 做好家務又吹水啦, 多到都唔記得吹咗咩, 等佢地食完雪糕再玩多陣, 11點左右先走, 走之前子慧又係到表演體操, 好厲害呢! 散水了就睇子元功課, 條友未瞓嘛咪要佢對埋功課先囉, 最終差不多12點先瞓呀! 我地就差不多1點啦! 11點幾同子元對緊功課時聽到柏仲喺房大叫媽媽又大喊喎, 馬上衝入去睇佢咩事, 原來轉呀轉咁瞓空咗個頭出去床邊啦, 抱番起佢噯吓就冇事囉, 但真係好搞笑!