3/9/15

3/9/15   THU   HOT

算是期待已久的迪士尼之旅呢, 今年子元生日去咗新加坡所以冇去到, 咁啱有日突如其來的假期, 敏瑩子慧佢地又要去frozen village朝聖, 咁就跟佢地去一次! 約咗8:30喺地鐵站等, 都有點趕趕地咁快食個早餐就行人, 大家都懷著愉快的心情出發, 同埋好嘈咁出發囉, 9點多就已經去到入口, 但10點先正式開門架喎, 所以有一個鐘要等, 好在大家吹吓水咁都好快過, 又要計劃陣間攞frozen飛的部署, 好在煊趕得切出嚟揍我地入去, 入到去之後陸生程生就跑去攞frozen飛, 我地女人就帶住D細路先去睇inside out, 有子慧爸排隊, 我地就去shop呀影相等, 睇到哂阿樂阿愁, 影咗一輪相, 跟住就去玩巴斯光年, 全部人都可以一齊射, 柏仲完全唔驚玩得好開心, 諗起子元嗰時已經摟住唔阻! 射完槍就分兩組, 刺激組去玩space mountain, BB組去坐小小世界船仔, 子元梗係歸入BB組啦, 柏仲一路坐船一路郁, 好似嗰D公仔咁, 好可愛! 坐完就去番poohpooh嗰到會合, 攞咗fast pass等吓就有得玩, 子元…都係仲有D驚架, 但喺D女面前點都要頂住, 至於柏仲, 勁好奇心咁周圍睇, 完全冇驚過! 玩完POOH就要快手食個飯, 因為1點半又要趕去frozen village, 都唔知自己點食咗D咩咁, 柏仲食咗D飯就自動關機, 所以第一轉frozen佢睇唔到, 完哂先醒叫做可以出去玩雪, 都真係幾凍架D冰, 玩到2點幾就要走, 因為3點去睇巡遊, 刺激組去咗玩越礦飛車, 另外兩個阿媽去咗搞相, 我揍住子元柏仲同兩架BB車睇巡遊, 柏仲騎住膀馬睇, 我真係骨都散! 睇完佢地兩個女人都未返, 又要顧車又要顧仔, 都好狼狽, 終於等到佢地啦, 就一齊行返去迷離莊園嗰邊同刺激組會合, 齊齊睇嘢, 子元同女仔們一架車, 我地同仲仲一架, 柏仲又係唔驚, 都唔知佢係咪唔識驚! 玩完呢個緊接又要去睇第二場frozen啦, 今次早D去排同比較有策略好少少, 仲仲今次睇得到, 咪係咁大叫囉, 好搞笑! 另外嗰兩女一男都係咁唱, 嘈到前面嗰D人都頂佢地唔住! 跟住又係出去玩冰啦, 今次衝去滑雪車添呀, 3個小朋一批, 我地3個女人一批, 真係好好玩! 比佢地再玩陣雪就走啦, 先去咗toy story嗰邊先架, 但因為要排得耐, 同埋要睇夜間巡遊, 所以計劃有變, 我同程太去巡遊位置佔位先, 其他人去玩轉轉杯, 程太真係好pro, 攞埋地墊佔位, 夜間巡遊好靚好好睇呀, 小朋友們睇得都開心, 係敏瑩話要去toy story玩但未有得去所以喊! 一完巡遊就分兩批行動, 我地BB車組後跟, 佢地先返去toy story玩, 程生入到嚟join埋, 呢個時間真係冇人玩, 可以任坐, 柏仲都玩咗兩轉彈弓狗, 係有少少驚可能離心力大, 但都冇喊只係叫! 其他時間我地都係等, 小姐們終於玩夠機動遊戲, 已經快腳走架啦, 但都趕唔切喺煙花完之前趕到離開小鎮大街, 結果都幾迫人, 我地都被分散哂, 等集合時餵咗樽飯比柏仲先, 好辛苦出到地鐵站, 但又失散咁D人, 子元張八達通有事, 咁我地上車先啦, 去到欣澳轉車時BB車組又同另外的人失散了, 咁就喺美孚集合, 陸生又趕得到班車一齊到美孚! 去咗翠華快食個晚飯就回家了, 柏仲喺車已瞓咗, 返去差不多係瞓住沖涼著衫, 跟住照瞓, 子元又話等我沖埋涼先刷牙, 結果都11點幾先瞓, 我地執好嘢hea到12點幾先瞓, 肉體上超攰!