25/9/15

25/9/15   FRI   VERY HOT

今日要去開會呀, 都好GE可以早D走! 朝早如常被人肉鬧鐘嘈醒啦, 但佢真係太早, 所以我趕佢喺床仔唔准出嚟, 又打咗幾吓, 可能因為咁佢就要報復我, 攞個粉盒, 散哂喺床, 好就好在都唔算散得好誇, 主要喺佢身上同大腿, 一起身見狀都廢事鬧, 影番幾張罪證就清理現場囉, 送咗子元上校車, 返上樓都冇摺衫啦, 因為今日巴士好似早咗, 入到青衣食埋早餐換埋玩具比兩仔豬仔就返工啦! 朝早時間好快過, 11點多就出門口, 去city super買咗咖哩料先, 跟住去翠華攞位, 等佢地嚟, 食完就買埋蛋糕返上去做好文書嘢先, 等齊人就開會, 快手開完佢地吹吓水咁, 3點幾走哂, 不過都要整吓手尾, 我最終都冇等Nicho就走先, 返去接柏仲, 隻豬瞓得好少, 所以喺巴士上瞓咗, 搞到我又要抬佢返去, 最慘係又撞咗時間我要出去攞衫比笨元游水喎, 非常唔好意思咁叫咗隔離屋幫我睇住先, 我快手去體育館同程生會合, 同佢兩個換好衫就去泳池, 叫程生睇住佢兩個入去我就返上樓睇吓柏仲點, 果然係醒咗, 好在隔離屋婆婆都搞得掂佢, 咁安撫完佢程生都上到嚟, 於是我就煮住飯先, 老公返來接更煮, 我就餵柏仲食飯仔, 奶奶煮起咗, 咁婷婷好似有燒, 於是唔好食飯啦, 齊齊食粥仔啦, 食完就準備開飯, 我都沖唔切涼, 好似有點亂咁食飯啦, 因為柏仲好嘈, 有5個細路喺屋入面其實真係好嘈! K.O.咗柏仲先, 嗰3個又入咗房時, 叫做最靜, 不過我都真係攰, 呢排真係瞓得唔好, 所以都冇咩mood, 快手食完執嘢洗碗就去沖涼, 叫做舒服D, 佢地今日都早D走啦, 大人們都攰了! 不過老公要同子元整埋個燈籠, 但我唔理啦好攰, 瞓先!