11/7/16

11/7/16   MON   HOT

今日7點幾先起身真係有D趕, 因為要揍仲仲返學嘛, 子元已經開始放假, 佢一齊揍仲仲返學, 然後上嫲嫲到, 我就自己行去地鐵站囉, 都已經遲, 老公仲話一齊食早餐, 佢D時間觀念真係好弱! 買早餐返公司食啦, 朝早都係開會咁啦, 但老細佢地一早返咗嚟, 所以我一朝都好忙! 午飯後好D, 睇新劇HEA吓咁! 下午都係做吓公私事咁啦, 放工就返青衣! 趕子元抄埋D成語, 但都係得個抄字, 都唔入腦, 好鬼麻煩, 始於係要婆婆出手會好D! 等食飯時都係同仲仲玩吓啦, 隻豬原來識自己去廁所, 又識走去搵褲著, 好搞笑! 但食飯就衰啦, 食咗少少就開始走, 要捉要鬧要人餵, 唉! 8點幾回家啦, 諗住返去谷仲仲去疴POPO, 但始於都係疴唔到, 點算好呢, 老公又話唔洗睇醫生, 話係因為食咗西藥先會咁! 唉…希望佢快D疴到啦! 等佢地瞓哂, 我地都係沖涼睇電視啦, 睇到點幾先瞓!