23/7/16

23/7/16   SAT   VERY HOT

今日真係玩到好盡! 8:45睇海底奇兵2, 要入青衣放低仲仲先, 叫做啱啱趕得切買埋嘢食就入場, 又真係幾好睇喎! 睇完10點幾, 去酒樓接番仲仲, 經過實惠竟然比我地買到一直想要嗰個兩層櫃, 可能舊D GE場先有呢! 跟住去飲咗杯咖啡就出發過海, 今日的活動集中哂在港島區, 先去金鐘泊好車行吓食個午飯, 約咗3點睇林醫生, 得出結果係多動症有進步, 但專注力就差咗, 所以可以考慮食藥, 有係有副作用, 但個副作用對子元嚟講可能唔算副作用, 因為會冇胃口, 咁順手減肥囉! 睇埋個小三上學期先啦, 同佢set多D Rules, 唔好捉佢咁多細緻嘢, 都係用方法幫吓佢先, 因為佢個腦入面有種物質係用嚟控制專注力, 但就係少咗, 所以佢先會專注唔到, 咁藥物係加番呢種物質比佢, 令佢專注番! 唯有係咁架咋, 嗰種物質係少就少, 外在點幫佢都唔會多番! 點都叫做又多咗D了解啦, 但都唔想佢因為專注力失調就有借口, 都要自己用方法去幫助! 睇完4點幾啦, 下一個節目就係去one piece玩水, 知道用書展飛尾可以免費入場, 咁咪去八吓囉, 但原來入去咩都要錢, 仲要好唔合理的價錢, 局你買全日通, 老公話入得嚟比子元玩囉, 係仲仲慘D樣樣都冇得玩得個睇字, 但冇法啦佢又唔夠高! 子元就玩滑水梯玩到不知幾開心, 見佢玩唔停又唔攰咁真係好嘢, 可能我乾煎仲辛苦! 玩到6點幾去沖身換衫先, 返去車嗰到再處理, 醒唔起個停車場今日日泊到7點, 諗住行過會展, 結果我先揍佢兩個去會展先, 因為仲仲瞓咗, 咁老公就攞車泊番去灣仔, 我一個推住架戰車可以行小童通道勁快上到去兒童展場, 非常目標為本咁跟check list買嘢, 子元都合作GE, 會幫手睇住仲仲架車, 等我去買嘢, 所以佢要本復仇者同兒童科學我都買咗比佢, 當然仲有一堆練習啦, 老公嚟到我都買到尾聲, 咁佢睇住D嘢我去買快手D GE, 同程家佢地會合咗, 但程太仲有排買咁, 我又已經好攰, 又未食飯, 所以我地都係走先啦! 先去車放低D嘢, 再行去pizza bar食, 以前真係成日嚟食, 而家係好難先食到一餐, 所以食得好開心!