1/7/16

1/7/16   FRI   HOT

今日係康傑小聚會, 朝早其實係唔洗咁早起身, 但仲仲唔洗問梗係一早就醒啦, 我咪又比佢嘈醒咗囉, 老公琴晚就睇波冇入房瞓, 所以仲仲出咗去嘈佢我都冇理啦, 但最終我都係瞓唔番, 所以8點幾9點都係起身啦, 慢慢收拾吓就出門口食早餐, 食完返屋企快手執一執嘢就再出發, 約咗12點喺新蒲崗工廈, 找到地方泊位, 撞啱工廈的lift壞了, 行咗6層呢! 去到都覺得個場幾乾淨, 最好係困獸鬥, 係咁放佢地玩, 仲仲都可以自得其樂, 有時想吹吓水都可以唔理佢! 等食物送嚟就set吓枱夾好食物就叫D細路食嘢, 大家食吓玩吓咁, 幾個鐘就係好快過! 又要埋單計數了, 唔算平但叫做有個地方聚吓啫! 散場後本來都諗去邊, 咁同另外兩個family去攞車時, 傾咗話去mega box, 咁咪一齊囉, 不過今日去邊都人多, 仲仲喺車瞓咗陣就醒, 去到mega box 影吓相玩吓反斗城, 就上咗去食pizza, 食到7點多本來話食甜品, 都唔知邊個話不如食B仔, 咁大家都唔怕挑機, 咪入去囉, 查實都遠架, 早知食松記算啦! 入得去攞到位都8點多, 不過入B仔都係為咗食佢D小食啫! 食完回家啦, 兩隻都瞓哂, 仲仲抬到返去都瞓架, 但玩咗一日梗係要沖涼啦, 咪快沖完食支奶再瞓囉! 我地仲要收拾吓, 沖好涼hea到12點未夠就瞓啦!