13/7/16

13/7/16   WED   HOT*

今朝完全係拖住一個宿醉未醒的身軀返工, 起得到身都算係咁, 好在仲仲今日唔洗返學, 老公去接嫲嫲過嚟, 我就喺屋企等, 好在子元叫做睇得住仲仲, 我就半睡半醒咁囉, 仲仲辦咗大事我又要處理, 所以都係差不多要起身, 嫲嫲嚟咗接更, 我就趕返工啦! 買咗早餐返去食, 但其實都冇咩胃口, 食完開始胃頂, 又勁眼瞓, 都算係衰架啦, 打住瞌睡咁嚟開工, 電話我識聽GE, 只係中眼瞓啫, 中到12點多好少少啦! Lunch去買飯啦, 再整多杯洋桃雪梨清吓宿醉先, 下午已經好好多啦, 因為知道下午開會呀, 冇得唔醒! 其實所謂的開會都係聽人地marketing present吓ADV forecast, 既然都唔到我負責, 咪放長雙眼睇吓人地點創新囉! 好在今日預咗晏D先走去接子元放圍棋, 因為老細都5:45先走呢! 去小童接咗笨元, 行緊返屋企時老公就打嚟話佢就返到屋企, 頂…早知等佢嚟車我地啦, 行到我呀! 等嫲嫲落埋樓就去長沙灣又食胡椒豬肚雞煲, 再去食埋松記先返屋企, 都係同佢兩個沖好涼就K.O.仲仲啦, 子元因為未做好今日的練習, 咪要佢做埋先囉, 點知我沖完涼出嚟發現佢伏喺枱瞓咗, 呢D咪衰格囉, 望到書就瞓! 咪比佢瞓先囉, 明天抄番! 我地就hea吓睇埋J2套劇先瞓囉!