15/7/16

15/7/16   FRI   HOT

今日都係如常咁返學, 只係仲仲返啦, 可以7點幾先起身, 快手出門口, 都算早過到去接更, 揍咗仲仲同婷婷入學校, 就送子元去嫲嫲到, 我又返工啦! 今朝都冇咩做, 開個會咁, 本來都帶咗嘢午飯, 但其他同事冇飯, 佢地又話出去食喎, 咪一齊囉! 試咗樓下間廳2, 超好食又未至於, 但都貴呀! 下午冇咩特別, 做吓公事又做吓私事, 諗吓今晚煮咩啦! 放工返到去樓下超市買少少餸就得, 嫲嫲已經買咗部份, 跟住返上樓仲仲瞓緊, 我執好嘢整咗少少餸就出門口, 過到去等佢地換好衫, 就過泳池啦, 子慧呢兩個月都唔游, 就帶埋佢返屋企先, 仲仲起咗身啦, 咁佢就睇住仲仲, 老公車嫲嫲走, 佢就去踢波, 我就由得仲仲比子慧揍住, 我要煮飯呢! 8點多佢地上到嚟都差不多開飯, 先同少爺小姐沖咗涼先, 跟住就開飯食飯啦, 食完就快手執碗洗, 子元因為今日冇做好唐詩, 於是我要佢抄好背好了解好先准去玩, 等佢知吓錯囉! 9點幾10點老公返到嚟, 可以幫吓手啦, 沖咗涼K.O.咗佢, 我都趕得切11點沖好涼睇J2劇, 一路都唔眼瞓, 睇埋主君的太陽先瞓!