17/7/16

 

17/7/16   SUN   HOT

今日要畫班, 不過得我地自己, 所以唔洗太趕, 先揍笨元去食麥記, 然後揍咗佢上去到我地自己食啦, 又試咗間新嘢, 都OK喎, 不過杯茶又係唔得, 要搵杯似樣GE茶真係唔易! 之後去咗元州商場行吓啦, 竟然撞到幫office清潔個姐姐喎, 佢撩柏仲話上佢屋企玩, 仲仲好有危機意識, 唔跟之餘仲叫人快D走, 好搞笑! Hea到夠鐘就去接番子元, 返屋企喺走廊比佢地片吓車啦, 有足夠空間子元都掌握到, 玩到1點多又出街啦, 去咗愉景新城, 估唔到有得玩鯨魚公園呀, 都係個保安放我地入去, 其實係室外都熱架, 但都玩咗大半個鐘, 唔算人多可以走來走去咁OK啦! 玩完去換衫抺身等等就去食lunch, 食飽老公揍咗兩個去玩車, 我就去睇鞋, 買開嗰間有平, 所以係咁試, 都買到一對大路款的高跟涼鞋, 另外幫老公買咗對拖鞋啦! 之後都係睇吓玩具呀等等, 玩到3點幾就走啦, 返阿媽到飲咗湯先, 再揍子元去玩射鎗, 睇咗佢個幾鐘, 中場休息咗一次後我地就走, 其實都係周圍hea, 再上咗阿媽到飲湯, 差不多時間才去接番子元, 約咗程生佢地晚飯, 上到去先捉婷婷起身, 剛起身的婷婷真係好得人驚, 好惡囉! 近近地去AEON食咋, 又可以比佢地玩陣! 返到屋企都未夠10點, 快手搞掂沖涼瞓覺啦! 子元就要睇埋海底奇兵先肯瞓!