8/7/16

8/7/16   FRI   HOT

今日子元最後一日二年級仔啦, 佢都係返去玩GE啫! 朝早如常揍佢校車啦, 跟住就揍仲仲啦, 不過要自己撘巴士入去, CUBE攞咗去整! 反而都算快入到去, 揍咗佢我就撘巴士返工啦! 今朝都係做吓自己嘢做吓工事開吓會咁啦! 午飯後都係hea吓啦, 諗吓今晚煮咩! 下午都係做吓自己嘢啦, 冇咩特別, 老細返過嚟咁! 放工都閃了唔理咁多, 快手返去買餸, 買完執齊嘢又要出小童接佢地, 今日只係敏瑩同子元啫, 得佢地兩個相處時又真係幾好架喎, 揍咗佢地入泳池我就返去煮飯, 老公要接仲仲再去長沙灣攞番車再返, 所以返得嚟都已經8點, 我就一條友靜靜地咁喺到煮飯囉, 都幾舒服架! 由於要等我個“穫”整炒飯, 所以都遲咗先開飯, 咁食完就大有大嗰兩個喺房玩, 細有細嗰兩個喺廳玩, 好和諧喎! 我地都可以吹吓水咁, 10點多就散場了, 仲仲今晚都一齊食, 不過都唔係食好多! 等佢地閃咗K.O.仲仲, 吸塵抺地等等, 趕埋子元瞓我地先再沖涼瞓覺!