25/7/16

25/7/16   MON   VERY HOT

玩盡咗兩日嚟返工真係好攞命, 真係年紀大啦唔玩得咁盡! 朝早老公車兩隻豬去嫲嫲到, 我自己返工唔洗咁趕, 執好埋子元今晚去小童宿營GE嘢就送佢地出去, 我先梳洗返工! 今朝都係做吓自己嘢開吓會吹吓水啦, 午飯後都係打吓機睇吓電視啦, 下午老細返咗嚟, 但都係咁做嘢架啦! 放工就直接入青衣啦, 等老公回來就快手食飯啦, 因為8點前就要出到小童, 所以食完飯仲要子元沖埋涼先, 趕得切8點前出到去啦, 交低佢其實都走得, 不過都等埋程生先啦, 然後車埋佢返長沙灣, 我地就去松記食糖水啦, 淨係帶仲仲出去呢, 佢都好似未試過我地兩個帶佢一個出街, 於是又成日扮出一副我好可愛個樣啦, 真係頂佢唔順! 返到去都係快手同佢沖涼瞓覺啦, 然後我就要摺衫啦, 幾日冇摺好多衫呀! 最後同笨元執齊埋明天個袋就可以瞓啦!