24/7/16

24/7/16   SUN   VERY HOT+

今日都係節目豐富的! 朝早去畫班, 完全執唔切嘢出門口, 所以叫老公車咗子元出發先, 我慢慢執! 跟住就去食早餐啦, 食完都係去買吓嘢, 差不多又去接番佢地放畫班啦, 先送咗程生返屋企, 然後去接阿媽一齊入沙田, 買嘢食上去同阿婆食飯, 不過仲仲到食嘢時就好唔乖, 成日要落地, 激到我死, 話佢又嬲, 點都係唔合作, 激死! 唔洗食又變番可愛架喎, 你話吹唔吹漲! 點幾都走啦, 不過又未咁早想去健到, 於是去咗行咗轉IKEA! 差不多4點先去到健到, 仲仲繼續瞓, 抱咗佢上樓再瞓, 但又冇冷氣只開風扇, 仲要冇床得張high chair, 都照瞓啦, 我地都係吹吓水咁, 子元就唔多合作啦, 掛住玩就咩禮貌都冇, 點教好呢! 仲仲瞓醒見我抱住健個仔佢都呷醋呀, 要我抱佢又唔出聲, 不過醒番D掛住打機又冇咩啦! 跟住都係玩呀食呀咁啦, 齊人就影吓相, 其實又嘈又熱, 開咗冷氣都好熱囉, 食完嘢8點多都走啦, 我都筋疲力盡! 返去沖涼後又要執子元明天小童豬的被鋪, 又叫子元砌起個書櫃, 執吓間房咁啦! 11點幾我都瞓啦, 好攰好攰!