14/7/16

14/7/16   THU   HOT

今日仲仲都係唔洗返學, 咁就同子元一齊入嫲嫲到啦, 我唔洗入去啦, 直接返工, 不過仲仲一早又咳到嘔奶, 抺完都係覺得唔乾淨, 又咁多日冇抺地, 所以都係拖咗個地先出門口! 買埋早餐返去食, 然後都係hea吓啦, 午飯要去買飯呀, 諗住叫米線都快, 點知佢D單亂哂, 我等到1:20都未有, 激死! 下午做吓公事又做吓私事咁啦, 老細全部返哂嚟, 又遲走, 咁我地都冇走住啦, 又因為公事比條低B妹話, 搞到心情唔好, 不過我好快調節好自己GE, 整埋D嘢都6點多才走! 直接入青衣城, 先到先等! 去咗Mr Steak食, 但好似冇之前咁好食啦! 食完換咗分就比佢地去玩中庭的遊戲, 子元又撞到康傑的同學添! 玩得嚟都9點幾先走, 盡興哂啦! 返到去快手沖涼瞓覺, 同子元講我幫佢設計咗個暑假時間表, 仲有to do list, 希望佢肯跟啦! 搞掂哂嘢趕得切邊摺衫邊睇J2劇, 12點幾1點先瞓呢!