4/7/16

4/7/16   MON   HOT

今朝可以瞓晏D, 因為子元唔洗返學, 但都要揍仲仲返學呢, 所以7點幾起身快手搞掂出門口, 先揍咗仲仲, 哥哥一齊揍佢返學呢! 跟住送子元去青梅, 我就去銀行攞錢先, 又要再等巴士返工, 再去入埋錢才返工! 朝早寫日記, 開吓會咁又一朝, 午飯去咗買飯啦, 食完都係hea吓打吓機, 下午返到個位又係hea, 等收工! 一放工就落雨喎, 上到巴士又冇雨, 落車又大雨, 完全係玩我囉! 返到去諗住hea吓啦, 點知仲仲又醒咗, 冇得hea呢! 等老公回來就開飯, 嫲嫲真係好心機餵飯, 呢個衰仔懶到爆! 食完飯hea吓就已經8點多, 返屋企同仲仲沖好涼就教吓佢發音, 襯暑假晚上唔洗睇笨元功課, 係時候train吓仲仲架啦! 之後都係沖涼呀摺衫呀咁啦, 叫老公唔好再玩機, 砌埋個robi機械人, 一砌就砌好耐, 等到佢1點幾先入房瞓, 我已經好攰呢!