6/7/16

6/7/16   WED   HOT RAIN*

今日都係如常咁返學啦, 以為賣得甩柏仲, 點知7點佢又起身, 咁咪帶埋佢落去, 老公慢吞吞, 又趕唔切接更揍婷婷! 返到公司都係hea啦, 真係冇咩特別要做, 到食晏咪食飽飽睇電視打機囉, 下午都有D嘢做吓啦! 放工去接笨元, 只係買咗菜明天帶飯, 因為今晚想出去食, 所以接咗笨元就返屋企, 整起個菜明天帶, 老公就差不多到, 去咗長沙灣食譚仔, 食完又去買波子棋, 又同仲仲配藥, 見佢有D咳! 返到去就K.O.佢啦, 見佢咳得密咗都怕佢嘔, 但一路都冇嘢, 直至上咗床瞓, 突然大喊, 原來嘔到自己一面都係, 馬上同老公很有默契地分工合作, 佢執床我洗仔, 好快又搞掂啦, 嘔咗D痰出嚟應該好瞓好多! 咁就到服侍大少啦, 又要玩波子棋咁, 搞到我10點多才沖到涼, 又要睇電視, 好忙! 等子元瞓咗就hea吓咁啦, 12點多先瞓呢!