2/7/16

2/7/16   SAT   HOT

今日首日試行長短周, 不過我係返長周GE, 都冇咩所謂, 反正又冇咩特別嘢, 返嚟過吓相寫吓日記都好呀! 朝早其實都唔願起身, 子元揍咗仲仲出去, 但我8點都一定要起, 快手搞掂就出門口, 去買早餐再返工, 除咗過相寫日記, 仲找找有咩地方好去啦, 因為太熱只諗商場啦, 但又好似冇咩特別想去的商場, 最終老公來接我時就話去荃灣, 都冇咩所謂啦! 先去瑞士茶餐廳食個好味午餐, 然後就過荃灣, 找一輪都冇標位咪去荃灣廣場泊囉, 反正都實買到嘢! 都係我買到衫同褲啦, 其實有時想睇耐少少都唔得, 因為仲仲會唔合作, 睇完衫就比佢地去睇吓玩具啦, 跟住就去咗遊樂場諗住比佢玩陣, 點知真係玩咗一陣就落雨, 要閂門! 咁咪去咗買雪糕食囉, 跟住就諗住去食元氣高速線, 等到6點幾先有位, 咁期間老公就揍住仲仲等位, 我就帶咗子元去對面商場買衫, 平平地$160有3件, 買完返過去差不多有得食, 佢兩個就玩多過食啦, 咁一家食咗$400都可以接受啦, 之後仲去咗一間café食甜品, 好完滿咁回家啦, 今晚老公又睇波, 我又要一個入房瞓啦!