7/7/16

7/7/16   THU   HOT

今日都係要返工返學啦, 又趕唔切揍埋婷婷, 老公真係成日都嘆慢板, 唔鐘意呀! 返到公司都係做吓自己嘢啦, 邊有咁多公事做呢我而家! 中午收到成績表, 唉……係有唔開心架啦, 雖則都估到佢名次唔會好, 但真係見到個resutlt時, 係會唔開心架! 未試過跌到咁低, 但老公話都係一個好教訓, 早D等佢知道自己唔努力就會跌名次, 咪比個動力佢囉! 希望真係推動到佢, 呢個衰仔講就天下無敵, 做就無能為力! 午飯都係食飯睇電視啦, 冇咩特別! 下午就好努力咁喺大group入面分班, 我呢D鍾意做add人嗰個多過比人add , 所以咪幫手喺group做吓分班囉, add好自己個group分好班, 今年又唔同子慧敏瑩一班, 都好GE互相收吓風唔錯呀! 放工返去接子元前幫老公問咗車房幾點收, 咁收8點我地可以過到嚟check車, 因為個冷氣壞咗! 咁我唔會留喺阿媽到等架嘛, 接咗子元咪返咗去先, 等老公揍完仲仲再嚟接我地囉! 過到去一check, 原來唔係冇雪種, 係成部冷氣壞咗要大整, CUBE要留喺車房過一晚, 咁都冇法架啦都要整, 子元又話急POPO, 走咗上婆婆到去完就去咗附近食晚餐, 然後撘巴士回家囉! 返到去都係如常咁打暈仲仲啦, 今晚食咗藥又好番少少! 子元又捉住daddy玩波子棋, 之後我要佢兩個洗杯袋及奶樽, 唔洗做呀! 因為我都要摺衫等等, 暑假都差不多開始, 點解我覺得我都係咁忙咁GE!