21/7/16

21/7/16   THU   HOT

今日老公揍仲仲去嫲嫲到, 我就揍子元去婆婆到, 仲仲好搞笑, 見到哥哥唔一齊出門口好唔開心! 見時間尚早就教子元煮出前一丁, 佢隻笨手真係唔掂, 但都叫做自己煮到! 食埋出門口啦都趕趕地, 去到地鐵站交收, 我就返工啦! 今朝都係做吓自己嘢啦, 午飯後睇吓電視hea吓, 下午老細返咗, 佢今日幾好心情喎, 真難得! 應酬完佢我又繼續埋數, 放工即閃去石硤尾接番我隻臭笨, 見佢踢得都真係幾開心! 一齊撘地鐵返去啦, 快手沖埋涼先啦, 反正今日老公煮西餐嘛, 沖完涼佢地都返到, 我咪負責睇仔佢就煮囉, 都算快有得食架啦! 之後都係洗碗抺地啦, 趕咗仲仲去瞓, 子元10點前都要瞓, 唔得係咁睇電視, 我地都係睇到12點幾咋嘛!