16/7/16

16/7/16   SAT   HOT

今個星期係長周, 其實都冇咩所謂, 若果冇咩特別嘢要搞,  返嚟過吓相寫吓日記咁都OK! 不過係朝早要叫佢地起身呀等等辛苦D啫, 放工老公嚟接我, 又揍番我同仲仲返屋企, 因為子元要去踢波, 仲仲又唔想返屋企喎, 咪同佢去行吓超市囉, 買咗D肉呀等等煮粥一齊食囉, 我煮粥時佢都一般合作啦, 一齊食吓玩吓咁, 差不多3點要佢瞓覺啦, 原來要用方法引佢去瞓, 較鬧鐘5分鐘響就入房, 佢就好順攤入去, 等佢瞓咗我就要摺衫啦, 然後老公買午餐返來食, 我食咗粥都唔太餓! 食飽老公入咗房瞓, 我都喺廳hea, 暑假其實真係要hea吓, 到仲仲瞓醒都5點幾, 咁收拾吓就出街啦, 諗住去又一城睇tsumtusm, 食番個頭啖湯嘛, 老公要去泊車, 我帶住兩隻去睇吓嘢先, 老公嚟到就幫手協調佢地影相啦, 影咗大部份裝置就找地方晚飯啦, 到到都爆, 最終去咗食麥當勞, 有貴包食嗰間, 食完再去影tsumtsum貼紙相, 又再去反斗城玩, 10點先走人, 返到去快手沖涼瞓啦!