19/7/16

19/7/16   TUE   HOT

今日仲仲最後一日做N組BB啦, 我地齊齊揍佢返學, 不過學校門口就混亂D, K3們係咁影相等等, 所以都冇同仲仲講byebye, 一齊去太興食早餐, 老公就車我返公司, 今日佢射咗波, D仔交比佢處理啦! 朝早返去都係做吓嘢, 午飯後就睇電視打機囉, 下午有做嘢架, 老細返過嚟, 都要應酬吓佢, 比D嘢佢簽吓咁! 放工就等老公嚟車我啦, 然後去石硤尾接番子元啦, 去到未夠鐘可以睇佢踢多陣, 都有D料子呀! 踢完就去青衣接番仲仲啦, 同埋嫲嫲去咗新都會食晚飯, 食完影吓相, 有KEROPPI, 最好笑係仲仲係到扮, 問點解青蛙咁GE樣時, 扮埋keroppi個樣, 超好笑囉! 之後去買埋D嘢就送嫲嫲返屋企, 因為仲仲聽到我地話去食糖水, 但佢見架車唔係去買糖水, 就出聲話: 我地唔係返屋企, 去食甜品! 真係比佢笑死! 買埋松記就返去啦, 沖好涼K.O.咗仲仲, 沖涼摺衫等等完成哂, 可以玩新嘢, 搽指甲油, 買咗對新涼鞋點都要襯吓D有顏色的腳甲先得!