18/7/16

18/7/16   MON   HOT

今朝7點幾起身, 因為只揍仲仲返學咋嘛, 揍咗佢就送埋子元去嫲嫲到, 我就撘巴士返工啦, 今朝都係要開會啦, 做吓自己嘢, 寫番幾日日記咁, 又好多相要upload番! 午飯去咗買壽司食啦, 食飽又開工啦, 但都係想hea多日, 死啦完全提唔起勁去做商會的會計嘢, 唔得咁架!! 放工返青衣晚飯, 兩隻豬唔算打架架啦, 因為子元比我捉到佢D功課根本完全未做哂, 係咁篤番佢做囉, 老公今日晏咗返, 所以子元都有時間做埋先, 老公返到咪食飯囉, 之後都係玩吓hea吓咁, 八點幾返屋企, 沖涼瞓覺啦, 我地都執吓嘢, 10點幾趕子元去瞓, 我地就入番哂D相呀, 4月曬完都未入過! 之後竟然食咗個杯麵, 肥死!