22/7/16

22/7/16   FRI   HOT

星期五老公接嫲嫲出嚟揍兩隻馬騮, 咁帶埋佢地出去食早餐安頓好我就返工啦, 朝早都係開會啦, 做吓公事做吓自己嘢, 午飯後都係休息吓啦, 下午老細不在又冇咩做, 就全力搞明天去書展的攻略, 睇咗地圖咩攤位喺咩位置, 再睇吓邊個書商出邊隻書同練習, 寫好哂要買咩書, 咁就唔怕浪費時間啦! 放工去惠康入貨, 飲品嗰D差不多清倉了, 跟住就去小童接番佢地去泳池啦, 我上咗去老公就送嫲嫲返去啦, 咁我一揍二仲要煮飯, 因為子慧又係唔游水的, 本來都冇咩, 係我要執嘢開定枱時, 發現我剛買比子元那支水鎗個頭斷了, 其實我覺得真係子慧整爛架, 因為我見到時係佢好用力將個頭塞番落去, 咁我未知爛咗, 就叫佢唔好玩, 佢即時縮手, 咁我再睇就發現爛咗, 已經無名火起, 即刻顛啦, 係咁掟支水鎗, 可能我個樣已經好得人驚, 但子慧已經話仲仲整爛, 然後再話要去廁所, 我直覺覺得係佢整爛, 因為以佢性格, 親眼見住仲仲整爛嘢仲唔第一時間向我告狀, 仲要想整番好, 冇可能啦, 你話我點都好啦, 我都覺得係佢整爛, 但佢又唔認仲話係仲仲, 我就更火, 我開始用另一種方法, 就係用內疚感, 係咁問仲仲係咪佢整爛, 冇人認嘛就趕仲仲出門口, 到Gloria揍咗佢兩個細路上嚟見到咁, 佢大概知係支水鎗爛咗啦, 咁問仲喺廁所GE子慧時, 再返出嚟同我地講子慧個答案, 當然就係話仲仲整爛啦, 講埋係點整個過程喎! 跟住敏瑩第一個反應係話: 咁佢都可能係講大話架喎! 即係佢個囡比人的感覺都係講大話架啦! 總之就無頭公案, 但我真係好好好失控, 可能係因為嗰個係人地的唔可以話唔可以審, 所以我先唯有向仲仲開刀! 總之最終件事不了了之啦, 但我已經對子慧印象愈來愈差, 我真心覺得佢煩! 可能子元都係好煩的, 但我盡量都唔會比佢煩到人, 例如如非必要我都唔會要人托管住先! 唉…老公仲話我成日都控制唔到情緒, 成日小事化大, 話有時我化大咗都唔知, 哼!