3/7/16

3/7/16   SUN   HOT

今日係執屋日, 好多日出咗街都冇咩點理過間屋, 我都開始頂唔順, 咁啱老公今日踢波, 可以執嘢啦! 朝早都係hea吓咁啦, 難得唔洗畫班喎, 老公走咗入子元房瞓, 差不多10點先正式起身, 因為期間已經起咗好多次! 要出去食早餐啦, 然後就上一上阿媽到, 幫佢睇一睇個手機, 跟住就返屋企啦, 仲要去還書, 我帶咗子元去埋超市買嘢, 但買緊時落雨呀, 都唔等得咁耐, 叫子元一齊照行啦, 條友仔怕雨怕到呢, 都唔明有咩好怕, 咪返去沖身換衫囉! 返去見到間屋好亂, 我又好多嘢未做, 我個人都好亂! 陸生1:30又出門口去踢波啦喎, 咁我成個下午就好似個顛婆咁啦, 唔係話呢樣就話嗰樣, 幾經辛苦煮起個粥同炒麵, 都算食得幾好啦, 洗埋碗就吸塵抺地, 快手抺咗個房趕仲仲入去瞓, 已經差不多4點, 佢仲走番出嚟喎, 咪比我用衣架趕番佢入去囉, 跟住我就開始要子元執玩具, 但佢都係執到錯哂架啦, 係咁要我話, 我都唔想用力話佢架你估唔攰咩! 終於叫做執好咗, 可以將佢房裝thomas的另一個抽屜用埋嚟裝lego, 因為佢實在太多lego, 散到一房都喺我接受唔到, 要再諗辦法! 本來晚飯約咗嫲嫲食, 但佢話我地咁晏都未入到嚟佢食自己算, 要睇大結局喎! 咁等仲仲瞓醒我地又執好嘢就近近地去長沙灣食, 順手去實惠睇埋有冇兩層櫃啱, 點知都係差少少! 試咗間雞煲好正呀, 配埋個牛肩頸肉無冇得頂! 食完返屋企沖涼瞓覺, 今日都攰呀係咁鬧仔執嘢!