10/5/18

10/5/18   THU   RAIN

今日如常咁揍仔返學, 買埋早餐返去食, 跟住都係做吓自己嘢, 都係搵吓工啦, 其實我又開始迷茫, 咩工先啱我, 我又要就時間, 到時要返得早, 老公又係返早更, 咁仲爺點呢, 子元晚上要踢波咁邊個揍佢呢, 地點亦不能太遠, 唉! 我好似要做一個後援咁, 好多嘢都困得好死, 時間不能有太大改變! 所以真係好難搵咁, 但呢到又真係做唔落去, 老細下星期返我又好大壓力架啦! 午飯後都係無聊吓啦, 下午繼續搵工, 放工快腳返去接子元, 今日九龍灣選拔, 落住雨咁真係夠哂辛苦, 好在今次呢個球場有看台, 可以舒舒服服咁坐吓睇吓手機, 又睇吓隻豬仔選成點啦! 8點多老公打嚟話冇帶key, 結果過來接埋我地返去, 嫲嫲整咗紙包骨, 咁煮個麵就食得! 快手K.O.埋仲爺我要沖涼休息!