5/3/18

3/5/18   THU   HOT

如常咁揍仔返學啦, 仲爺又係慢吞吞, 點樣可以令佢自動自覺呢! 老公見冇脆片就走咗去食早餐, 比佢激死, 咁明早就冇得食豐富早餐架啦! 返到公司先做吓自己嘢, 今日都冇咩公事忙, 可能我真係閒得太耐, 愈來愈唔知自己識做咩! 午飯後都係睇吓電視囉, 下午又努力搵工, 都係向教育界進發, 睇過啲course, 要讀多張cert又真係有啲難度, 所以都係諗admin! 放工返去接笨元, 買埋餸返去煮飯啦, 老公喺到唔係應該更加幫到手GE咩, 點解進度好似仲慢咁GE! 9點多先做好嘢, 同仲仲溫書睇功課後K.O.埋佢, 沖咗涼先再睇笨元的功課, 臨近考試啦唔可以再咁懶, 結果睇佢數學錯哂啦, 又唔睇題目, 喺學校做就貪快, 叫佢返來要覆一次先再比我對又唔聽! 差不多11點終於可以自由……摺埋啲衫咁, 邊睇電視邊做, 跟住再要睇埋星期六去小童報名時可以報啲咩等等!