19/5/18

19/5/18   SAT   VERY HOT

今日長周, 真係勁唔想起身架, 但都要郁架! 揍咗子元去英文, 就揍埋我返工! 返到去都係做自己嘢, 老闆今日返咗嚟攞嘢, 係煩架啦, 啲嘢放哂喺公司, 家族生意就係咁, 公司當屋企咁點得架! 放工即閃買埋KFC返去同子元食, 老公未夠1點就起程帶仲仲去學音樂, 所以獨留咗子元喺屋企等冷氣師傅嚟整冷氣, 都夠大個仔去處理架啦! 返到去見到好大工程呀, 整咗差不多4個鐘, 拆哂啲窗先搞得掂! 我同笨元食完嘢休息吓就要入去溫書啦, 溫常識真係好難, 因為佢地真係好冇常識! 5點子元去學游水, 仲爺就返嚟玩囉, 7點去接番子元時順手問吓阿sir, 仲仲可以幾時學遊水, 其實6月就可以開始學, 咁到時再報名啦! 晚飯去咗九龍城食, 食完想行都冇咩地方行, 仲爺又POPO去唔切要處理, 所以喺九龍城廣場行咗陣AEON就回家了!