25/5/18

25/5/18    FRI.   VERY HOT

話咁快又到星期五，某程度上都冇咩特別，朝早老公返咗工，我都係要搞掂兩隻，最終都係同仲爺撘地鐵算，時間上易預又化算。揍咗佢返學我咪返工囉，返去都係吹吓水開心埋佢，又整吓個工作表等人跟，都講多咗比人知我唔做架啦，遲早的事。午飯喺位食咋，因為老細喺到阻頭阻勢12點幾出去食，咪一早就返嚟囉！下午都係公事吓又私事咁，放工直接返屋企，老公去揍子元踢波我回去幫仲爺做功課先。今日比笨元第一次試自己撘巴士去畫室，都算順利，話哂都冇馬路我又放心少少。做好功課佢地都返嚟，就去長沙灣食晚飯再回家，睇吓電視都瞓啦！