14/5/18

14/5/18   MON   HOT

今日子元請病假, 佢琴晚又有嘔喎, 所以除咗個被套出嚟又再瞓過, 真係服咗佢! 揍咗仲爺返學, 老公就車我返工, 再同子元去睇醫生! 今日老細會返, 唔係因為有嘢比佢簽我都真係今日就去做咗body check, 早啲了結咗佢先, 不過算啦, 計番日子可以捱到子元考完試先返新工我都安樂啲GE! 老細返嚟一定唔會要見到我地啲人架啦, 佢梗係同佢嗰邊啲愛將開會, 開足一日會, 痴線架! 午飯時都唔喺路, 又喺嗰邊開住會咁, 迫我地返自己位食, 但有嘢做又叫你做架喎, 真係睇唔過眼! 下午都係做吓自己嘢囉, 睇吓仲仲有咩活動可以參加, 但佢呢個歲數真係好難, 小童嗰啲又唔抵玩! 最終只係print咗啲工作紙等佢做吓! 放工直接返屋企, 嫲嫲煮咗粥, 有時間同仲爺睇吓功課先, 又可以溫吓書, 不過佢都係勞氣架啦, 執嘢又唔執, 食完飯老公送嫲嫲返屋企, 就係咁避咗抄牌呢! 我就洗碗打掃捉佢地沖涼, 仲執咗仲仲個廚房仔, 真係掉咗好多垃圾!