16/5/18

16/5/18   WED   HOT

今朝請咗半日假, 因為要去做body check, 朝早如常揍仔返學啦, 跟住由青衣去牛頭角都要足40分鐘, 對於我呢D兩公里生活圈的人嚟講真係幾遠! 9:30準時過到去等攞文件去驗身, 都要再填吓嘢先, 搞掂10:30過到去尖咀驗身啦, 只係照肺, 驗尿, 驗眼, 量血壓等, 血壓就實唔合格架啦, 姑娘都好好, 叫我喺房瞓吓先再量, 咁叫做免強合格囉! 走得就返屋企啦, 煮好粉邊食邊睇吓電視等, 跟住又要返工啦! 都係做吓公事做吓自己嘢等等, 吹吓水咁其實真係好開心架! 放工馬上去接子元去摩士踢波, 不過今日條友踢到好差, 走嗰時係咁比daddy鬧囉, 返長沙灣食粥咋, 陸生好似比子元傳染咗腸胃炎咁, 所以食好少! 返到屋企快手沖涼睇功課瞓覺, 三父子瞓哂我就hea吓洗埋啲衫摺埋啲衫先瞓囉!