11/5/18

11/5/18.  FRI.  HOT*

今朝老公要早返公司， 所以揍咗我地入青衣佢就閃，送咗仲仲返學就痴車去撘地鐵， 買埋早餐返公司啦，都係咁做吓公事又做吓自己嘢啦，突然收到個電話， 係星期三喺牛頭角見嗰份工，話請找喎但要去驗身先， 咁我快極都要星期三先安排到，驗完差不多一星期有部報告，咁冇問題就24號可以辭工！當吓我真係好亂呀，真係請？我做得掂？時間地點真係配合到？原來都要時間去整理思緒， 咁重點係我係咪想離開呢到， 若果係就唔洗諗咁多啦， 去到邊做嘢都係咁做， 但起碼要有番個存在價值先， 好過比人炒先走嘛！咁經過啲時間諗清楚，就決定驗好身冇問題就辭啦！放工趕去接笨元畫班再去摩士選拔，仲爺嚟到就要睇住佢會辛苦啲囉， 選完就成班去食晚飯， 又飲咗啲酒咁啦，都吹到9點幾10點才散，真係夠哂攰呀！