2022年12月30日 星期五

30/12/22

 30/12/22     FRI.   COLD

今朝瞓到9點幾先醒，但其實都瞓得麻麻，係咁發夢！起身後簡單食啲早餐，之後要過舊屋攞吓嘢，賣埋個單車籃同埋個奧運福娃，有十幾磅補貼吓咁啦，買齊攞齊嘢就返翇企，出路口間餐廳食午飯就算，本來今日諗住裝埋啲層架，點知老公個鑽咀爛咗又冇得買，唯有明天再算，早啲煮飯食，hea吓咁就沖涼休息！

張貼者： 於 沒有留言:

2022年12月29日 星期四

29/12/22

 29/12/22      THU.    COLD

今日8點嚴陣以待，就為咗打去GP book睇醫生，係失策book漏咗仲爺，反正佢唔洗錢應該睇埋！想帶去再book已經太遲，但佢比到第二間我，係要7點先有得睇煩啲囉！食完早餐10點半過到去睇，全家4條友咁迫哂入去好誇張，最終開咗抗生素囉，最搞笑喺診所撞到Mandy帶佢奶奶嚟睇醫生，有人吹吓水都好！睇完就返咗Felix road做嘢，老公拆咗個cam，我就執箱，都算進度唔錯！3點前去到茶餐廳食完嘢先返屋企，老公繼續整埋個叉電位，終於完成可以叉電，7點揍埋仲爺去睇醫生，明天先有藥攞。回家後整番琴日的飯食咋，唔想郁！

張貼者： 於 沒有留言:

2022年12月28日 星期三

28/12/22

 28/12/22.    WED.     RAIN

今日7點左右又醒咗，都仲係咳同聲沙，打GP又係full哂，總之就係要8點即打先有機會睇到，子元又同的一樣病徵，睇嚟明天要齊齊打去鬥快先掂，唔食消炎藥真係好難好！今日全日都落住雨咁，結果又係冇咩建樹，中午出咗去yeading間B&Q老公又話要買料，又行吓隔離間家品店，又買咗少少嘢咁啦，返到去買外賣食，hea咗一輪覺得好唔自在，其實我都係想快啲整好間屋啫，之前未搬入嚟時甚實可以整快少少，但佢總覺得自己做得好快，我就覺得其實一啲都唔快，算啦都冇得計，總之希望各樣都順利做好啦！黃昏去咗IKEA，因為我諗到廚房牆點加個架，咁就去買，再買埋外賣返嚟食就算，再煮就太晏 ！

張貼者： 於 沒有留言:

2022年12月27日 星期二

27/12/22

 27/12/22.    WED.    COLD+

今日要招呼人客，瞓醒覺就自己起身食早餐算，唔叫唔等佢地，各自搞掂先自己食！老公就要搞掂埋個叉電位，我就包埋啲雲吞，包到人客嚟都未搞掂！一班女仔嚟到，開頭都未知玩咩好，子元好似唔識招呼人咁，不過玩落都ok，反而我把爛聲就好趕客，有時札講多啲嘢都唔掂咁！全個下午都係吹吓水打吓機咁過，7點左右晚飯，好似唔太夠食咁，但太多又怕食唔哂，都啱架啦！最後影埋大合照食埋tiramisu ，9點幾holly媽咪嚟接佢地大家都散水啦，沖得涼嚟都12點幾！

張貼者： 於 沒有留言:

2022年12月26日 星期一

26/12/22

 26/12/22     MON.    COLD

今日都算有啲活動啦，朝早起身食早餐，之後老公繼續整佢啲電位，我都搵啲嘿做吓，又去超市買一轉嘢，明天要包餃子！11點幾出門口，約咗老公個朋友去打保齡球，又幾好玩喎，不過有啲似各有各玩咁，打完仲可以玩食錢樂園，真係有飛換嘿咁架，兩點幾走啦，返到去老公就睇波，我就清潔咗條樓梯先，終於都似番條樓梯啦，5點幾就煮飯，早啲倉完hea到9點幾先沖涼，其實喉嚨煮仲係好痛，不過都冇咩藥可以食，繼續食化痰粉囉！

張貼者： 於 沒有留言:

25/12/22

 25/12/22     SUN.    COLD*

今個聖誕節應該係最自閉的一個，冇辦法啦，屋又未整好，大家又病哂，唔喺屋企可以點！朝早本來都好少少，但之後把聲開始愈來愈衰，我就係咁，一有痰就係咁會封咗個喉嚨，唯有等佢啲痰慢慢化！今日主力裝個電視上牆，另外就係整叉電位，基本上都整咗一日，午餐求其煮咗白粥就算，所以都好快肚餓，晚飯就早啲食，又係一穫過薯仔雞翼加生菜，子元見我唔舒服主動洗碗，真係好乖仔！所以我可以第一個沖涼，基本上9號幾已經返房！

張貼者： 於 沒有留言:

2022年12月24日 星期六

24/12/22

 24/12/22.     SAT.    COOL

今朝起身食早餐後就出去攞床頭櫃，冇錯我又free 咗個床頭櫃返嚟比老公用！跟住就去埋Costco買雞蛋同廁紙，仲有熱狗做午餐返嚟比佢地食！老公返到嚟要整起埋個牛腩煲，跟住仲要同嫲嫲傾陣電話我哋先出門口，先去買咖啡，再返舊屋攞麻雀枱先過Bonnie 屋企開party，由3點幾玩到差不多11點幾，因為老公又唔舒服，所以都要返去啦！party都係打牌吹水抽獎咁啦，時間過得好快！

張貼者： 於 沒有留言:

2022年12月23日 星期五

23/12/22

 23/12/22     FRI.    RAIN

今朝老公真係病到半日工都返唔到，有啲可惜，因為下晝佢都做唔到啲乜嘢，所以間屋嘅進度又推遲晒！九點幾我起身煮早餐，食完之後諗緊有咩做，又未見裝boiler個叔叔打俾我，所以決定過去舊屋嗰邊買牛腩，又去埋Sainsbury買啲呢邊買唔到嘅嘢，不過揸車嘅過程都幾艱辛，因為落雨嘅關係，好多地方又嚟又浸，返到嚟架車都要清潔一輪！啱啱返到嚟叔叔就去到屋企門口，於是佢就開始裝boiler嘅過程，佢話要裝三四個鐘，但估唔到佢足足搞咗六個鐘，結果今日出唔到街，老公出去買外賣返嚟食就算，不過呢間中國菜，真係唔掂！下次都係唔好試！做完之後終於沖涼嘅時候唔使怕突然之間冇水或者變冷水，最搞笑係佢叫我聽日先至去佢舖頭俾錢，咁都啱嘅佢又知我住邊有咁近好難走去數！

張貼者： 於 沒有留言:

2022年12月22日 星期四

22/12/22

 22/12/22     THU.    WARM

今朝瞓到九點幾先起身，不過好頭暈，幾辛苦先至起到身梳洗，所以早餐只係殺咗蛋比佢哋食就算，門口掉垃圾嘅時候，發現門口攝咗張紙，原來隔籬屋樓下話我哋個廁所有個位漏水，滴落佢嗰度，搞到我都唔知點算，最終出咗去路口問過嗰間水電鋪，嗰個叔叔好好人咁即刻嚟幫我睇，你可以話佢想搵生意，但係都要肯做先得㗎，而家臨近聖誕邊有人做嘢，佢上嚟睇完見到佢個boiler漏水，佢最終報咗嫁俾我，£1600包安裝！老公又叫我問埋事頭，咁炮哥佢哋就好熱心咁幫我哋睇咩價錢同埋咩級數，但講到尾冇錢就唔使講級數，得嘅我裝到3000磅㗎啦，我真係冇錢吖嘛，最終到晚上先至決定，因為老公睇一睇佢根本冇辦法停止到個漏水，咁始終都要玩，平平哋咪換住先囉！處理完一輪公務，我就去藥房攞返我嘅血壓藥，唔好返嚟煎餃子比佢哋食，跟住都係無所事事，因為根本冇嘢可以整住，所以打咗陣機摺埋啲衫老公返嚟之後就預備晚飯，今日做冬，但係個個都病病地，所以簡單地一餐就算啦！

張貼者： 於 沒有留言:

21/12/22

 21/12/22.    WED.    COOL

今日其實都冇咩好食，因為真係病得好辛苦，所以基本上全日都喺度休息，只係午餐晚餐點都要預備吓點解！老公又大細佬上埋年睇波，所以佢哋中午就已經出發，我同子元就煮粥食！因為子元都病咗，所以佢又冇乜胃口，所以佢碗粥分兩餐食，我晚飯都係食返細佬琴日嘅廚餘，基本上九點幾我哋已經各自返房瞓覺，不過我睇幾睇到瞓着咗， 11點醒咗一次，到我老公佢哋返嚟我又醒咗一次，所以都瞓得唔好！

張貼者： 於 沒有留言:

2022年12月20日 星期二

20/12/22

 20/12/22     TUE.    COLD

今日其實都冇咩好寫，因為佢哋病好，就傳晒啲傷風比我，結果我全日都喺度流鼻水，食咗幾次藥都冇用，真係好辛苦，期間仲要照樣執屋煮飯！中午嘅時候我再試吓行出去大街嗰邊睇吓有啲乜嘢買，了解吓附近環境，咁樣行上去都要15分鐘，之後就買嘢都係踩車方便啲，如果唔係一來一回都半個鐘，都未計買嘢！返嚟之後就同佢哋打吓機，四點幾五點先至收夜，老公返到嚟仲話佢哋兩個要去踢波，搞到亂晒大籠，結果細佬去到球場踢一陣就咳到隻嘢咁，阿哥睇完返嚟又凍又唔舒服，話咗冇問題㗎啦，兩個都未好返！我咪喺屋企摺埋啲衫同煮飯囉，我就繼續流鼻水流足一日，希望今晚食埋藥會好啲啦！

張貼者： 於 沒有留言:

2022年12月19日 星期一

19/12/22

 19/12/22.    MON.    COLD

聖誕假期開始，不過細佬琴日開始發燒，今朝老公叫醒我比退燒藥佢食，所以我又瞓唔番啦，佢食完嘢之後又瞓到喎，等到佢出咗汗幫佢抹咗身，我見佢好咗好多，不過老公叫我睇吓可唔可以帶佢去睇醫生，於是我咪打電話去book，點知排咗一個鐘隊，佢同我講今日appointment滿晒，一係打111，一係直接去醫院，咁我見佢開始退燒員亦都精神返好多，就冇再跟進喇！早餐淨係食咗兩隻蛋，因為都冇咩心機整嘢食！然後我醒起份件今日可能會再送去Felix roadd，所以睇一睇個網，見到12點半至一點半會送到，所以派咗阿哥過去等份件，我仲係呢邊分贓埋啲肉，煮粥俾細佬食，果然1:00左右送咗嚟，阿哥就可以攞埋返嚟，下午開始我哋三個就係咁打機，到老公返嚟就開始煮晚飯，本來老公想整埋啲電，但因為要鑽牆，實在太熱唔適合，於是我哋過咗去，又搬啲嘢過嚟，咁聽日就可以再執啦！

張貼者： 於 沒有留言:

2022年12月18日 星期日

18/12/22

 18/12/22.    SAT.    COLD

仲仲今朝本來話要比賽都取消，草地結哂冰踢咩鬼！所以慢慢食埋早餐，本來紮吖老公快啲整埋個電線，但一來又落雨，二來佢又要研究，三來又話冇咗個工具，最終咪發現個工具根本冇買！講到好似係我整唔見佢咁！子元要出去補習，車咗侷過去，返舊屋攞埋嘢再出圡食埋午餐返屋企，放低啲貨就再出去買埋24號開party的交換禮物，再去接番子元，返到嚟掛住睇世界盃決賽，最終要踢到十二碼，阿根廷勝出！跟住的起心肝宴晚餐，老公今日生日，所以煮牛扒，仲有整薯蓉西蘭花，煮到8月先開飯，仲爺瞓咗，叫醒佢食時摸到佢似發燒，快啲食退燒藥，食少少就算啦！洗埋碗食埋蛋糕睇多陣電視煮沖涼瞓覺！

張貼者： 於 沒有留言:

2022年12月17日 星期六

17/12/22

 17/12/22     SAT     VERY COLD

今日無事忙咁, 朝早瞓到9點幾先知醒, 起身煮早餐食, 食完先叫老公整咗嘢先, 唔好去中超買嘢住, 點知就發現個電批叉唔到電, 搞到要問炮哥借, 老公想整個叉電位先, 但原來好難拆, 我諗住叫佢不如用明線喺房拉出嚟, 最終佢就堅持用佢個方法, 我都唔理得咁多啦, 又唔係我整! 咁我咪再諗吓有咩執囉, 仲有要洗衫乾衫, 個洗衣機雖然已經轉番用800轉但都係震到隔離屋過嚟問, 我懷疑係個洗衣機問題唔係個地台問題, 諗住打去保養問, 佢登記完又話幫我轉去維修部點知又cut 咗線, 玩嘢呀, 又要星期一再問, 點解問極都仲有問題去解決架, 真係好攰呀! 2點幾出去食午餐, 然後車子元去踢波, 跟手去中超買嘢, 好多嘢要買呀, 都好耐冇嚟咁! 之後仲要返去舊屋攞嘢, 放到一車都係, 落咗貨老公又要去接番子元, 我就喺屋企係咁執嘢, 盡量清咗啲箱, 但冇咁多櫃, 啲嘢都唔知可以放邊, 好苦惱! 等老公回來煮埋飯食, 都已經9點多, 洗碗沖涼之後仲要摺埋啲衫呢, 咁又12點架啦! 

張貼者： 於 沒有留言:

2022年12月16日 星期五

16/12/22

 16/12/22.    FRI.    VERY COLD

返埋今日就放假，但都唔係咁開心，因為房個廁所塞咗，又唔知係咪太凍結咗冰所以塞喎，今日都係通唔到，好灰！返工返學都有咩，雖然有得放早揍埋細佬放學老公可以嚟接，但因為周圍都塞車，返到屋企試通渠後諗住去茶餐廳食嘢又已經閂門，去Costco 又塞，本來約咗5點出發去central London睇燈飾都趕唔切，整咗一輪樓下算冇問題但樓上完全唔去水同埋怕仲喉爆，都係要搵人嚟睇，但就唔用得住囉！雖然join唔到佢地行market但都可以去睇吓燈飾，不過渣出去再要行去會合又凍又遠，同埋都唔係好多嘢睇，最後去食埋拉麵就回家，排隊沖涼休息！

張貼者： 於 沒有留言:

2022年12月15日 星期四

15/12/22

 15/12/22.    THU.    VERY COLD

今朝都係如常咁返工，而家揸熟咗條路好似行得好啲啦，返到學校又俾麻煩老師捉住要寫電郵俾佢，講返琴日Bella發癲啲嘢，其實本身我都會寫㗎啦，只係見唔到佢就唔使寫電郵，淨係mark番喺系統就可以！寫完佢又差不多返，我都冇咩時間，想去飲杯咖啡都唔得，今朝出門口唔記得咗飲，好在捱到去放飯嘅時候，去搵個同事整過即用咖啡頂一頂先！下午都算順利，今日啲堂其實冇咩嘢做，都係睇吓戲，係零零舍舍有一堂要上，好在嗰堂我去咗食飯！放學去公園接埋細佬，俾佢玩一陣就返屋企，其實今日唔算好多嘢做，都係要試咗洗衣機先，始終1200轉實在搖得太犀利，以後唯有轉用800轉！老公返嚟之後整埋個電視機可以上返牆，咁我就煮好飯食埋諗住沖個涼，點知水壓又唔夠，沖沖吓又變凍水，不過都冇辦法㗎喇，冇錢買晒全年洞，就係咁！

張貼者： 於 沒有留言:

2022年12月14日 星期三

14/12/22

 14/12/22     WED     VERY COLD

今日都係咁返工返學啦, 要踩多咁遠其實都真係好攰! 不過今日遇啱時間返到去啱啱好夠鐘, 我就可以順利返工! 因為學生今日返10點, 所以唔洗趕, 返大房做埋啲嘢可以hea吓, 仲有去整blin blin貼面, 因為今日係咩鬼grown up day, 可以玩化妝嗰啲, 咁好多老師都貼閃閃喺面啦! 本來今日Bella都好地地, 係放飯時佢唔知點解話要去飯堂喎, 等佢個fd買飯再嚟食, 但等唔到佢個FD之餘又唔知等咗佢嗰班條咩友仔, 我又唔知佢地有咩仇口, 佢已經勁啤住佢, 啤咗10分鐘佢突然走咗去, 好在我追得切啫, 好在佢只係走咗去AL1, 本來都冇咩, 到之後HIS佢係咁想KIU頸, 搞到我不停要stop佢, 仲要扭到手指, 可惡! 睇人地唔順眼就去中佢唔係中自己囉, 傻架! 好在最尾嗰堂只係睇戲, 咁佢又好專心睇喎, 放學又冇咩就唔理啦! 快啲返去揍仲回家我仲要再出去買餸呢, 今日子元要踢波, 咁老公回來就揍佢去, 我就收拾一陣再hea吓, 夠鐘先煮飯, 今晚食肉醬意粉咋, 邊食邊睇埋世界盃準決賽, 然後都係沖涼休息啦!

張貼者： 於 沒有留言:

2022年12月13日 星期二

13/12/22

 13/12/22.    TUE.    VERY COLD

今日終於要試吓踩單車湊細佬返學然後再返工，用咗20分鐘左右先至過到去學校，都算合理，因為路面真係好凹凸，所以有啲位仲要行路唔可以踩車，結果8:30就已經返到學校，咁又未開門唯有俾佢喺公園玩一陣，但我就好凍囉！跟住到我返工啦，今日都冇乜嘢特別，只係啲學生今日放早，我哋等佢哋走晒就返去AL1做嘢，然後再準時就放工！接咗細佬就即刻返屋企啦，話晒而家要踩十幾20分鐘先返到去，唔可以喺公園玩咁耐！返到嚟先至醒起我仲要去買餸，又要坐車出去買埋餸，等佢哋兩個去晒踢波，我就開始執咗細佬間房，然後執吓個廳煮埋晚飯，終於可以休息吓！個洗衣機終於回復正常，可以好好咁洗衫啦！

張貼者： 於 沒有留言:

2022年12月12日 星期一

12/12/22

 12/12/22     MON.    VERY COLD

第一日喺新屋出發返工就遇咗昨晚落雪，真係有積雪嗰隻，因為架板車仲喺舊屋，所以先要撘巴士揍咗仲仲返學先，估唔到要足足40分鐘先返到去，之後我仲要仆返去舊屋攞板車返學，啱啱好趕多次幾點返到去，今日Bella 又好早返到嚟喎，仲要又唔夠LSA又冇更表，不過都冇理咁多照開工，因為有雪玩嘛，小息時個個都玩得好開心！但之後都係要繼續開工！放學就去接仲仲，然後一齊努力的搵路踩車返屋企，算係成功，明天都要努力搵方法踩返學！今日都係忙碌，要攞衫去洗，出去買嘢，返得嚟都8點幾仲要煮飯，所以又夜一夜都未瞓！

張貼者： 於 沒有留言:

11/12/22

 11/12/22.    MON.    SNOW

今日都係忙忙亂亂咁都唔知自己做咗咩！朝早八點幾九點起身，食完早餐開始執吓嘢，仲有叫老公整埋廚房嘅掛鉤，但係整好耐都未整好，小笨又要出去補習，我地買埋料回來又要整子元房個燈，點知天黑都未搞掂，仲要又要趕住出去接番佢，最終黑住咁等到差不多5點先得，咁我就可以煮飯早啲食，洗衣機又係繼續發顛，真係好煩，明天先再整！

張貼者： 於 沒有留言:

2022年12月10日 星期六

10/12/22

 10/12/22     SAT.    VERY COLD

今朝七點未夠我就醒咗，但都Hea到八點幾先起身！首先要煮好早餐，補充體力先至可以繼續工作！不過今日真係好凍，周圍都結晒霜，好誇張！食完早餐一邊執嘢一邊等整寬頻嗰個人嚟安裝，大致上都順利，泡個上嚟幫我哋裝埋安博盒子同埋電視機，點知發現洗衣機一轉得高速時就開始逃走，老公用咗好多方法先叫做安頓好佢，希望再用高啲轉數嘅時候唔會有逃走啦！跟住出去食午飯，然後又要車多兩轉物資去新屋，今次除咗剩返嘅紙箱之外仲要執廚房嘢，執完仲要去IKEA買埋需要嘅物資，最後買埋晚餐就返屋企睇英法大戰，我食咗少少嘢就已經飽，可能真係太攰，但都要盡快收拾好廚房物資，所以一邊睇波一邊執，總算叫做收納好晒！咁明天才可以再睇吓有啲乜嘢需要處理，星期一就要預備返工！

張貼者： 於 沒有留言:

9/12/22

 9/12/22.    FRI.    VERY COLD

今日係搬屋嘅日子，所以老公請咗假，但係我依然繼續要返工！老公車兩個豬仔返學，我就自己返工！工作上面都冇咩特別，順利上堂，放break吹水，夠鐘就放工！返到去先放低架滑板車，然後去公園接細佬，因為老公話返嚟車我哋，所以唔使自己搭巴士過去！返到屋企見到啲傢俬消失晒，然後又好亂咁樣，諗起都攰！不過而家先嚟開始，老公先出去我哋出去一齊食啲嘢，然後開始無限輪迴咁樣運輸物資過新屋！不停搬不停執，我都唔知自己啲時間係點樣過，目標今日係切好晒三張床，收拾好廁所可以沖涼瞓覺！最終我哋差不多一點幾先至有得瞓，老公仲要作病，真係好辛苦，不過都值得嘅，因為我有我哋有自己嘅屋企！

張貼者： 於 沒有留言:

2022年12月8日 星期四

8/12/22

 8/12/22     THU.    VERY COLD -4度

今朝因為個冰櫃漏水，搞到我又要抹地阻住晒啲時間，所以出門口都好趕，好在路程暢順返到學校！今日真係好凍，我已經將最厚嘅嘢着晒上身，都叫做夠暖啦！仲以為今日第一堂Bella唔啱上，佢唔會咁早返，點知我都未做完我應該做嘅嘢佢就返到，不過都唔緊要啦，佢今日上堂都算正常我都可以有時間做吓嘢！放break嘅時候照樣等Letty 佢哋嚟吹水，都係一日裏面最開心嘅時刻！今日12:30放飯，算係唔錯嘅時間，撞啱二姐喺度，我仲快手俾埋份假期申請表佢簽，咁又做多一樣嘢啦！返到去之後冇幾耐又到學生放午飯，我又唔係好想睇漫畫，都冇乜人咁做打機！今日都打咗好耐機，所以係幾輕鬆！最後一堂英文因為去另一個班房上， Bella又係唔肯入去，我點咗名之後就帶佢去圖書館，佢又去睇書我又打機，夠鐘就放學！去接埋細佬就快啲返屋企，又要即刻飛出去買餸煮定嘢，因為今日係子元學校parents evening，要網上見家長，所以我夾到啲時間見一陣家長，又去湊德，照顧完佢，繼續見家長！等老公返嚟之後先快手食咗個飯，本來諗住係要過去清潔執嘢，但因為又要拆床又要pack嘢，所以最終決定唔過去啦，淨係執衫執鞋拆床都整咗幾個鐘！

張貼者： 於 沒有留言:

2022年12月7日 星期三

7/12/22

 7/12/22.    WED.    COLD

今朝好多有啲趕啊，好像都準時返到學校，照樣準備好就開工，仲諗住Bella冇咁早返，不過好在佢全日都好正常，加上我呢幾日都好眼瞓，佢最好唔好有咩事，我已經冇力再應對！小息時候照樣同張小姐佢哋發癲，開開心心咁樣去食個午飯，又要返去好眼瞓咁上堂！順利收工去公園接埋細佬，又要返屋企諗吓點執嘢！不過首先要食飽咗先，然後仲要趁天黑之前搬埋後花園閑置左一年嘅廚房用具同埋紙皮箱入嚟！夠鐘就要出去接德，煮完飯俾佢食，老公返嚟就煮飯先，等德閃咗我哋就即刻開飯，然之後又要開始來回運輸嘅工作，今晚做到9點多就算，返到嚟仲要摺埋啲衫，好攰！

張貼者： 於 沒有留言:

2022年12月6日 星期二

6/12/22

 6/12/22.    TUE.    COLD

今朝因為煮係整番個午餐比自己同仲仲帶，所以搞到好趕呢！返到去先睇更表，頭兩堂Bella都唔返我就知佢應該唔返，所以小息時去咗問我轉跟邊個，炒散好在冇咩責任，上堂睇住就得，所以都幾輕鬆，仲可以放個長飯，休息夠再去做，最尾兩堂跟個year7香港人，諗住平平靜靜，上完堂音樂都ok, 我話喺下堂課室會合，我返AL1放低個袋先，點知又走火警，走完咪去埋個廁所先去課室囉，點知當我去課室時見有老師帶咗條女去級主任室，話咩鬼打架喎，都唔知邊個真邊個假，總之我夠鐘就收工，接埋仲爹就返去，仲要去買餸，返嚟預備完又要去揍德，返嚟宴飯佢倉，老公就先去換咗門鎖，返嚟食埋飯先再搬櫃過去，仲要裝埋個雪櫃，所以搞咗兩個幾鐘，10點幾返嚟沖涼休息！

張貼者： 於 沒有留言:

2022年12月5日 星期一

5/12/22

5/12/22.    MON.     COLD

明冐體感煮有4，5度，但點解咁凍！揍咗仲爺就快手返工，今日大致上郁咩特別事，即係好事！上堂最緊張入課室，入到就唔理佢做咩啦，反正佢都唔聽老師要佢點都郁人鬧，有咩所謂！午飯快食完就返去，又要喺操場凍，都唔明點解唔喺室內食飯！上埋最後嗰堂放工就接埋仲爺返屋企，老公未返唔䢬得去住，咁搵啲嘢執吓先，子元喺學校踢完波返嚟就食埋餐飯等老公回來我地就準備過新屋整嘢，本來老公想換埋個鎖但因為拆唔到加上時間關係要下次先！咁就快啲砌埋嘢打埋臘8點幾先返嚟囉，沖涼嘅去沖，買咗pizza同雞局嚟食，已經11點，大家都攰！

張貼者： 於 沒有留言:

2022年12月4日 星期日

4/12/22

 4/12/22     SUN     COLD

今日都係要去新屋工作的一天, 不過都係下午的事, 朝早仲爺去比賽, 我同子元喺屋企除咗吸塵抺地洗衫就係打機, 因為都冇咩可以執住, 都冇位去做! 所以打overcook, 11點幾12點佢地返嚟之前先比子元食個pizza, 然後就揍佢去補習, 跟住到我地食午餐, 食埋就過去新屋整嘢, 本來今日諗住打埋臘但都係做唔到, 因為老公要切割埋啲木板同radiator cover, 我地就砌好哂IKEA啲嘢同砌咗一個衣櫃, 明天繼續! 7點幾返到去快手煮飯食同睇世界盃, 然後咪洗碗沖涼休息囉, 明天仲要返工返學!

張貼者： 於 沒有留言:

2022年12月3日 星期六

3/12/22

 3/12/22     SAT     COLD+

開始要趕工裝修工作, 所以今日要全員出動, 不過朝早仲仲要練波先, 子元就喺屋企摺哂啲衫, 我地襯仲爺練嗰個半鐘去咗IKEA買哂啲未買物資, 仲買咗糖比佢派比隊友, 因為呢到生日係與咁嘛! 等佢返去沖完涼出去食埋午餐就過新屋做嘢, 最好笑係我又係喺呢間餐聽等開餐時上FB睇吓有冇嘢Free時執到正嘢, 今次唔係free但就要咗個radiator cover, 10磅咋喎, 10份1價錢呀! 咁就值得整, 好在之前我叫老公點都唔好買啫! 過到新屋開始工作啦, 清哂地板做清潔, 安裝洗衣機, 仲要專登去買地拖抺地等等, 雖然未附合預期諗住可以打埋地蠟, 但都叫做做好咗好多, 6點半前要返到去攞個radiator cover, 然後仲要返去煮飯食! 簡單合作煮好餐飯同埋睇世界盃! 今日做清潔真係做到好攰呀! 要好好休息, 明天繼續!

張貼者： 於 沒有留言:

2022年12月2日 星期五

2/12/22

 2/12/22      FRI     COLD

今日仲爺9歲生日, 可以著便服返學, 又要返去派禮物, 咁就叫老公揍佢返去啦, 反正佢攞咗假整屋, 我就可以遲啲先出門口! 返去hea到9點幾10點, 先慢慢去埋個廁所, 撞啱去到reception bella就返, 不過都已經差不多第一堂完, 最好笑係我地入去坐嗰10分鐘, 諗住坐夠咪走人囉, 點知佢又遲放又要啲學生靜哂先行得, 結果10:20咁滯先放人, 真係好麻煩! 蝴蝶效應下我地去下個班房都會遲, 但重點係唔知點解呢堂原來去hall, 但我地去到課室冇哂人, 仲要係GEO, 佢梗係唔上, 最後去咗圖書館睇書, 我就打機算! 小息後Science我去放飯, 放完返嚟見佢喺花園坐, 最終陪到佢夠鐘搵輔導主任捉埋棋, 就可以放飯, 我就睇我的漫畫! 本來好好上埋數學就走人, 點知上到一半走火警, 又上又落一輪返去得番半個鐘都冇! 放學去咗公園會合火, 等仲爺玩到4點幾先返去, 老公返嚟就先同仲爺影相食咗蛋糕先, 我地再去中超買料打邊爐, 係隻豬仔話要食打邊爐做生日嘛, 邊食邊睇世界杯, 仲要開哂兩邊同步一齊睇, 幾正! 最後搞掂哂啲嘢已經10點幾11點, 好攰!

張貼者： 於 沒有留言:

2022年12月1日 星期四

1/12/22

 1/12/22     THU.    COLD

今朝早返到學校先至發現我唔記得帶電話，但我又唔肯定自己係唔記得帶定係留咗喺邊度，所以成個朝頭早都好不安，一心喺度諗可以點樣做， 連上堂的時間表都記錯晒，小息嘅時候仲走去問Letty用電話打俾自己，睇吓個電話識唔識響，係咪真係跌咗，點知打電話翻去又唔通，但係打老公同埋子元個電話都係一樣唔通，非常奇怪，果然監獄係守衛森嚴，想打個電話都唔得！終於捱到我放飯嗰半個鐘，我把心一橫唔食飯住，極速飛車返去搵返個電話，果然安糖咗喺屋企，但因為飛咗呢程車，我架車冇電，捱到返學校要搵地方去叉電，最終又要麻煩阿Joe這個Office俾我叉電，好彩佢喺度咋！攞返個電話我即刻個心實在好多，個人都即刻正常返！捱多堂就可以放工喇，放學去接埋細佬就返屋企，其實今日唔係好需要煮飯，因為老公琴日整定左鴨腿湯飯，不過都要去買配料放落去，跟住又要去接德，最搞笑係佢阿媽路過諗住搵吓佢，點知佢就唔肯同佢阿媽走，結果佢一齊嚟咗屋企，好在我今日好足料整牛肉炒飯， 食完佢就走，我就開始煮飯，諗住老公七點返嚟睇波就開飯，點知佢整到差不多八點先返到，我就喺沙發瞓着咗，瞓到個人溫溫等等，之後都係拖着疲累嘅身軀完成埋今日嘅工作，先至可以休息！

張貼者： 於 沒有留言:

2022年11月30日 星期三

30/11/22

 30/11/22     WED     COLD

今日又冇琴日咁凍, 等我仲著多咗衫添! 返到去如常做嘢啦, 都算正常冇咩特別嘢, 上堂就上堂, 冇咩特別咁照樣吹水時吹水, 做嘢時做嘢, 放飯時放飯! 做好嘢收得工, Bella都有發吓顛, 唔入課室同衝出課室嗰啲囉, 都係日常! 放學返去接咗仲爺就返屋企, 過好數交埋council tax咁就揍仲去學最後一堂結他, 期間我仲要去買餸, 問結他阿sir 攞埋contact必要時可以再搵佢教! 揍埋德德就返去煮飯忙碌! 仲有就係要睇波啦!

張貼者： 於 沒有留言:

2022年11月29日 星期二

29/11/22

 29/11/22.    TUE.    VERY COLD

今天睇天氣報告唔明都冇話到咁凍，但返學途中真係覺得好凍，好在今日都唔係成日要去室外，叫做放飯嘅時候仲辛苦！朝早工作如常，唔算有咩特別事情，順利到放工，接埋仲爺返屋企就開始忙，首先廚房燈燒咗要馬上去買，返嚟換完快手食少少嘢就準備晚餐，然後出去接德，返嚟時佢地已經出哂去踢波，搞掂德之後就煮飯，仲要set定嘢睇波，之後車在太攰又喺梳化瞓到佢地返嚟，等佢地開咗飯我洗埋啲嘢就沖涼休息！

張貼者： 於 沒有留言:

2022年11月28日 星期一

28/11/22

 28/11/22     MON     COLD

明明天文台話唔係咁凍, 但一路踩車一路好似結冰咁, 真係唔掂! 返到去照常開工囉, Bella第二堂先返到, 仲要勁唔開心咁, 行到去課室又唔肯入去仲要想跳樓梯, 比佢嚇死! 總算勸服到佢先去輔導主任嗰到, 但因為佢唔喺到, 我地去咗AL1坐, 咁啱大姐又喺到, 又喺到講廢話啦, 我都廢事理佢, 小息我地就返出去操場, 我又繼續同張小姐佢地吹水, 然後咪返去上堂囉! 上Soc時個老師都矇架, 都話咗Bella要坐原位, 係要我講幾次先掉, 唔掉佢係唔會坐式低架! 好邪咁上RE時個課室啲枱又轉哂, 最終要郁番佢坐開嗰兩張佢先肯坐, 我就夠鐘去食飯先! 之後都算順利等收工, 接咗仲爺就返屋企, 又好忙咁但明明有咁多個鐘架喎, 出去買餸預備晚飯, 老公7點未夠就返嚟準備睇波呢! 食完飯沖完涼仲有好多公務要處理, 加油呀! Settle咗就得架啦!

張貼者： 於 沒有留言:

2022年11月27日 星期日

27/11/22

 27/11/22     SUN     COLD

今日真係太忙, 朝早出咗去到天黑先返到屋企! 早上佢地出去踢波, 又要煮早餐比佢地食, 揍咗佢地去球場我地先去餐廳食, 本來去IKEA行買埋餘下的, 但又login唔到, 加上唔多夠時間, 陣間返唔切去接佢地又煩! 所以都係唔去住, 喺附近行吓market, 跟住去球場等佢地, 踢完仲爺又一身都係泥, 叫咗佢唔好做多餘嘢架啦, 係要落哂地咁, 激死! 跟住就買埋嘢比子元食然後去補習, 我地就去B&Q買埋料整衣帽間, 搬咗啲料返去就接番子元再去球場, 我地又要去hobbycarf買仲仲生日要整比小朋友啲禮物袋! 襯閂門前趕得切買到! 終於返到屋企, 又要預備晚飯等等, 食完飯我已經攰到瞓咗, 所以沖完涼都係早啲瞓算!

張貼者： 於 沒有留言:

2022年11月26日 星期六

26/11/22

 26/11/22.    SAT.    COLD

星期六都係揍佢地踢波啦，因為要去Costco買嘢，所以揍埋子元去球場睇住細佬，我同老公想去Costco買嘢，然後返嚟接佢哋，點知重重留咗件褸喺球場，搞到我哋揸車去阿Sir屋企攞，撞正又塞車喎，搞咗半個鐘先返到嚟，諗住去茶餐廳食午飯，點知嗰邊又封路，兜咗好耐先至去到，食完嘢車埋志遠去球場，車咗我哋返屋企，老公就去新屋整夜，我就捉住仲仲做功課，然後做埋清潔，終於可以休息吓啦！然後又要煮晚飯，不過都係準備功夫，老公返嚟等佢煮，晚飯之後洗完碗仲要將Costco買返嚟嘅肉分裝，結果沖完涼已經11點幾！

張貼者： 於 沒有留言:

2022年11月25日 星期五

25/11/22

 25/11/22.    FRI.    COLD

今日需要返工，但係冇學生喺度嘅日子，真係平好多，而且只係教師發展日，去Hall嗰度坐到夠鐘就可以自由，都係好事！不過今朝出門口嘅時候先至醒起我琴日唔記得咗叉電，好彩架板車仲可以捱到返學校，咁就返到去先再叉電啦！要返大房聽阿姐吹水先，9:30就去Hung聽講座，都係啲無聊經費講咗啦，捱到break time就可以去下廁所休息吓，幾點鐘到12點半終於聽完廢噏，可以放飯，今次食飯係任食，我當然唔客氣啦，基本上食飽就可以收工走人，去食嗰陣時有啲慘，因為大姐無端端走咗嚟我同個同事坐緊嗰張枱，我又唔好意思趕佢走，唯有默默咁等佢識做離開，不過佢都唔係好識做，坐咗好耐！1:30左右我真係放工先返屋企休息吓，同哥哥打咗陣over cook然後去接細佬放學，返到屋企就做埋啲家務，今日細佬唔去踢波，真係好想睇英格蘭場波老公就順利等晒啲門窗同埋送電器嚟，其中細佬係冇去練波，喺屋企睇電視！

張貼者： 於 沒有留言:

2022年11月24日 星期四

24/11/22

 24/11/22     THU     COLD

今日7點半先起身, 因為請咗日假去子元學校家長日, 朝早淨係主理仲爺返學就得, 今年開咗學都未試過揍佢返學呢! 回家後煮完早餐hea一陣又差不多要出門口去子元學校, 最好笑係我有我踩滑板車, 佢有佢撘巴士, 去到見老師咪又係講嗰啲嘢囉, 條友成績science係進步咗, 但英文都係唔掂, 今次又衰埋Geo, 都要谷吓佢架啦, 條友太鬆散啦! 見完家長去買埋餸就返屋企, 買埋明天的攞到我隻嘢咁! 回來後食埋午餐就開始執細佬間房, 諗住清哂啲垃圾到時入箱簡單啲! 咁就執到差不多3點, 又要出去接佢放學啦, 返嚟有波睇, 但我又要預備啲餸同出去揍德, 條友今日食食吓飯就已經想瞓, 食完直情瞓到豬咁, 所以佢阿媽嚟接時要嘈醒佢先掂, 咪又喊到隻嘢咁囉! 本來老公話今晚過新屋整嘢先, 但因為嗰邊大塞車, 佢唔過去啦, 明天先再做! 所以可以一齊食飯睇波!

張貼者： 於 沒有留言:

2022年11月23日 星期三

23/11/22

 23/11/22.    WED.    COLD

返學時間先至落雨真係好麻煩，我返到學校件褸基本上濕晒，雖然係防水，但係都要抹！我見冇咩做又唔想去課室等，做錯咗去Reception等Bella，估唔到佢都幾準時，今日9:30就返到，不過佢都唔上Geo，所以都係坐喺門口，佢真係好唔鍾意做assessment，今個禮拜係測驗週佢更加唔鍾意。小息嘅時候都未見過佢個朋友，所以佢都係同其他人一齊，我就繼續同張小姐佢哋吹水，夠鐘就去上堂，本身science我就去食午飯，點知個phy老師要佢地琴日冇測驗嗰啲測番，咁佢局住去，好在cover我嗰個12點嚟到，咁我唔洗對住佢嗰個面口！食完飯返去佢哋就上psychology，其實我都覺得呢個老師教得唔係咁好，今堂下半堂講離婚，佢唔洗係咁播片關於啲小朋友點睇父母離婚，搞到Bear又要出去行個圈，咁就之後都冇乜嘢， 一路放飯放學都仲可以，數學係唯一一科佢肯測！放學返屋企攞完結他接仲學音樂，然後去超市買餸放番屋企先再去揍仲揍德！晚餐今日食意粉算，因為明天不用返學嘛，偷來一天假期真好！

張貼者： 於 沒有留言:

2022年11月22日 星期二

22/11/22

 22/11/22.    TUE.    VERY COLD

今朝揍咗細佬返學就返工啦，因為冇乜電郵要check，所以都係去咗課室等，差不多10點佢先至返嚟，本身history佢哋要做Assessment，但係佢又係唔做！英文堂之後仲要放break，同Letty 佢哋吹吓水跟住就上PE堂，見佢地打籃球幾好玩，同埋佢啲隊友又唔係好幫手，我再同Miss講不如我join埋一齊啦，可以幫吓佢手等佢起碼入到波，唔係一陣間發脾氣又係煩到我！今日其餘時間都可以啦，只係要測驗時佢又唔測，都冇咩特別，夠鐘就準時收工，接咗細佬就即刻返屋企，因為到check電力嗰個公司嚟，不過出完我哋要趕住出去買餸，然後又要去就得啦，返嚟整完野比佢食又要煮飯食完飯洗碗沖涼之後又要摺衫，其實我好眼瞓我想快啲瞓覺！

張貼者： 於 沒有留言:

2022年11月21日 星期一

21/11/22

 21/11/22     MON     VERY COLD

今朝好凍呀, 得番3-5度, 開始似番冬天啦, 揍咗仲爺返學見有家長主動話幫我睇住咁我就閃人, 返到去首先盤算吓點樣搞星期四請假, 先查咗大姐幾時有堂, 咁啱佢第一堂要上, 而二姐又唔洗上, 咁就襯時機去問完再攞form比佢簽埋, 咁就順利請咗假, 然後出咗去reception坐, Bella今日都算早返架啦, 起碼PE堂都坐咗20分鐘先轉堂! 就係去廁所換衫時, 撞正轉堂時間, 唔知係咪因為太嘈, 佢出咗嚟之後突然掉低哂啲嘢跑咗去, 我追佢時差啲撞門, 好在唔太應啫! 最終settle咗佢去AL1, 佢就安樂啦係到睇書, 我就勁唔自在囉因為大姐喺到, 好在之後都冇咩事, 全日都正常! 不過今日真係凍咗好多, 佢竟然淨係得件薄風褸, 所以午飯臨尾我都問佢洗唔洗去體育館入面等夠鐘唔好出去吹風! 最尾嗰堂RE要TEST, 張小姐係咁問我知唔知呢樣嗰樣點解, 我都冇上堂鬼知咩! 放工接咗仲爺就返屋企, 又忙於處理公務, 老公返到又要一齊出去攞free嗰啲嘢, 返嚟又要煮飯, 好忙呀!

張貼者： 於 沒有留言:

2022年11月20日 星期日

20/11/22

 20/11/22.    SUN.    COLD

今朝八點幾比鬧鐘嘈醒咗，不過佢哋要踢波其實都差唔多時間未出門口，所以起身之後子元佢哋出咗去先，我煮埋早餐俾細佬食，跟住老公湊咗子元去球場之後返嚟接我哋，到細佬去比賽，今日明明開頭都幾好，都唔明教練的安排，總之最後就輸四比五！都冇時間俾佢傷心呀，因為要接返志遠去補習，然後我哋就去食午餐返屋企，我就好忙碌咁又洗衫又吸塵抺地！做好晒嘢就可以打機睇吓電視，因為今日係世界盃開鑼，所以都睇咗場揭幕戰！搵老公湊埋子瑜返嚟就煮飯，然之後開套身嘅一齊睇，繩角都幾好睇喎！

張貼者： 於 沒有留言:

2022年11月19日 星期六

19/11/22

 19/11/22     SAT     VERY COLD

今日溫度上唔算太凍, 但唔知點解體感好凍! 朝早老公要揍子元去到倫敦中嗰邊比賽, 所以我就要滑板車同仲仲去練波, 換咗硬軚唔洗再擔心, 不過係dun咗好多咁啫! 睇佢兩個鐘我就凍咗咁耐, 返屋企時又吹住風咁, 返到嚟真係好凍! 等老公返嚟先出去食嘢, 等到兩點幾呢, 期間又摺衫又換床單咁都幾忙碌, 因為肚餓本來諗住烚啲菜食, 點知老公又返到咪出去囉, 但就唔記得自己開咗火, 食食吓嘢時先醒起, 老公要馬上返去閂爐, 好在冇咩事! 跟住車子元去踢波, 點知條友去到球場先抬起個頭問點解咁快車佢嚟, 原來佢諗住食完嘢返去先攞踢波物資, 咁佢就死火, 比我地片到隻嘢咁, 又係老問題, 日常生活冇做好規劃, 去食嘢時都兩點幾, 你踢3點9你唔執埋嘢出門口係咩玩法, 若果一開車你出聲, 返去攞都仲可以, 點知又係對眼長期望住部機, 都唔為意自己喺邊, 真係令人好火! 揍完佢去後我又約咗人攞書櫃, 終於幫仲爺攞到個書櫃啦, 基本上要攞的傢俬都攞齊啦, 全部都Free架唔錯! 買埋餸返去老公就過新屋整吓嘢先, 我返嚟繼續做家事, 今日主要係洗嘢, 仲爺就要做功課, 但都係未做得哂啦! 

張貼者： 於 沒有留言:

2022年11月18日 星期五

18/11/22

 18/11/22.    FRI.    COLD

今日繼續踩單車返工返學，返到去已經避走去電腦房，但都係比麻煩老師撞見，真係勁唔想同佢溝通囉！好唔願意地去咗英文堂，到第二堂完咗Bella都冇返，我巡例問咗阿姐係咪照跟時間表，咁佢話係我咪照跟，然後就過咗一個好輕鬆的星期五！本身已經放咗飯，但到侷地放飯時間又可以再休多45分鐘，上埋最尾數學就放工。不過就知道老公忙碌啲，因為突然話嫲嫲寄嚟份件今日到，好在老公今日放半日，可以趕得切返嚟收件，不過佢又要攞我架滑板車去換軚，5點前又要去攞書櫃，仲要返去接佢哋去踢波，揍咗佢哋喺球場又要去B&Q睇板，然後接返佢哋去食晚餐就返屋企，已經10點幾真係好攰！

張貼者： 於 沒有留言:

2022年11月17日 星期四

17/11/22

 17/11/22     THU     COLD

今日又要踩番單車先, 至少都仲有交通公具返學返工! 今日學校係咩鬼Enrichment day, 重點係冇人比資料我地個學生去咩課室, 好在問咗同事話問番班主任就可以, 攞齊哂資料就寫低比Bella, 本來一直都好地地, 放完小息突然響警鐘, 又要去操地集合, 結果佢又離魂啦, 幾經辛苦先入得番課室, 跟住又到我放飯啦, happy完就要返去啦, 好在都好快放飯! 我又可以繼續睇書, 差不多放完飯, 又有同學唔知咩事比人地攻擊咁, 我又聽唔明哂, 總之都係唔好事, 但我都唔理得咁多! 學生早放但我地都冇得早放, 於是去番大房hea吓就算, 超準時走人去接仲爺, 揍咗佢返去又趕住出去買餸, 返嚟整好嘢又要打埋去電器鋪叫佢改送貨日子, 總之就忙啦, 又要趕出去揍德, 今日餵餵吓飯佢阿爸又到啦, 好在今日個飯都見得人啫, 比佢見到我整腿蛋飯咪唔好! 等佢走咗我抖一陣打陣機又要煮飯又要摺衫咁, 都係好忙囉, 食完飯沖涼休息啦, 啲時間成日都好唔夠用咁!

張貼者： 於 沒有留言:

2022年11月16日 星期三

16/11/22

 16/11/22.    WED.    RAIN

今日個日記真係好傷心，因為我心愛嘅電動滑板車嘅微粒竟然爆軚，好辛苦咁捱唔到返學校，但都係整唔到，老公返嚟好辛苦咁拆開咗個泵氣位，點知一泵佢就爆咗，即係話要換軚，同埋暫時只可以用返單車返工，正面啲去諗，好彩唔係搬咗之後冇咗個單車先至爆軚，起碼仲有幾個星期俾我哋去處理！講返今日喺學校，冇咩特別事發生，即係好事！放工要行返屋企，見到阿哥經過公園，即刻叫佢幫我接埋細佬返嚟，咁我唔使行多轉！因為之後又要行去學結他，再去接德，搞到老公要返嚟幫我換咗架車去唔到新屋整野，約咗子元唔使自己搭巴士！都係食完飯老公好努力咁樣試吓拆開條䡌去換氣，但係原來冇工具真係做唔到，唯有淘條硬軚返嚟再換！

張貼者： 於 沒有留言:

2022年11月15日 星期二

15/11/22

 15/11/22     TUE.    RAIN

今朝返學嘅時候落好大雨，返到去件褸濕到不得了，好在係防水，用紙巾抹下吹一陣都乾晒！第一堂Bella未返，我就去咗上數學，一入到課室見到麻煩老師喺度喎，嚇鬼死我，我估佢哋應該嚟睇堂嘅啫，但係都好唔自在囉！第二堂PE，循例去Reception望吓鏡頭返咗嚟，我完全收唔到，佢返咗，但係去到又見到佢喎！見佢都正正常常，諗住上PE堂都冇乜嘢姐，點知上咗大半堂佢又走咗出體育館，去咗L block 2樓嗰度，之後佢又去咗睇邊度可以俾佢跳落嚟，好在佢真係想爬欄杆嘅時候，我已經關注咗佢同埋有個相關老師經過，佢即刻幫我call人，我哋最終都拖番佢入去更衣室換衫，雖然佢冇換衫但佢負責嘅輔導主任都嚟咗，帶咗佢去房嗰度傾偈，原來佢話見到有幻覺，見到啲嘢變晒透明，所以佢成日去敲打同埋撞啲嘢，就係想知道啲嘢究竟存唔存在！喺輔導主任嘅引導之下佢都好返好多，但都唔建議佢今日上堂，就叫我帶佢去AL1坐到放學，佢會同媽媽聯絡叫佢早啲嚟同佢傾吓！所以我今日基本上全日都喺度門，明明本書可以睇耐啲我都差不多睇咗一半！3:00帶佢出去reception，因為我唔想錯過準時收工嘅機會，順利3點3之前交託左佢哋輔導主任咁我就可以收工啦！接咗仲爺就返去，仲要出去買餸，今日佢哋兩個去踢波，所以又要煮頹飯，仲要去接德德！未夠鐘煮飯時冇咩做有啲怪咁！

張貼者： 於 沒有留言:

2022年11月14日 星期一

14/11/22

 14/11/22     MON.    COLD

今日都係照常返工返學！唔算有咩特別事發生，平凡是福！今日我都有啲未開機咁，想同嘅時候都冇咩心機，Bella 仲好笑，今日sociology要測驗但係佢竟然唔測，除此之外都冇乜特別嘢，簡單來講我係可以順利準時收工，接埋細佬個仔返屋企，因為煤氣檢查嗰個人已經嚟咗，等佢檢查完，我就落去郵局交埋心屋嗰邊嘅電費，近嘅郵局幾年又話唔收到，結果要我行去遠嗰間交，買埋餸先至返屋企，因為今日唔使湊德可以慢慢整餸，因為子元唔去練波，所以老公可以去新屋整埋幅牆，七點幾返嚟食飯，當然要幫手煮埋個尾，食完飯之後佢哋兩個點沖涼要用熱水，我又要用熱水洗碗所以我等佢哋沖完涼我先至洗碗，成10:00先至洗，之後仲要沖涼搞到11點先至可以休息，不過仲要摺埋啲衫好攰！

張貼者： 於 沒有留言:

2022年11月13日 星期日

13/11/22

 13/11/22.    MON.    COLD

今朝起身淨係煮早餐俾哥哥食，因為我哋湊咗佢去球場，我哋就出去食早餐，然後到細佬去球場！今日仲仲場波都幾刺激，最終贏二比零，但係我覺得踢得麻麻地，完場之後佢哋又要玩射十二碼，老公來接我哋，然之後去左Broadway食午餐，仲有買嘢！撳埋補習嘅錢就去接哥哥放補習交埋學費，車準哥哥去球場踢另一對練習嘅時候，又要返去趕住買餸啊，仲仲要做功課！我仲要摺埋啲衫，有好多衫要摺！老公返嚟煮晚餐，我開咗套新劇睇，迫佢哋一齊睇！洗完碗沖埋涼早啲瞓啦，聽日又要返學啦！

張貼者： 於 沒有留言:

2022年11月12日 星期六

12/11/22

 12/11/22.    SAT.    COOL

今朝瞓到八點先至醒，算好好，兩個都要去一點不同比賽，唯有分頭行事，我就揍仲仲去球場，老公揍子元，今日子元場波最遠去到東倫敦，真係成日都出咗去！重重練波就返屋企，煮嘢食俾佢就要做功課，返到屋企門口見到有包裹，原來係吸塵機個電掣終於送咗嚟，即刻同個吸塵機叉電，不過個叉電器係兩腳，好彩我哋帶咗好多變壓器過嚟，咁就唔怕！我都未試過吸塵吸得咁開心，終於可以用吸塵機唔使用掃把！細佬做功課今日又喺度搞事，英文又抄得慢，我出咗去買餸嘅時候叫佢做埋啲數學，又做得慢，又落咗樓下開住部電視來做，最終趕咗佢上樓發晒脾氣差啲中佢，先至做好啲！等老公煮完飯食飯嘅時候開咗闔家辣睇，都係笑中有淚系列啦！

張貼者： 於 沒有留言:

2022年11月11日 星期五

11/11/22

 11/11/22     FRI     COLD

終於到星期五啦, 都算冇咩大事啦, 朝早揍咗仲仲返學就返工, 星期五總係塞車, 馬路上特別危險! 今日Bella都算一般正常啦, 總之我唔洗寫報告其實就可以! 只係上RE堂時佢寫咗話天主教係邪教, 又問我有冇宗教, 我都唔知點答佢! 由於放咗個早飯, 所以買多咗個沙律留番佢地放飯時食! 上埋最尾嗰堂順利放學, 去公園接仲, 佢又要玩公園咁啦, 唔係阿哥打嚟話有嘢食都唔返去! 老公車我去埋買餸佢地就去踢波, 我就喺屋企做吓嘢休息吓再煮晚餐! 沖完涼之後仲有好多公務做, 好攰!

張貼者： 於 沒有留言:

2022年11月10日 星期四

10/11/22

 10/11/22     THU.    COLD

今朝提細佬返到學校要搵返件jumper ，再唔見落去就冇衫返學！到我返到學校其實本身係正常咁開工，但係麻煩老師見到我，就問我有冇收到關於有一個鐘嘅training個email，老實講我日日check email，真係冇見過，最終差不多放學嘅時候另一個同事講返俾我聽，原來嗰個email係一個invitation，咁好明顯佢根本冇send過俾我，唔理咁多啦聽日先算！今日Bella 唔算太合作，不過佢都嘗試努力㗎啦，呢啲係個腦嘅問題根本唔到佢控制，總之確保佢安全就得啦唔理咁多！放學去學校諗住睇吓細佬搵返件jumper未，點知佢已經搵到又唔喺學校等我，過咗去公園，又要我去搵佢，好彩佢都醒目知道我唔想同Lee 媽傾咁耐計，就話想返屋企行咗一陣就即刻上車走！返到去見到老公都返咗嚟，仲買咗炸魚薯條，咁就食埋先出去買餸！買完餸返嚟冇幾耐又要出去湊德，返嚟煮飯佢食完一陣佢阿爸就來接佢，跟住我又要煮吓飯同埋接下衫，好彩今日老公主力做煮飯嗰個！食完飯沖涼，因為佢哋霸住個電視睇波，我唯有搬晒啲衫上樓上開住個pad嚟邊睇邊摺！

張貼者： 於 沒有留言:

2022年11月9日 星期三

9/11/22

 9/11/22     WED.    COLD

今日都算過得唔錯！朝早湊咗細佬返學就返工，工作上都算順利，冇乜大問題咁又過咗一日，開咗本身嘅小說嚟睇，都幾好睇喎！放學唔使趕去接細佬，返屋企攞咗結他先，然後去公園同佢哋會合，俾佢玩到四點幾就去學結他，我就喺嗰度等佢！咁啱音樂鋪個Admin喺度，可以同佢講我哋學埋今個月就唔學啦，本來佢叫我轉網上課程，但係梗係唔轉啦，總之佢叫我send email俾佢講話唔在行，唔該佢快啲覆！接埋阿德就返屋企，即刻煮飯俾佢食，然後等佢阿爸來接佢，等佢走咗我又要開始做家務，因為今晚要整羊腩煲，真係好忙！子元出咗去踢波，佢睇完波返嚟我先至差不多煮好，不過佢哋差不多全部清晒，都係好犀利！

張貼者： 於 沒有留言:

2022年11月8日 星期二

8/11/22

 8/11/22     TUE     RAIN& WIND

今日都係如常咁返工返學, 好在返放學時都冇落雨, 不過就好大風囉! 今日Bella返到嚟心情唔多好, 基本上每堂都冇上, 分別在於連課室都唔肯入定都叫做肯入課室坐吓啫! 只係一返去嗰堂入到課室躲咗喺枱底, 我話出去行佢先肯出返嚟, 但佢又走入AL1, 又打自己咁, 好在我問佢去找輔導主任好唔好佢都肯, 去到個輔導主任同佢講嘢都唔出聲, 淨係點頭搖頭, 但玩咗幾盤過三關, 主任有嘢走要佢走啦佢又肯喎! 咁咪繼續上堂囉, 但小息到PE堂又唔肯上, 仲坐咗喺更衣室門口地下, 好在我話去圖書館睇書佢又肯, 好過喺出面吹風! 之後到我放飯我話你要入課室架啦, 咁佢都肯聽, 等我好好放完個飯返去! 不過今日我唔記得帶書返嚟睇, 所以放飯後半段就有啲悶囉! 捱到放工接仲, 本來諗住入學校接佢, 但都係唔好, 啱啱落完大雨肯定周圍都浸, 所以都係喺車站接就算! 回家後等子元回來就去買餸, 夠鐘就揍德, 都唔算好忙啦! 兩個今晚都踢波, 所以又食碟頭飯!

張貼者： 於 沒有留言:

2022年11月7日 星期一

7/11/22

 7/11/22.    MON.    RAIN

今日照常返工返學，好在返學嘅時候都冇落雨，返到去都係正常咁開工啦，今日Bella都好正常喎，反而係我個時間表都唔係好正常，上司好似冇安排到我食飯嘅時間，佢以為有另外一個同事會同到我就可以去食飯，但其實唔係囉，我唯有WhatsApp佢，咁佢之後就安排返人哋cover我食飯。放工準時走人，我試吓可唔可以趕得切去學校接細佬，不過今日路途上有啲阻滯，趕唔切去老師面前接，返到屋企，又要準備出去買餸，嚟緊開始淨係星期二三四先至要湊德，突然之間太空閒好似唔係好習慣！買完餸返嚟整咗個麵食，就開始準備晚飯嘅材料，因為今日都幾多嘢整！老公咁上下時間返嚟就接子元練波，我哋今日又要分上下半場食，又要食碟頭飯！我哋唔懂佢兩個喇，一路食一路睇咗今日套季前賽先，都係幾好笑！

張貼者： 於 沒有留言:

2022年11月6日 星期日

6/11/22

 6/11/22.    SUN.    COLD

今朝落大雨咁，都估到踢唔到波架啦，所以食完早餐同阿媽講完電話就出Costco買嘢，又比我地搵到想買嘅空氣清新機，仲有天花燈！買齊哂返去又要車子元去補習，本來諗住食埋午餐就䢬新屋做嘢，但老公又掛住睇波，結果揍咗子元放補習再去踢波佢先去新屋，我就喺屋企hea到夠鐘再煮飯，食完飯沖完涼諗住打吓機開心吓，點知陸柏仲又喺度發脾氣，搞到我好激氣好嬲，片咗佢一穫！

張貼者： 於 沒有留言:

2022年11月5日 星期六

5/11/22

 5/11/22     SAT.    RAIN

今朝七點幾就醒咗，但係就勾到八點幾先至起身，都係煮早餐比佢哋食，然後老公湊細佬去練波，我就喺屋企做家務先，等仲仲練完波返嚟，沖埋涼就出去攞眼鏡，估唔到Broadway仲係好塞車，最終我哋落咗車去攞眼鏡同埋買嘢，老公就喺遠啲嘅地方等，因為根本塞唔到入去！之後去咗鬼佬茶餐廳食午飯，儲夠印花卡可以免費其中一個餐，真係幾抵食！食完送咗哥哥返屋企，佢自己去球場勁多，我哋就要去買電器，去到Carry睇咗一輪，終於買咗雪櫃同洗衣機，跟住就去買IKEA，反正都mark低晒要買啲乜嘢，本來係叫哥哥踢完波自己返屋企，但佢又話黑唔想自己返去，如果我哋都未買晒嘢就要買單去接佢，因為教練叫我等埋佢先至走得，最終約咗喺Ealing common 車站附近等，然後喺附近食埋晚餐先至返屋企因為已經好夜！

張貼者： 於 沒有留言:

2022年11月4日 星期五

4/11/22

 4/11/22     FRI     COLD

今朝凍咗好多, 得番4度, 好在冇雨唔係仲辛苦! 揍咗細佬返學就返工, 如常做嘢啦, Bella都冇咩事, 學生今日仲要早放, 所以我地全部都可以準時放飯! 食完飯又要去做training, 都係上網去睇完嘢做test咁, 大家咪齊齊合作互相幫助快啲做完收工, 去公園會合, 比仲爺玩吓啦, 又可以同啲家長吹吓水嘛! 差不多4點半先肯走, 我仲要返去買餸呀, 車咗佢返去再行落去買餸, 回程時都已經天黑啦, 不過而家開始星期一五唔洗揍德, 係少咗錢但又可以自由吓都係好事! 等佢兩個踢波時我就開始hea吓, 到6點幾先去準備整肉醬意粉, 不過佢地8點幾先返到, 仲要沖埋涼食飯都已經好夜!

張貼者： 於 沒有留言:

2022年11月3日 星期四

3/11/22

 3/11/22.    THU.    COLD

今朝又落兩又地濕又少少水浸咁，幾經辛苦返到去，諗住今日都冇咩事，第二堂仲有話劇睇，點知到我放飯嗰堂Bella先嚟發顛，搞到我放唔到飯，要等到佢第五堂，我先可以去食，我都醒目架啦，帶咗蘋果小息食咗先！放學去車站接埋仲仲返去又要出去買餸整好先，再去揍德！要預番時間老公幾點踢完波返嚟開飯！

張貼者： 於 沒有留言:

2022年11月2日 星期三

2/11/22

 2/11/22     WED.    RAIN

今日都係如常咁返工返學，冇咩特別！不過平平凡凡過都係好事！Bella冇發顛好好入課室坐，小息可以同Letty佢地吹吓水，準時放飯同Jo吹吓水，再可以準時放工，最好！返屋企攞埋結他去公園會合，同Mandy吹吓水，夠鐘仲爺就去學嘢，我就打吓機休息吓，然後接埋德就返去煮飯佢食，等佢阿媽嚟接佢！又要去煮飯，等子元埋嚟沖涼就食飯睇電視，睇埋季前賽就洗碗沖涼，差不多又係時候休息喇！

張貼者： 於 沒有留言:

2022年11月1日 星期二

1/11/22

 1/11/22     TUE.    RAIN

今日第一次用滑板車載埋仲仲返學我再返工，啱啱落完雨地下都幾濕，不過都冇咩大問題！返到去如常開工，Dana差不多第二堂先至返，返到嚟已經好冇表情，捱完堂PE，小息嘅時候佢淨係坐喺地下，本來都唔想去想第三堂，但係我話不如去課室門口坐啦，佢都肯妥協，咁又坐咗一個鐘，捱到第四堂，佢唔肯上History，去咗AL1，好在係二姐係度，同佢傾完， Bella話佢覺得好唔舒服想返屋企，最後方案係我帶佢去Reception坐10分鐘佢都仲係唔舒服就叫佢阿媽來接佢，最後佢阿媽兩點鐘嚟接返佢，我先至可以去開飯！食完飯其實得返45分鐘就放學，姐姐叫我去另一個學生課室坐下，夠鐘我就準時走啦！接埋細佬返屋企，又要去買餸，返嚟預備好啲餸抖一陣我去接德，依家真係好早天黑，五點去到托兒所個天都黑晒，所以佢爸爸都好早嚟湊佢，咁都好嘅我又揍少陣！佢哋兩個去晒踢波，咁我就開電腦做吓嘢休息一下差不多時間先至煮飯，食完飯好眼瞓，喺梳化瞓到佢哋返晒嚟食緊飯，老公叫我沖涼先，我本身諗住等佢哋食完飯洗埋碗先沖，佢話佢哋自己洗，其實咪又係叫子元洗！

張貼者： 於 沒有留言:

2022年10月31日 星期一

31/10/22

 31/10/22     MON.    COOL

放完假又要返學啦，今日哥哥仲有假放，所以叫咗佢揍仲返學，咁我就可以直接踩板車返工。真係比平時快好多， 8:50我已經返到去！如常開工，今日大致上都算順利，冇咩特別事發生！準時收工返屋企，然後先去買餸，返嚟再整餸，夠鐘又要出去揍德，六點多啲小朋友已經開始出動攞糖，因為今日係萬聖節呀！咁啱得仔爸爸都早咗去接佢，好在今日嗰飯都見得下人，你陣間俾人以為我刻薄佢個仔！咁佢走咗我都即刻帶仲仲出去攞糖，今年比上年多咗好多人有裝飾，咁啱行到去waitrons 嘅時候撞到佢個同學，於是大家一齊去攞就開心啲，返到嚟仲要煮飯，所以食完飯已經好攰，仲要洗碗沖涼先可以休息啦！

張貼者： 於 沒有留言:

2022年10月30日 星期日

30/10/22

 30/10/22.    SUN.    COOL

今日主力整屋日，朝早仲仲去比賽，但原來老公記錯咗時間，12點半先踢，本身車我去新屋跟住佢就揍啲仔比賽嘅比賽，補習嘅補習，最終過嚟整一陣嘢先再去，兩點幾先返來接我去食嘢，再去接子元放補習，車佢地返屋企我地先去再整屋！今日進度非常好，已經撕哂廳嘅牆紙，仲仲房亦油好，希望快啲完成，順利搬屋！

張貼者： 於 沒有留言:

2022年10月29日 星期六

29/10/22

 29/10/22.    SAT.    WARM

今日又變返一個普通嘅星期六啦！一早老公弟子元去比賽，我就同細佬踩滑板車嚟練波，都好順利咁樣去到球場，只係我又收埋架車，所以變咗一定要駛入去草地，等佢練波我哋就返屋企，等佢哋兩個都沖曬涼，就去食午餐，食完午餐車咗佢哋返屋企，我哋就去新屋做嘢，老公繼續油埋子元間房，我就要剷咗廳嘅牆紙，原來都真係好吃力，嗰個人手工太好癡得好實！咁長時間都只係剷咗大半幅牆！之後要去埋攞埋塊層板，咁又慳咗錢喇！跟住就返屋企仲要煮飯食，聽日都要分頭行事繼續努力盡快整好間屋！

張貼者： 於 沒有留言:

2022年10月28日 星期五

28/10/22

 28/10/22.     FRI.    COOL

咁酒店始終冇屋企咁好，所以夜晚成日都醒醒地，瞓到七點就醒咗，咪開始起身梳洗準備落去食早餐，呢一間早餐同之前有啲唔同，唔係自助餐形式，係你叫嘢食，但嘢飲生果就可以就咁攞，慢慢食完就上房收拾，然後就出發去第一站，本身都諗唔到去邊，老公話不如去利物浦主場，咁就直接過去啦！其實都幾好睇，佢個souvenir shop真係好多嘢睇，最終竟然買咗啲Hello Kitty嘅紀念品，可以到時寄俾姑姐！然後就去飲茶嗰到同kit會合，飲茶嗰度有間中超，佢都有啲嘢都幾平，所以就落去買咗包米，因為平差不多四磅！飲完茶我哋走先，直接去咗海邊個商場泊好車，本來老公諗住叉電，但係搞咗好耐都查唔到就放棄咗，先去咗海邊行過圈，睇吓嘢影吓相，仲去咗披頭四我銅像一齊合照！參觀完就去商場行咗陣但係都冇乜特別嘢睇，我就提議可以行去食台灣嘢嘅地方，上網搵咗但係唔知係點嘅樣嘅，去到細佬又係咁嗌肚餓所以咪買咗嘢食，諗住食埋當晚餐因為嗰陣時已經四點多，揸車返去其實都要沖涼瞓覺！食完就行去攞車啦，去入埋油出發，已經五點幾，四個幾鐘嘅車程返到屋企已經10點啦，輪流沖涼仲要收拾番啲行裝，聽日開始又要忙忙碌碌去練波！

張貼者： 於 沒有留言:

2022年10月27日 星期四

27/10/22

 27/10/22     THU.    RAIN

曼城之旅今日開始， 7:00起身繼續收拾同埋煮早餐食，差不多九點幾先出到門口，三個鐘頭45分鐘車程，真係可以好遠，期間停咗一次中途站休息吓伸展下飲咗杯咖啡食咗少少嘢，就繼續餘下嘅行程，去到曼城市中心，啲路真係好難咋，幾經辛苦去到停車場泊好車，就去咗唐人街，估唔到呢度個唐人街咁落後，求其搵咗間嘢食越南粉，食完就行返去泊車個商場，喺National Football museum影吓相打吓卡，最終都係入返商場，諗住買珍珠奶茶飲，見到一間係香港人開嘅，真係好好飲仲有雞蛋仔食！最後去埋廁所就坐車去酒店check-in， check-in完之後老公就車我哋去亞kit屋企，佢同細佬就去曼聯睇波！我同子元喺阿kit屋企吹水，仲黐咗餐飯食，老公11點幾先至來接返我哋，返到去衝得涼瞓覺都已經一點啦！

張貼者： 於 沒有留言:

2022年10月26日 星期三

26/10/22

 26/10/22     WED     COOL

今日都係忙忙碌碌架啦, 不過就唔洗出去, 主要喺電腦到忙! 朝早8點多醒咗hea到9點先起身, 準備好早餐簡單食完就開始做嘢, 要寫退租信, 然要報關等嫲嫲寄嘢過嚟啦, 跟住仲要問吓個窗點做分期, 但原來要住夠3年先可以申請貸款, 咁有法啦! 唔覺唔覺已經到中午, 又要煮午餐比佢地食, 仲有要出去買少少餸, 返嚟趕住睇季前賽, 真係又靚仔多又夠好笑! 最後問埋上網點改地點等等, 再要plan吓明天行程, 一日就咁過咗, 好充實! 夠鐘又要出去接德, 煮完飯比佢食可以抖抖, 跟住又要煮飯啦, 好在老公今日早啲返嚟, 可以幫手煮個餸, 食飯時開番呢幾集季前賽比老公佢地睇, 睇多次都好好笑! 洗完碗沖埋涼就執行李, 兩日一夜都要執架!

張貼者： 於 沒有留言:

2022年10月25日 星期二

25/10/22

 25/10/22     TUE     COOL

今日又係忙碌的一天, 朝早食完早餐就去GP, 又要睇醫生又要驗血, 但去到等到10點佢都未安排我見醫生, 喺我諗緊究竟應該抽血先睇等醫生時佢就叫我入房啦, 所以都係睇咗醫生先, 佢睇番報告話我小便有少少血, 所以都應該係尿道炎, 開咗3日藥比我, 但若果我再有其他腰間位置痛, 就可能係腎炎, 要食7日藥, 最慘係星期四我去曼城啦喎, 可能明天打去再講番我下午開始個腰位真係痛, 但尿痛又真係少咗喎, 不過依然係有啲唔舒服! 希望明天冇事! 之後去埋驗血, 個護士好好手勢喎, 之前喺瑪嘉烈實抽極都抽唔到! 返到嚟不久又要出去, 因為又比我free到個床頭櫃比仲爺, 廢事等老公回來先攞, 我就同仲爺用架滑板車去攞, 我見行25分鐘啫又唔算好遠, 但比櫃我地嗰嗰人好唔放心, 佢鄰居仲比條繩我地用等個櫃唔怕跌! 幾經辛苦返到嚟, 又要再去超市買午餐材料返去煮炒麵! 下午就睇電視同摺衫, 然後去揍德等等, 老公整屋整到10點幾都未返, 我地當然食飯先, 食完仲玩咗個幾鐘Switch呢!

張貼者： 於 沒有留言:

2022年10月24日 星期一

24/10/22

 24/20/22.    MON.    COOL

今日明明係term break開始，但係點解我咁忙！琴晚開始個膀胱同尿道都唔係好舒服，所以今朝都係打去GP問吓可以點做好，因為細佬佢哋10點幾開始又要出去驗眼，最終我把握時間咁10點前過到去GP屙咗督尿俾佢哋驗，然後返屋企帶佢哋去夜晚，我同細佬踩滑板車過去，哥哥自己搭巴士，最終兩個近視都加深左，又要配過副眼鏡，不過唔使錢就算啦，呢個年紀點都會加深㗎啦！搞掂完去幫你買埋風筒就返屋企，焗咗個Pizza，整咗烏冬！然後繼續開始好忙碌咁好多嘢做，問卷仲有好多嘢覆完之後有好多電話要打總之零零碎碎咁基本上就冇停過！出去做咗阿德返嚟就整飯俾佢食，食完喇叫做抖咗一陣，等佢走咗又差不多開始要煮晚飯！老公喺新屋嗰邊等整返嘅人嚟睇環境，最終報價兩個窗差不多要2000幾磅，都幾肉赤㗎，但係都要整，因為嗰兩個窗真係開唔到！唯有其他方面繼續慳啲錢啦！

張貼者： 於 沒有留言:

2022年10月23日 星期日

23/10/22

 23/10/22.    SUN.    RAIN

今朝七點就醒咗，見到係咁落雨仲諗住佢哋唔使踢波，點知都係要踢，不過係細佬要比賽！差不多九點出門口過到去球場都係九點幾，因為落雨就搵地方避雨先，差不多開到先過去，但係佢哋踢咁耐就落咗咁耐，佢哋踢完就停雨係咩玩法，細佬真係好叻，又護空門又入波，果然係隊長！比賽完就即刻車阿哥去補習，買咗個漢堡包俾佢食住先！我哋就去咗食拉麵，然後返屋企，老公睇咗場波先出去接阿哥，我就喺屋企幫細佬做埋啲功課，快手做咗佢唔使心掛掛！下午開始又係咁行雷閃電同落雨，所以只原佢早咗返嚟，好彩都準備好晚飯！細佬個功課其中一份可以選擇整歷史嘅食物，但係唔識整，於是拍片整咗Apple金寶！有得食又有功課交幾好！

張貼者： 於 沒有留言:

2022年10月22日 星期六

22/10/22

 22/10/22     SAT.    COOL**

今朝八點幾先至醒，我仲以為仲好早，瞓到自然醒真係舒服！起身梳洗做早餐，老公睇電話發現佢個朋友打過俾佢叫佢9:15去郵局會合，因為佢路過攞啲貨俾我哋然後佢就繼續返MK，佢地今日第一日嚟到英國，辛苦晒！老公搞到10點幾先返嚟接我哋，車仲仲去球場練波，我哋就去龍凰行入貨，快手買完去球場接返細佬，車咗佢哋返屋企，我哋又再去Costco食嘢然後再入貨，返到嚟冇幾耐老公就同子元去踢波，我同細佬就下留喺屋企，首先我要分好晒啲貨，然後又要準備今晚打邊爐嘅材料，仲要包餃子，因為未買豬肉，又未買菜，所以同細佬踩八班車出去買啲餸返嚟繼續整，足足企咗三個幾鐘，個膝頭哥好痛！最得人驚係老公沖完涼諗住吹頭嘅時候，攞個風筒出嚟發現個風筒自焚咗，原來返到屋企聞到嗰陣燶味係個風筒，完全唔明點解佢會溶咗，好邪！

張貼者： 於 沒有留言:

2022年10月21日 星期五

21/10/22

 21/10/22     FRI.    RAIN

返埋今日終於放假啦好嘢！朝早上去湊咗細佬返學我就返工，估唔到今日Bella心情幾好，全日都好合作，你平時唔多想上的英文堂都冇全程睇書，又答問題又寫吓嘢！放break嘅時候就落大雨，幫完break佢就停雨，真係好邪！放飯時照樣同同事吹吓水，跟住又要趕返去開工，不過今日帶返去嗰本書都未有機會睇晒，留返放完term break返去再慢慢睇啦！最尾嗰堂數學，佢哋測驗，老師問我一唔一齊做，我又覺得冇所謂反正咁長時間坐喺度好悶，即管試吓自己識幾多！放學準時收工返屋企，今日又冇得揍德，佢仲有繼續唔舒服，不過佢喺我度嘅時候我真係完全唔覺得佢有事喎！所以趁佢哋出去練波嘅時候我就買埋餸返嚟預備好，再摺埋啲衫，繼續睇返造星，真係越睇越掛住mirror！

張貼者： 於 沒有留言:

2022年10月20日 星期四

20/10/22

 20/10/22     THU.    RAIN

今日都算過得正正常常啦，冇咩特別事故發生，只係成日落雨，出出入入都要避開好多水氹，真係好危險！放飯只可以快食，因為另一個同事又要食，之後因為She都睇完啦，陪Bella放飯嘅時候亦都唯有偷偷地打吓機就算！放學準時走人，接埋細佬就返屋企，落雨濕濕都唔會周圍去，但都要去超級市場買餸，老公話佢今日去踢波咁咪諗住簡單啲整肉醬意粉我哋三個食就算啦，點知佢七點幾就返到嚟啦，咁咪一齊食囉，嗰兩個細嘅又喺度話唔夠食，已經整晒成包意粉兩包肉醬兩份牛肉兩個洋蔥一個蘑菇，咁都唔夠食都唔知點算！

張貼者： 於 沒有留言:

2022年10月19日 星期三

19/10/22

 19/10/22     WED.    COOL

今日返到去再check email先發現Bella唔返，我就做替更，原來真係輕鬆好多， 等我收拾好啲嘢，就去預備接Samia轉課室，但我發現麻煩老師就喺佢隔離個課室，我即刻不動聲色咁樣走咗去另一邊坐到夠鐘就接佢！佢而家唔洗人喺課室陪，咁我就搵地方過日神，都係去電腦房坐吓，又可以上吓網，又係夠鐘就去接人！11點半未夠我就準備去食飯，因為之後要做兩轉替更，又要去大房睇住lunch club，然後仲要做appraisal，不過其實我未夠一年，唔使做正式appraisal，所以只係簡單傾吓有啲乜嘢training或者有咩問題等等，而且真係正常好多，同佢講返Bella上堂嘅問題，等佢可以諗吓辦法解決，同埋試吓唔好日日都係我跟佢，都係需要轉下嘅！最尾嗰堂去咗一班未去過嘅數學堂，佢哋啲樣嗰個好似去送殯咁，黑口黑面，睇見佢哋咁上堂真係辛苦！時間關係我一早已經將單車鎖咗去學校門口附近，所以放學即使好快返到屋企，幫佢攞埋結他換過架電動滑板車，就去公園搵細佬，佢攞咗支其他同Sara走咗去busking，條友仔又賺咗2 P返嚟喎，又嚟上市邁進咗一大部喇！一齊踩車過去學嘢，可以快好多，不過之後我又要幫佢推翻架單車返屋企，再行返返去，真係攰架！最後等佢學完結他我哋雙人踩板車去湊德，仲爺就踩住㗎電動滑板車返屋企，我就拖住德行，可惡！返到嚟又要煮飯俾阿德食，又要都咁上下整爛飯，之後沖完涼仲要摺衫，家務永遠都做唔完好慘！

張貼者： 於 沒有留言:

2022年10月18日 星期二

18/10/22

 18/10/22      TUE.    COLD

今日過得麻麻哋啦！朝早湊仲仲返學就快手返工，都係照常開工，Bella 九點半就返到嚟，見佢心情都唔錯，以為今日都應該OK啦，點知佢諗住去上PE堂，但我話佢知第一堂係History，佢就發現自己記錯咗時間表，然後掉低啲袋走咗去AL1，本來佢係想入去，但因為鎖咗門佢入唔到去，呢次就企咗喺門口，我二姐都喺度見到，我都嘗試過勸佢去上堂，但當然冇咁易勸得到，於是我就喺出面陪咗佢一堂，到第二堂終於肯入課室，但坐咗半堂佢又開始癲癲哋，咪同佢出去行過圈，最終佢唔入返課室，又去咗出邊睇書，本來都冇咩問題，但佢睇睇下瞓咗喺地，終於捱到小息，諗住佢見到啲同學又會變返正常，點知冇變正常，就係瞓咗係地下，然之後又走咗去行圈，行行吓又去咗AL1，今次入咗去唔肯出返嚟，仲匿咗去枱底，嗰時差不多叫我上第三堂，我個大姐第一時間走咗佬，我問二姐點算好，因為佢都要上堂佢就話10分鐘之後佢都唔肯出嚟，就call SLT！最終都係要call人啦，已經係最權威嗰個兩個SLT嚟咗都搞佢唔掂，佢哋就決定叫佢阿媽來接返佢走，佢哋去咗call人，我就繼續喺度俾佢，香港都氹佢出嚟，最終差不多12:15佢先至肯出返嚟，都平靜咁樣等佢阿媽嚟接佢㗎啦！呢個時候帶遮就出現攞彩啦，我心諗最艱難嗰陣時你第一時間閃咗，連一個指令都冇俾！最後我陪佢等到差不多一點，開始都學生入嚟嘈啦，我就提議不如在reception等，果然唔使5分鐘佢阿媽就到！我終於可以休息吓，放返低啲工具就去開飯先！本來最尾嗰堂諗住問吓我究竟要做咩，但大姐二姐兩個好似好多嘢要傾，我都費事阻住佢哋，自行決定跟埋Bella時間表上埋最尾嗰堂就算，反正我個同事吹吓水！放學搵事頭攞埋啲冰糖就閃人，接咗細佬就返屋企逗號又要好忙碌咁準定個蘿蔔牛腩，然後把握時間試吓個滑板車，喺行人路試咗一個圈，再落馬路試吓，大致上都要掌握到點控制！目標時間關係，要趕住出去接德，我驚老公差不多返到，就提議佢去同我哋會合，我就同細佬試吓一齊踩上滑板車，練習吓雙人踩車，反正之後都要咁做！佢哋去晒練波，我又照顧完德，煮好埋飯就要摺衫，都未接完細佬就返嚟，所以要快手摺好先至可以開飯！今日真係好眼瞓好攰，都係早啲休息！

張貼者： 於 沒有留言:

2022年10月17日 星期一

17/10/22

 17/10/22.    MON.    COOL

今日又要返工返學，仲未有時間練車，繼續單車先！返到去都係照開工，係估唔到Bella咁早返，上PE堂本身都好地地，到臨尾因為netball個rule佢唔同意又喺到固執，最後坐到10:25先肯去換衫上第二堂，仲要係Geo，肯入去都算係咁！之後都算順利冇咩事發生，準時放工走人去公園接埋仲爺就回家，仲要出去買餸，本來諗住返嚟練車，點知都唔㥤時間，又要出去揍德！條友今日食飯食到尾想瞓，點都餵埋佢先比佢瞓啦！本來好地地霸好位比老公泊車，點知有架車用架車撞開哂我啲箱，我都stop唔切佢就走咗人，以為佢泊一陣，點知泊到沖哂涼都未走，搞到老公冇得叉電，可惡！

張貼者： 於 沒有留言:

2022年10月16日 星期日

16/10/22

 16/10/22     SUN.    COOL

今日真係好忙碌，一早出咗去，首先車哥哥去球場，買杯咖啡又要車仲仲去球場比賽，最終今日輸咗波，佢哋都好唔開心，但踢波梗係有輸贏㗎啦次次都贏咩！因為要等老公送咗子元去補習，先再返嚟接我哋，所以等到12點幾，我又要去廁所，所以先去一轉broadway，然後泊架車去子元補習附近，跟住就搭出去Central London，本來諗住去之前睇咗嗰間舖頭買電動滑板車，點知嗰間舖頭好似唔優做咁，聽到我講想買700磅以下嘅車，佢就話佢哋啲車唔防水，如果我嘅常用落雨就用唔到，不過佢介紹咗我去另一間舖頭，佢話嗰間又平啲又防水， check咗發現都係搭多6個站，唯有過去睇睇睇睇啦！搭車之前先去買啲麵包充飢，細佬係咁嗌肚餓！終於去到嗰間舖頭，個sales誠懇好多，亦都解釋咗幾款車，最終買咗一款中價車，為返600磅！仲可以即刻揸架車走，咁就完成任務，返去接埋哥哥，送埋佢去球場，我哋就返屋企，之前要買埋餸，返到嚟都忙碌，幫老公湊埋志遠返屋企，準備煮飯嘅時候，佢無端端走去用個蒸焗爐，都話會跳掣囉點解重用姐，結果搞到個安博盒子燒咗，咁就冇電視睇啦！其實真係勁燥底，但話佢都冇用！最鍾咪叫佢買返一個聽日裝返！

張貼者： 於 沒有留言:

2022年10月15日 星期六

15/10/22

 15/10/22     SAT.    COLD+

今朝瞓到7點幾先醒煮算係咁，hea到8號幾梳洗煮早餐，食完又要出發去踢波，先車我地去球場，就到子元啦，佢要去好遠踢，所以仲仲練完波我地要自己撘巴士返去！返去自己整午餐，又烏冬又餃子又麥樂雞咁幾豐富！之後下午都好hea，除咗洗衫摺衫就係睇電視，仲仲就要做功課，子元踢完波返得嚟又到第二場，所以老公又去車佢，又要過新屋整嘢，我又冇解凍倉物，所以晚餐就買外賣算。

張貼者： 於 沒有留言:

2022年10月14日 星期五

14/10/22

 14/10/22     FRI.    COLD

今朝如常揍細佬返學就返工，返到公司差啲唔記得拍卡，好在發現嘅時候即刻跑返去拍，應該講得切掛！去電腦房坐到9:30 ，都要去上英文堂，不過真係好悶！第二堂Bella返咗嚟，但係係佢最唔想上嘅Geo，本身佢連課室門口都唔肯去，我已經同佢交涉完，起碼佢去課室門口坐，老師知道佢喺度！好在小息之後好好多，連堂Scienc佢本身都唔係好想，我同佢傾好想完第一堂出去行五至10分鐘休息吓先至再入嚟，然後我去食飯！最後嗰堂上埋數學終於過完今個星期啦！去到公園諗住湊細佬，原來阿哥已經接咗佢，唔記得咗同哥哥講唔使揍，唔緊要啦返屋企會合，今日就唔使揍德，咁就休息吓等老公喺新屋做完一輪野返嚟湊我哋，然之後一齊去球場！因為今日係結婚周年紀念，所以等佢哋練完波就出去食嘢，最終去咗一間漢堡燒雞餐廳食，啲裝修都幾好，但一定唔係浪漫嗰隻，不過啲嘢食好好食，食完返到去都10點幾啦，咁算唔算慶祝呢！

張貼者： 於 沒有留言:

2022年10月13日 星期四

13/10/22

 13/10/22    THU.    COOL 

今日冇乜嘢特別，點樣做唔想返學就返工，工作上表現一般順利啦，Bella都係有啲唔合作，但總之冇搞出大件事就算啦！午飯嘅時候邊食邊同香港人同事吹吓水，又要趕返去繼續工作！王光漢想返屋企，因為約咗整屋嗰個公司因為睇吓點維修，佢都真係好準時。睇完之後，佢話只要業主同意，可以三日就即刻開工，但因為要做兩日，其中一日晚上係冇廁所用！其實都冇問題嘅，我哋可以去新屋嗰邊沖！準備好今晚啲餸，休息一陣又要出去捧德，佢阿爸成日話德夜晚又嘔又醒，但佢喺我呢度好唔好鐘又好正常喎，只係流鼻水！我供放工直接去新屋整一陣嘢先，七點幾返嚟食飯，然後睇埋場波就差不多休息！

張貼者： 於 沒有留言:

2022年10月12日 星期三

12/10/22

 12/10/22.    WED.   COOL

今朝出門口都有啲趕，所以返學嘅時候踩快咗！不過都冇遲到！返到去照樣攞齊嘢就去電腦房休息吓，開下電腦等等，其實都係唔想無所事事！上咗一堂之後佢check過唔見Bella，就再跟埋第二堂，最後收到通知話佢今日唔返，都算幾開心，可以輕鬆吓！問咗上司安排跟year Seven，因為炒散，其實就唔算咁用心，上家政堂，都算唔太難，不過個學生我又唔知佢咩問題，總之都係嗰啲奇奇怪怪唔聽話傻下傻下咁啦！最開心係可以放一個長嘅午飯，食完仲忍唔住落去買多咗個沙律，最尾嗰堂英文就麻煩啲，嗰條學生又話要去廁所，跟住又話濕疹發，但佢又冇話帶藥膏，嗰時仲有唔夠半個鐘就放學，我同代課老師都唔想煩，咁啱喺課室出邊經過有個S L T老師，代課老師就去咗問佢點算，總之佢哋解決左就算，我只係想準時放工！佢是否架車度攞埋工具，就返屋企放低啲嘢，再去超市買埋肉醬意粉嘅材料，返屋企收拾一轉攞埋結他又要去公園會合，湊細佬去學結他，因為我唔想再郁，所以坐咗喺琴行半個鐘等佢，佢學完結他就去接德，返到嚟無無端端咁搞掂德仔食飯，又開始準備晚餐！今晚老公同唔同事踢埋波先至返，所以我哋煮好就可以食，開咗造星嚟睇，咁就一路睇到我去沖涼先至熄機！

張貼者： 於 沒有留言:

2022年10月11日 星期二

11/10/22

 11/10/22     TUE.    COLD

今朝都係照常緊湊完仲爺返學就返工，返到去明明冇乜嘢要用電腦，但都走咗去電腦房度坐返半個鐘先，然後先去上數學堂， Bella差不多10點先返嚟，所以都唔使再上中學，直接去咗換衫等上第二堂體育，基本上今日都不過不失，又係Geo堂個課室太侷促，最終出咗走廊坐，History堂有冇入課室，不過我去咗食飯都唔理得佢咁多！佢放飯嘅時候我就擔定櫈仔坐好睇書，唔想再企咁耐！最後順利收工去接細佬放學，返到嚟執拾行李出去買餸，返嚟預備好啲嘢又要準備去接德。啲友今日成日扭計，佢都係要人哋教吓㗎啦，尤其是對住佢老豆，根本就蝦到不得之了！因為阿哥有啲唔舒服，所以冇去踢波，做嘢踢完返到嚟都係七點幾，叫老公幫手煮埋下半場，我哋就摺埋啲衫，等細佬沖完涼就開飯，冇咩好睇唯有開造星繼續睇！

張貼者： 於 沒有留言:

2022年10月10日 星期一

10/10/22

 10/10/22.    MON.    RAIN

今朝一起身落到樓下，見到大門開咗，其實老公你出車嘅，不過費事話佢，閂番門算！如常揍細佬返學然後返工，因為上星期Bella嘅事，又要去電腦房寫report，寫到差不多10點佢就翻啦，咁就出來接佢，今日整體都不過不失，冇事冇幹又過咗一日，準時收工！去到公園接細佬，俾佢玩咗一陣先返屋企，跟住又忙於整嘢食，然後又要出去湊德，返嚟同老公講關於搬傢俬嘅事，其實我主要想問佢日期，點知佢又喺度話要加其他嘢，琴日問佢又唔講清楚仲有啲乜嘢，我都好難做㗎，問完晒人哋俾晒報價又喺度改，佢根本就係想試吓人哋咩水位先，總之係佢唔啱！不過嘈都冇辦法，解決唔到，最終咪又要我再問人地再搵！搞掂德仔就開始搵酒店，老公請咗假可以confirm曼城之旅！

張貼者： 於 沒有留言:

2022年10月9日 星期日

9/10/22

 9/10/22     SUN     COOL

今日過得好充實, 朝早叫哂佢地起身再整早餐比佢地食, 送哂佢地出門口去踢波, 我先開始煮我個早餐, 食完摺埋衫先, 跟住就換床單, 執仲爺個床下底執到火起, 又亂又dirty, 同佢組裝過到時易搬啲! 之後要掃地抺地, 洗埋啲衫乾埋床單等, 12點幾老公終於揍咗仲爺返嚟, 等佢沖完涼, 又同阿媽傾完電話就出去食午餐, 去咗間鬼佬茶記, 又幾好食喎! 食完就去新屋做吓嘢, 因為4點又要返去接子元放補習班再去球場, 喺新屋又再度吓嘢, 抺咗兩個廁所等! 揍咗子元就回家拖埋個地上吓網繼續找資料, 等老公回來煮飯, 明天又要開工啦, 捱埋呢10日就term break架啦!

張貼者： 於 沒有留言:

2022年10月8日 星期六

8/10/22

 8/10/22     SAT.    COOL

今日一朝早就要湊佢哋兩個去比賽，好在時間上面都夾到，先揍哥哥去南邊，再揍仲仲去哈囉，最搞笑係仲仲嗰隊得五個人到場，最終對方都肯五比五去比賽，其實佢哋都好好人，因為佢哋有成11個人，其實已經好好，大不了佢可以照樣出7人，一開場佢哋就入咗一球，我諗都冇10秒，跟住老公喺度我就去買咖啡，點知係我行去買咖啡個短短嘅時間，仲爺就已經入咗波，仲要係扭過啲人入，四份一場完總之後，佢就去守龍，救咗好多球，佢啲隊友都好生性入咗好多球，最終贏七比三，真係好難得！跟住就要去接哥哥，去到其實啱啱完場，但個教練好長氣係咁講係咁鬧，因為佢哋說10比2。好在哥哥話佢隻腳傷傷地，唔去踢下晝果場，咁就唔使咁趕！返到屋企佢哋就沖涼，我哋就去買嘢食，返嚟食完再Hea多陣，就出去B&Q買材料，聽日去新屋嗰邊油油，唔覺唔覺行都差不多七點，搬埋啲嘢返去新屋，再睇多一陣就入埋油返屋企啦，因為又要煮飯食，差不多九點幾我哋先食飯，洗𡊰碗沖得涼瞓覺都差不多12點！

張貼者： 於 沒有留言:

2022年10月7日 星期五

7/10/22

 7/10/22.    FRI.    COLD

今日如常揍仲返學再返工啦，返到去又話要email釋琴日Bella件事，好在我搵到個地方係老師可以用電腦，慢慢做到Bella返，本身今日都冇咩，但小息後條友上咗L block二樓話若果跳落去會點，我心諗梗係死啦，你唔好玩嘢，好在講幾句佢都落番地下，只係唔入課室，去咗木櫈坐下來，我差不多搬哂啲人生道理出嚟講，最後佢又冇咗回事咁，講佢鍾意嗰啲書，查實我係勁冇興趣但都要扮晒聽幾辛苦，差不多最尾15分鐘先肯入番課室，正一堂到我放飯，要休息吓！休息埋個lunch break諗住happy Friday，點知行緊上數學課室，佢又諗跳樓，真係好煩，又唔午嘢係咁甩個白版畫跳樓圖，課室入面3個大人商量過，都係搵人去找輔導主任，但又唔想勞師動眾押佢落去，最終另一個LSA落去通知完，返上嚟話我知，我再帶佢落去，但佢又要等埋佢佢兩朋友，好在已經放學，咪一齊陪佢去輔導室，講咗差不多廿分鐘呀，好在今日老公接仲咋，唔係實急死我！最後要等佢阿媽嚟學校接佢之餘仲要輔導主任同佢阿媽傾一轉先，但我真係等唔到啦，所以交咗比另一每老師，我放番好啲嘢就閃，下星期一仲要返嚟寫部告先煩！回家後啲細返哂，老公去咗買嘢食，佢地今晚去踢波，我食自助餐，所以5點閃哂之後，我就好自由咁，煲劇摺衫洗衫等，8點幾先煮咗烏冬食，侷地10點幾返到嚟又要沖涼煮麵咁！

張貼者： 於 沒有留言:

2022年10月6日 星期四

6/10/22

 6/10/22.    THU.    COOL

今朝揍咗仲要去學校門口，見到幼稚園班級嗰個香港人，同佢傾咗幾句，加上過咗40分都未開門，就拜托佢睇住仲爺入學校門口！幫到學校冇得空閒咁睇書，因為麻煩老師要我寫返開學之後Bella嗰啲奇怪行為，於是我咪要喺大房做嘢囉，做到Breslau 返嚟就出去接佢，本來佢今日情緒都唔錯，點知小息嘅時候喺另一個同學口中得知，佢個朋友要轉校，就開始發癲，坐咗喺地下唔肯走，因為小息啱啱完，所以操場負責嗰位工友就即刻call人嚟，本身安排到佢去Japanese garden坐，我誤會咗佢個朋友係嚟開三個星期之後返嚟，但上完第三堂之後佢再問清楚另一位朋友，先知道係三星期之後就嚟開，咁佢又開始冇晒心情！咁啱撞正第四堂要去old gym睇Drama，分散咗佢注意力其實好咗少少，方法時間終於有人來接應我，等我可以去食飯，咁放完飯去返操場又唔見佢，課室門口又唔見佢，好在最終都搵返佢，去返課室楚，但係佢keep住冇出過聲，喺度撕紙碎，老師話可以執書包佢都唔郁，我驚佢阻住我放學，今日趕住去接細佬㗎嘛！總之順利講咗佢出學校門口我就收工，又要趕去公園接仲爺，返到屋企門口見到有架火車，我仲諗緊做乜泊喺我門口，佢先至話係驗煤氣嘅工人，咁咪俾佢入去見咗先囉，等佢驗完可以快啲去買餸然後仲要早啲去接德！老公返到嚟基本上都開始準備煮晚飯，所以德仔走咗冇幾耐我哋就可以開飯，食完飯佢哋又掛住睇波，我都係hea到咁上下先至沖涼休息！

張貼者： 於 沒有留言:

2022年10月5日 星期三

5/10/22

 5/10/22.    WED.    WIND

今朝出門口，仲爺發現我冇帶頭盔，我先醒起原來漏咗喺琴日買餸嘅肉檔，唯有放工睇吓去唔去攞得返！如常咁揍咗佢返學就返工，不過個單車個轉波檔壞咗，希望佢等多陣啦唔好咁快爛晒！返到學校都係如常咁工作，只係今日撞到幾次麻煩老師，不過佢都冇嘢麻煩到我因為我正確咁做晒啲嘢！然後今日返嚟Bella唔多開心，到咗第二堂嘅時候又喺度發癲，係咁打自己個頭，又fig到條辮都甩晒，搞到我又要call S L T，總算嚟到之後講咗幾句叫做冷靜返，跟住又攞書出嚟睇！順利捱到食飯時間，好好咁食完我個飯，返到去佢哋差不多第四堂，好快午飯啦，本來好好地佢有佢同啲朋友一齊，我有我睇書，點知無端端警鐘響，要去沙地集合，啲人個個食緊飯，都唔知嗰個係真係警鐘定係誤嗚，總之就煩，仲要落緊雨真係好狼狽！最後數學堂順順利利可以放學，快手去接細佬，因為個天黑黑地好似想落雨！揍咗佢去學結他，我就落去肉檔睇吓攞唔攞到得返個頭盔，好彩嗰個人認得係我幫我收起咗，真係好彩！然後去接埋爸爸，老公啱啱講得切返嚟，車我哋去攞埋我free嗰個櫃，先至返屋企，跟住佢就去接哥哥啦，我咪喺屋企湊住兩隻野同埋煮晚餐囉！

張貼者： 於 沒有留言:

2022年10月4日 星期二

4/10/22

 4/10/22     TUE.    COOL

今日都係咁返工返學啦，其實都係好平凡嘅一日，朝早等Bella嘅時候，撞到個香港人家長嚟聽talk，佢都好多嘢問，仲交換咗電話！之後上堂都冇咩大事發生，正正常常咁啦！ 12點幾有得開飯，本來諗住睇吓劇，點知阿Jo又嚟呻，唯有聽佢呻下啦！夠鐘又要趕返上去上堂，好在午飯時間可以繼續睇吓書，今次攞咗本好深嘅書返去，應該有排睇！放學準時快閃，因為要去接細佬，湊咗佢返去我又要趕過去藥房攞藥，又要去買餸，返到屋企又要整定煲牛腩，然後出去湊得，不過你就煮飯開飯，就等佢哋出晒去踢波就開多啦A夢俾阿德睇，咁我就可以清靜下！等細佬返嚟就整飯食，仲要等埋另外兩位返嚟裝好飯我就去洗碗先可以去沖涼！

張貼者： 於 沒有留言:

2022年10月3日 星期一

3/10/22

 3/10/22.    MON.    COOL*

今日唔要變返正常返學啊，因為老公開始返工，所以我又要湊咗仲仲返學先再返工！今日都算正正常常啦，估唔到Bella都算準時，起碼第一堂完之前就已經返到嚟，全日都正正常常啦！我可以12:30就放飯算係幾好，之後都係睇吓書等時間過，因為今日有兩堂都係代課，用埋嗰啲時間嚟睇，今日就已經睇咗一本！放學快快手手閃人，因為今日係Lee媽幫我揍仲爺，聽日都麻煩佢，所以都係要諗吓點快閃！返到屋企好忙碌， settle好啲嘢又要整吓嘢食，跟住開始上網同打電話，又要book GP又要改返啲電費，總之就忙到差啲唔記得去湊德德！返嚟又要煮粉比佢食，因為琴晚冇煮飯冇得煲飯仔！之後都係好努力上網搵嘢，等老公煮飯，食飯時睇埋第三集同你傾偈，都幾好睇，只係冇廣東話，變咗普通話配音有啲怪！洗埋碗沖埋涼差不多都要休息啦！

張貼者： 於 沒有留言:

2022年10月2日 星期日

2/10/22

 2/10/22.    SUN.    COOL

星期日都係分頭行事揍啲仔去踢波，子元最忙，踢完又補習然後再踢，仲仲朝早比賽完，返嚟食啲嘢又出去，因為想過新屋度尺，算係清楚咗可以點擺嘢！度完又要去接番子元去踢波，我地再去買餸今晚雞煲打邊爐！返嚟快手做家務，老公揍完子元回來就整煲，我就要摺埋啲衫，晚飯時繼續睇逃獄兄弟，又幾唔錯喎！晚飯後快手沖涼啦，明天又要開工！

張貼者： 於 沒有留言:

2022年10月1日 星期六

1/10/22

 1/10/22     SAT.   COOL

今朝一早老公湊子元去東倫敦嗰邊比賽，所以我哋起身食完早餐就要踩單車途仲仲去球場練波，幾經辛苦去到球場，中人就踢波我就企足個幾鐘頭，然後又要踩返屋企真係好攰！老公佢哋仲慘，去到咁遠，對家唔夠人之餘仲要賴我哋唔靚踢唔到，根本就係唔夠人，結果冇得睇要翻返嚟！返到嚟佢兩個就沖涼做功課，我哋就去咗Costco買嘢，再買埋午餐返嚟俾佢哋食！然後我哋又出咗broadway行吓，都係諗吓啫咁囉，仲買咗珍珠奶茶返嚟飲！然後就等老公整晚餐，佢話要整牛扒慶祝呀嘛，適當嘅時候開咗套逃獄兄弟嚟睇，都幾好笑！洗完碗沖埋涼都10點幾啦，聽日又要去踢波，又要來補習，仲要過新屋度下尺，諗起都攰！

張貼者： 於 沒有留言:

2022年9月30日 星期五

30/9/22

 30/9/22     FRI     COLD RAIN

今朝都係有老公揍仲爺返學, 下星期佢要返工, 就要回復正常! 工作上今日都係咁上吓啦, 冇咩特別, Bella間中又發吓顛咁啦, 但都算無驚無險咁啦! 放飯時間趕啲囉, 因為今日個飯唔多, 唯有去買多個沙律襯吓! 放工返屋企, 竟然係第一個, 因為老公接完仲仲去買埋餸買埋嘢食先返, 不一會又趕住出去, 兩個豬仔要踢波打波嘛, 星期五係塞車, 但都未至於由子元踢波嗰到去番仲爺嗰到要兩個鐘, 結果又搞到炮哥, 要佢同教練嗰到聯絡要佢等埋老公去接, 最終因為太遲要罸10磅, 咁都要比, 不過下個月唔會打啦, 揍唔到兩個! 最終去揍埋哥哥差不多8點幾9點先返到, 剛好摺哂衫又煮咗粉, 因為淨係食漢堡唔夠! 食飯時老公話安博已經出咗姜B套戲, 於是一睇就睇到11點幾先沖涼, 但之後仲係唔多願瞓覺!

張貼者： 於 沒有留言:

2022年9月29日 星期四

29/9/22

 29/9/22     THU     COLD

今日都係老公揍仔返學, 我就自己嚟! 返到去都係如常等開工, 今日Bella準時返呀, 但就冇咩表情咁囉, 開頭都有啲難服侍, 慢慢上咗兩堂又好少少, 到第三堂英文又係代課, 咁啱我又收律師樓電話等等, 有機會可以出去聽電話, 總之就係準備黃昏去收key啦! 12點幾有得食午飯, 邊食邊同同事吹吓水咁, 好快又夠鐘! 今日餘下時間都唔錯, 無驚無險放工返屋企! 本來諗住子元返埋嚟就出門口去收Key, 點知老公又話要我同佢睇新工份文件, 子元又話要蒸飯, 但已經3:45啦, 係咪應該出門啦呢! 加上又塞車喎, 結果差不多4點3先去到estate agent到攞Key, 又要再去開箱嘛, 最終4點半先去到, 終於可以入屋啦, 雖然間屋冇哂傢俬但又好似冇之前睇咁大, 不過都係要咁住架啦! 先係拍片啦, 跟住就開始度吓尺, 諗吓啲嘢點擺, 搞到5點多先走, 仲要趕返去揍德, 加上又塞車啦, 真係幾經辛苦先返到去, 仲要快手煮飯比德食, 跟住又開始度嘢, 食完飯再繼續, 沖完洗K.O.埋仲爺又要覆電郵, 今日都夠哂啦, 嚟緊要努力為搬屋啦!

張貼者： 於 沒有留言:

2022年9月28日 星期三

28/9/22

 28/9/22     WED     COLD

今日早番啲起身都冇咁趕, 同樣唔洗揍細佬直接返學係慳時間啲, 返到去如常去等Bella, 等到9點半唔見人就去上英文, 都係代課老師所以我都係幫頭幫尾咁啦, 然後PE堂就去企吓算啦, 都唔明呢到啲學生, 老師話佢分好隊佢地去踢足球, 但有幾個一向麻煩的學生又唔肯跟, 低能到一個點! 放Break時去confirm咗Bella唔返就睇吓分配咩工作比我啦, 總括今日都係輕鬆的, 第三堂陪Samia等佢上完堂同佢出去撘uber就得, 跟住放個長飯, 然後就去Year 7 的food technology整apple crumble, 又學到樣新食物, 最後一堂本來要揍個好嘈的學生, 但佢因為去咗有meeting, 最終我坐咗喺staff room夠鐘就走, 幾開心! 放學返去攞埋結他接細佬, 老公咁啱返咗嚟就車我過去, 仲爺學緊時就去超市買餸, 揍埋德就返嚟, 忙亂時老公又有電話打嚟, 今日啱啱見嗰份工請咗佢, 快到呢, 都見完冇幾個鐘, 咁又要覆文件等等, 雖然係會遠少少忙少少, 但人工又高好多喎, 又大公司又係佢嗰行啱哂! 總之一切天父都安排好, 我地只要盡心盡力去做就得! 吸引力法則嘛! 快手一齊食咗啲都唔知TEA定午餐, 老公又要揍子元去踢波, 咁我就揍住德囉, 仲仲又掛住睇機! 等佢一走又要幫老公覆電郵又要煮飯, 好忙! 食完洗碗沖涼後又要KO仲爺又要幫老公出email覆番本身下星期一要返嗰份工而家唔返啦! 10點幾先自由!

張貼者： 於 沒有留言:

2022年9月27日 星期二

27/9/22

 27/9/22.     TUE.    COLD

今日真係凍咗好多！朝早set遲咗15分鐘起身，諗住老公車佢哋可以唔使咁早，但原來有一堆嘢要做其實都係七點起身穩陣啲！返到學校都係如常咁開工啊，等咗兩堂Bella都未返，問清楚話佢今日唔番㗎啦，咁咪卸下行裝去佢會上堂嘅班房繼續工作，點知差不多1:30就嚟放飯嘅時候，有個同事去咗課室搵我，話Bella返咗嚟，我心諗有冇搞錯返嚟放飯然之後上一堂，係咪玩嘢啊！不過我最怕就係麻煩老師陣間又話我冇帶住個對講機，冇聽到Bella返嚟，但其實佢一早話咗唔番，我放低部對講機都合情合理，不過唔理得咁多啦，佢再講先算啦，呢啲都係我自己諗嘅啫！最慘係我本身諗住佢放飯嘅時間我食飯，點知佢返咗嚟，我要喺飢寒交迫嘅情況之下到2:15，送咗佢去課室，同另外一個同事交帶左我先至再去食飯，已經餓死我！過埋最尾嗰堂，放學就返屋企啦，啱啱返到去老公又湊左細佬返嚟！今日冇得揍德，因為佢打完針好似好唔舒服，所以佢哋自己湊番！咁我咪輕鬆咁過一日囉，佢兩個輪流去踢波，老公又煮好晒飯，我只係負責焗返熱佢就得啦！不過都有好多衫要接，所以開埋套電視劇一路睇一路摺！

張貼者： 於 沒有留言:

2022年9月26日 星期一

26/9/22

 26/9/22.     MON.      COLD

今日又要返工返學啦，不過老公今個禮拜都唔使返工，下星期先至開始返新工，所以佢可以湊晒兩個返學，我自己就繼續踩單車！返到去都係見到麻煩老師，諗住可以避開佢唔想同佢講野，去到reception等嘅時候， Bella都好快返嚟，不過老公話佢唔記得帶鎖匙，所以我唯有settle左Bella之後再攞條鎖匙出去俾佢！今日上堂佢都算合作，總之佢肯入課室坐低，話知佢聽唔聽算啦！小息之後要去打針，佢都真係驚打針，我見應該要嘗試幫吓手，個工作人員叫佢捉住我隻手，咁就順利打到針啦，可見其實佢都真係幾信任我！放飯嘅時候都係邊食邊同阿Joe吹吓水，跟住冇幾耐又到啲學生放飯，咁我咪睇吓書囉，期間又準備落大雨，好在有瓦遮頭！上埋最尾嗰堂數學可以放工啦，返屋企食咗嘢先，再準備吓五點幾就出門口，因為今日要去Wembley Stadium睇英國對德國，揸車過去真係勁塞車，我估因為好多車都會拍喺嗰度附近！拍好車再行過去，都已經六點幾七點，所以行得上看台坐好等多半個鐘都已經開場，初頭都有啲悶，下半場就好多波入，最終三比三打喎！今次老公帶咗好多紙去摺飛機飛落去，都幾好玩！睇完唔商場又要行返去落車，又要塞一輪車先至出到公路，10一點幾返到嚟，仲要快手煮麵俾大家食，再沖涼休息已經12點幾！

張貼者： 於 沒有留言:

2022年9月25日 星期日

25/9/22

 25/9/22      SUN.     COOL

今日真係好忙碌！朝早八點幾起身就要準備出門口，因為兩位少爺都要踢波，首先9:30車咗哥哥去球場，然後我哋去食咗個早餐，再揍仲仲去比賽，遲咗少少，不過比賽都遲開始，冇所謂啦！場比賽最終5-5，但係開始嘅時候係佢哋領先，係咁俾人追番上嚟真係可惜！睇到12點幾，要等老公嚟車返我哋，因為子元去練完波又要去補習，佢都遲咗先去補習，蝕咗！接咗我哋就返屋企，食咗個飯團，但係都唔多夠飽，等仲爺沖完涼我哋同阿媽傾完電話就出去超市買嘢，返到嚟係咁椅掃咗個地同埋清潔咗個廁所，就要摺埋啲衫，老公去接番子元放補習，未夠五點事頭佢哋就嚟㗎啦，開頭都係吹吓水囉，同埋預備下今晚韓燒啲材料，啲細路最終都係開咗遊戲機嚟㗎，我都想好多人一齊玩Overcooked呀！七點幾開始燒肉，其實最終食完都係差不多九點，今日要早啲瞓啦大家明天都要返工返學，洗好嘢執埋野就沖涼休息！

張貼者： 於 沒有留言:

2022年9月24日 星期六

24/9/22

 24/9/22     SAT     WARM

今朝老公要揍子元去比賽, 我就要揍仲爺去練波, 咁可以點揍呢, 梗係踩單車啦, 都算順利! 去程上斜回程就可以滑梯咁啦! 返嚟等仲爺沖埋涼, 老公佢地買咗炸魚薯條燒雞返嚟做午餐, 食完就叫仲爺快啲做功課, 我就上網做吓嘢, 因為舅母打嚟話stamp duty應該可以claim到退番, 因為昨天剛update咗, 我29號先complete, 咁就搵吓資料email比律師問吓! 之後子元話打機, 咁基本上就打到晚飯, 仲爺淨係抄生字同解釋都搞咗好耐, 等佢嗰時就打overcook, 佢終於做完先玩party囉! 晚飯後洗埋碗沖涼都10點幾囉, 明天又要出去踢波補習等等, 好忙!

張貼者： 於 沒有留言:

2022年9月23日 星期五

23/9/22

 23/9/22     FRI.    COOL

終於到星期五，今朝有少少趕，去到門口一陣已經入得學校，所以我都可以快啲返工！返到去都係如常咁攞齊晒嘢等Bella，佢今日都算準時，課堂上面一般合作啦，係有一堂突然之間斷線唔肯入課室尤其唔穩，好彩有個學生經過，我叫佢即刻攞張凳俾我等我可以俾Bella坐，如果唔係都唔知點扶住佢咁耐！放午飯嘅時候直程去咗香港人同事個office入面食飯，方便吹水嘛！又要返去開工，不過都係喺操場幾下，本來仲有啲肚餓但得來今日整咗chocolate brownie，咁食埋就夠飽囉！數學堂又係代課老師，不過Bella都好合作做晒啲數，如果唔識嘅就問我等我教佢，總算圓滿結束今日嘅課堂！返屋企等阿哥湊埋細佬返嚟，收拾好就出去等巴士，都等咗一陣先有車，跟住我就去超市買埋嘢返屋企，快手食啲嘢唞一唞又要出去揍德！今日得我同佢，唯有開卡通俾佢睇，咁我啲時間先至高啲！佢阿爸阿媽差不多七點有多先來接佢，我先至可以去準備晚餐，所以你細佬返嚟沖完涼都未有得食飯住！所以根本嘅時候煮完就打返嚟，因為佢提過要開始行去巴士站自己搭車，因為老公約咗人踢波，就要個仔自己搭巴士返嚟！雖然有啲甩漏但總算安全返到嚟，跟住佢就食晚餐，老公差不多10點先返到，真係誇張！

張貼者： 於 沒有留言:

2022年9月22日 星期四

22/9/22

 22/9/22      THU     COOL

今朝如常咁起身梳洗返學，喺學校門口見到識嘅家長，就可以早啲放低細佬早啲返到學校唔使咁趕！今日都算幾順氣，等咗一陣Bella 就返到，然後佢今日心情都幾好，個個課室都肯入去上堂！不過其他人好似就冇我咁好彩，又要跟啲唔熟悉嘅學生，一係就好亂！等到一點先至有飯開，又去同個香港人同事吹吓水咁，真係好開心！下午啲時間都好快過，我終於睇晒本步步驚心，原來結局係有啲補充，同電視劇唔同，所以最尾睇嘅時候可以當新書睇！放工接完細佬，俾佢喺公園玩咗一陣，所以返屋企之後又要趕落去買餸又要食啲嘢先至再去接德德，基本上都冇乜休息過，返到嚟又要煮晚飯又要餵德，等佢走咗又要開始煮飯食完飯又要洗碗，真係要等佢哋瞓晒我先有自由時間，但係仲要接衫好攰呀！

張貼者： 於 沒有留言:

2022年9月21日 星期三

21/9/22

 21/9/22     WED.    COOL

今朝都係趕頭趕命出門口啦，所以連咖啡都唔記行帶，諗住返到去上staff room沖咖啡就算啦，點知又撞到個麻煩老師，又話你已經夠鐘㗎啦唔應該喺度嘆咖啡，我心諗你唔好去死，飲杯咖啡我只係用1分鐘時間，況且Bella都未返，使唔使咁急啊，算啦個個都唔鍾意佢，係佢自己唔知！九點幾Bella返到嚟，但估都佢唔會去上geog堂，如果佢喺門口坐咗一堂，我又冇咩所謂嘅，反正入課室都係坐咁解！之後英文堂要作文但係佢都冇作，所以我都勸唔到幾多，我都悶到喺度畫公仔！放完break之後上佢最鍾意嘅Science，所以就好合作，加上我放咗半個鐘頭返去吹吓水，然後返去一陣又到佢哋放break ！本來諗住繼續睇書，點知有個香港人學生過嚟同我傾偈，差不多傾到放完break， Letty佢哋過嚟先至完結對話返去上堂！最後只係數學堂，好似個學生多啲，好努力咁做數！放學去埋個廁所先走，接完細佬快啲返嚟又要準備出去學結他，因為太攰啦我唔想再行，所以坐喺琴行等到夠鐘，咁啱老公返到嚟可以接我哋，先去湊埋德德再返屋企，等我唔使行咁遠！跟住哥哥去練波，我哋就喺屋企，揍完德然後準備晚飯，等老公返嚟就煮飯，摺埋衫沖完涼10點幾又係時候休息啦！

張貼者： 於 沒有留言:

2022年9月20日 星期二

20/9/22

 20/9/22.    TUE.    COOL

今日煮係如常咁返工返學啦，照樣去等Bella啦，但等到9:30都未見人就去佢課室，到第二堂去check咗一次都係未返，咁就去上英文，我都好俾心機咁差嘅生字，如果唔係冇咩好做時間都好難過，因為又係代課老師！想想下嘅時候二姐嚟到話Bella今日唔返叫我跟另外的學生，咁放完break我就去跟另外的學生上PE堂，不過因為好快就要接受跟另一個，所以只係其中半個鐘就算！跟住去咗今個year 12，基本上都冇咩做，只係跟佢出出入入！自己安排時間放飯，可以食耐啲輕鬆啲，好耐未試過輕鬆得咁緊要！到佢食飯嘅時候去咗sixth form食飯嘅休息室，就係見到有另一個香港人學生，同佢傾咗一輪，之後都係睇吓手機啦，這個堂基本上都係唔使上因為係自修，咁佢都有做嘢我咪繼續喺隔離睇吓機！好準時可以放學，好快湊左細佬就返屋企，因為又要出去買餸整嘢，基本上都冇乜休息過又要出去湊德！之後佢兩個輪流出去踢波，揍完德又要煮飯啦，今日啲時間都過得好快轉個頭已經10點幾要瞓覺！

張貼者： 於 沒有留言:

2022年9月19日 星期一

19/9/22

 19/9/22     MON     COOL+

今日英女皇國葬, 放假一天, 所以都完全冇理要幾點起身, 但一早都醒咗, 再瞓番後差不多10點先起身, 整得早餐嚟食埋都11點幾, 然後就開始打機啦, 話咗今日係狂打新game, 先打over cooked又係嘈哂交咁啦, 午餐食pizza咋, 食完再打多陣就轉打mario party 2, 打到6點幾7點要食晚飯先收機! 然後都係睇電視呀等等, 我就聽三叔公園, 真係好好笑! 

張貼者： 於 沒有留言:

2022年9月18日 星期日

18/9/22

 18/9/22     SUN.    COLD

今日子元又補習又踢兩場波，所以基本上全日都係車佢出出入入，我同細佬主力都係只可以留喺屋企！朝早老公早啲起身同梓瑤食埋早餐出門口先，我就同細佬喺屋企，等到公車就煮完去補習，就返嚟接我，因為我free咗個細佬嘅衣櫃，咁就要去攞，唔算太遠，唯有獨留仲爺在家，快啲攞完就返嚟，然後老公又要去接子元放補習再去踢波，因為重賢已經做晒功課，我哋又唔識開機打Switch，所以都幾悶，追咗幾集劇集，六點幾的起心肝去煮飯先，佢哋差不多七點幾先返到嚟，食咗飯洗碗沖埋涼，都已經九點幾十點，細佬仲話要繼續打Switch，咁明天唔使返工返學，就俾佢打一日啦，差不多11點一定要收機，聽日流流長再慢慢打！

張貼者： 於 沒有留言:

2022年9月17日 星期六

17/9/22

 17/9/22.    SAT.    COLD

今朝睇天氣報告，得五度，真係凍咗好多，食完早餐仲仲要去踢波，子元又要踢波，所以老公車咗我同仲仲去球場，佢就再揍子元，變咗我要喺球場等，又凍又大風，一時之間都未習慣返咁凍！終於等到老公帶埋杯咖啡嚟搵我，不過杯咖啡都變咗暖！佢車咗我哋返屋企，然後再去接子元，呢個球會真係好勤力係咁加操，所以佢哋兩點幾先返到嚟，我同細佬都忍唔住焗咗個Pizza食咗一半先！整完自己換衫再去另一個球場練波，我哋就要去買嘢啦，太耐冇入貨咩都冇，先去榮業行食咗個午飯，跟住再行超市，不過其實龍鳳行有嘅嘢佢都有，反而佢連牛肉味嘅丁麵都冇真失敗，但我都買咗七十幾磅！然後就去Costco，呢度又買咗百幾磅，冇辦法啦有肉有其他嘢咁！去球場接埋子元先至返屋企都已經六點幾，好彩擺完啲貨入屋之後泊咗我哋個位架車終於肯走，咁就可以差啲喇！放好晒啲嘢pack埋啲肉，就叫老公快啲煮飯因為已經八點幾，食完飯快啲洗埋碗沖涼休息！

張貼者： 於 沒有留言:

2022年9月16日 星期五

16/9/22

 16/9/22     FRI     COOL

終於到星期五啦, 今個星期好似過得好慢咁! 朝早忙忙亂亂咁搞掂出門口返學, 都遲咗少少架啦, 去到仲爺學校都開咗門啦! 我返去就慢慢都唔遲, 因為今日學生late start, 所以冇咁早有人, 喺大房無所事事, 去個袋攞嘢時先發現銀包電話都唔記得帶, 應該琴日去買完嘢冇放番好! 於是乘機叫個同事還錢比我! 夠鐘就去開工, 今日明明學生上堂時間係短咗, 但點解堂堂都咁耐先完, 因為啲課目唔吸引囉! 11點幾就要去食午飯, 都未餓! 捱到佢地放飯時咪睇吓書囉, 見到另外兩個投契的同事喺到就去吹吓水, 其中一個今日last day啦, 佢要返去讀埋個大學, 因為之前大咗肚冇讀完所以而家再讀番, 真係有心有力! 幾經辛苦捱到放學, 同個同事say goodbye埋就回家, 好在子元有帶key, 返到去仲諗緊點安排揍出揍入的問題, 點知德仔唔洗我揍, 子元唔去踢波, 炮哥可以嚟幫手接仲仲, 咁老公放工可以直接回來, 我又唔洗趕, 可以去超市慢慢買嘢, 仲返嚟同子元打吓新game! 只係6點幾老公話要幫佢手睇文件覆email, 就冇得玩住, 一睇就睇咗好耐啦, 食完飯又要繼續, 睇到我眼都矇埋! 終於可以洗碗沖涼休息!

張貼者： 於 沒有留言:

2022年9月15日 星期四

15/9/22

 15/9/22.    THU.    COOL

今日都係如常咁返工返學啦，樣樣都算順利，Bella又聽聽話話，只係上chem時唔想上，但起碼肯入課室已經好好，另外佢地今日早放學，我地就要喺AL1等放工，要執好間房因為今晚係parents evening，要收拾比家長睇！夠鐘梗係即閃啦，到我去仲仲學校甚麼家長日，但都講啲無謂嘢！4點幾返到嚟休息吓食啲嘢又要準備出去揍德，今日條友喺學校出嚟聲都唔聲，好唔開心咁，應該係掛住爸爸，好在返到嚟玩又閪心番！晚飯後都係洗碗沖涼摺衫睇電視咁囉！

張貼者： 於 沒有留言:

2022年9月14日 星期三

14/9/22

 14/9/22     WED.    WARM

今朝見到更表跟Daisy，都算係輕鬆！照常抽咗重點返學就返工，輕鬆工作有時又會覺得眼瞓，真係好矛盾！總之照腸跟住佢出出入入其實都問題不大，同埋其實佢成日都走堂，所以有時唔使上堂可以做吓自己野都幾開心！午飯時又係同香港同事吹吓水，佢話收到Loletta申請L S呢份表，不過佢都係負責收資料，見人都應該唔關佢事！最尾嗰堂真係好眼瞓，如果唔係可以睇吓幾我諗我一早瞓咗， Daisy又想早走，正合我心意，快啲攞埋單車一齊出去reception等收工！去公園接埋細佬就返屋企，因為要去學結他，踩埋單車出去順手去超市買埋野先再去接佢，時間啱啱好！ Cheung Wai都得就返屋企煮飯俾佢食，哥哥就去踢波！晚飯食炸髀同埋羅馬生菜夾燒肉，好正！

張貼者： 於 沒有留言:

2022年9月13日 星期二

13/9/22

 13/9/22.    TUE.    COOL

今日老公請咗假見工，所以成朝都喺度，咁就可以收咗件貨，明明之前日日都10點幾就送偏偏今日手2點幾先送。總之最後都收到啦！另外就係律師樓打嚟話落實到29/9收鎖匙，終於完成咗一大步，跟住就開始要預搬屋啲嘢！返到學校準備開工，點知喺大房見到個同事好唔舒服，最終call咗白車呀，希望佢冇事啦！另外今日只係等咗兩堂， Bella個媽媽就打電話返嚟話佢唔翻，咁我就同咗啲相熟同事一齊跟Rami，大家可以吹吓水咁幾開心！點知第三堂跟跟吓嘅時候，有人嚟搵我話叫我去大房跟一跟嗰個疑似成日扮Bella嘅同學，咁反正都係跟啫，同邊個一齊其實冇乜所謂！但係諗住可以食個long lunch嘅時候，阿二姐搵我話Bella個阿媽打返嚟話佢20分鐘之後返，所以叫我即刻放飯，佢會搵人接咗Bella我再去同佢會合！冇所謂啦都係返多一堂啫，仲要出奇地果糖佢好合作上都好開心，所以今日基本上我都係好輕鬆！放學快手去接咗仲仲返屋企，就開始拆箱喇，嫲嫲真係咩都送多幾倍過嚟，所以真係好大箱！有好多食物、海味、衫，同潔手酒精，應該有排用！拆箱又要覆電郵等等，攰到我都唔知咩感覺，老公見完工返嚟，差不多又要湊佢哋去練波，因為之前係咁落雨我都出唔到去買餸，所以叫老公車咗我出去買餸，買完摺埋啦得就返屋企！返到嚟佢都好乖咁自己睇電視，咁我就可以整埋個蘿蔔牛腩！維園佢食飯咪休息吓囉，因為等佢走咗又要煮飯準備細佬返嚟開飯等等！最後等哥哥都踢完波返嚟食完飯洗埋碗我就可以沖涼休息！

張貼者： 於 沒有留言:

2022年9月12日 星期一

12/9/22

 12/9/22.    MON.    WARM

今日都冇咩特別，可能只係特別攰！早上如常出門口返工返學，今日Bella好準時到，不過情緒一般，加上第一堂又係代課老師，唔好話Bella，我都唔想理佢，所以我哋兩個坐咗喺後邊齊齊睇書就算！第二第三堂佢都係肯入課室係好好上堂，只係睇書，不過起碼肯入課室已經好好！放飯時又同個香港人HR傾咗陣，之後到啲學生放lunch，我做咗網店睇吓書，因為Anna嗰度未有同佢傾吓計咁，時間都好快過！最尾嗰堂上埋數學就可以放工！今日收到律師電話，話已經收到我哋啲錢，定係月尾29或者30號收鎖匙，而家睇大家邊一日可以！揍咗仲叫我返到屋企，本來應該有食物，但我又忍唔住去投訴個包裹同埋問佢究竟佢哋會點安排送來，因為老公聽日請咗假見工，朝早佢會喺屋企！咁希望佢聽日再送多次嚟屋企啦！之後就出去就得，最後返到嚟一陣就瞓鬼咗，搞到我煮飯都唔知點叫佢食好，我都叫醒佢之後又喺度扭眼瞓，最終都食咗九成㗎啦，咁佢走咗我就煮咗飯先差不多時間先整餸，用嘢喺房做功課足足做咗三個鐘，我都唔知佢喺度做乜，又喺度激到我火都嚟埋，食飯夾餸嘅時候又跌落地，真係冇停過咁去激你！之後我都好攰頭好痛只係想快啲休息但仲要洗碗摺衫倒垃圾！

張貼者： 於 沒有留言:

2022年9月11日 星期日

11/9/22

 11/9/22.    SUN.    COOL

今朝5點就比仲爺咳醒咗，所以瞓得勁差，九點幾之前係咪話今日唔會連波老公就即刻同佢出去，我就煮早餐俾細佬食，本來都好唔想起身㗎！食完早餐之後都係無所事事，因為今日Chi King要踢兩場波，中間呢段時間返嚟，都冇咩地方可以去，所以都發生的話咩地方都唔去啦！於是全日就喺屋企播住桃花姐話有打住機，肚餓就食啲嘢，係一個浪費的星期日！佢中午嘅時候同阿媽佢哋傾咗電話啦，因為今日佢哋做節！晚飯煮咗肉骨茶，真係好好味！聽日又要返工啦加油努力！

張貼者： 於 沒有留言:

2022年9月10日 星期六

10/9/22

 10/9/22.    SAT.    COOL

今朝8點點就去到銀行門口，因為要過數比律師樓，以防人多，點都早啲去，點知最終都係幾丁友，但我可以第一個做囉，咁啱又係上次接待我嗰個職員負責，比哂資料佢處理，順利完成，等律師樓下星期安排埋completion date就正式收key！搞掂就去食個早餐啦，見broadway開咗間新嘢就試吓，有少少貴但都好食嘅！最後行吓買埋嘢今日party就回家，好忙碌要清潔，不過差不多兩點幾佢地先到，最早到係Holly家，跟住係Mandy同Letty，三佬佢地都好遲，不過喺屋企玩就有樣好，玩住等！基本上小童有小童玩，中童有中童玩，大人咪吹水打牌咁，到齊人就開始食嘢，都係食個tea咁解！晚飯都遇咗一齊食，可惜Holly佢地晚上約咗人，6點就要走啦！我地食埋嘢玩到9點幾影埋大合照就散！我仲要執屋快清潔一轉先沖涼休息！

張貼者： 於 沒有留言:

2022年9月9日 星期五

9/9/22

 9/9/22     FRI     COOL

終於到星期五啦, 今朝事頭話因為女皇走咗若果我地聽日喺公眾地方慶中秋, 好似唔係咁好, 就話不如取消歐聚會, 但其實我又唔係好想, 中秋節始終係應該多啲人慶祝好! 所以最後提出, 若果佢地唔介意可以嚟我到, 反正我地做開party場地! 講番今日工作, Bella終於準時返學, 雖然第一堂唔肯入去, 但之後四堂都算正常, 已經好好! 最搞笑有3堂都係代課, 仲要係同一個代課老師, 可以吹吓水, 仲有係可以同Letty吹水, 因為其中一堂同Letty一齊呢! 食飯時喺staff洗碗時, 有個Asian員工嚟相認, 佢都係香港人, 可惜唔可以詳談因為我要趕返去接更啦! 所以傾咗陣就交換埋電話, 有機會可以再傾! 順利上埋幾堂就放工, 因為唔記得提哥哥接仲, 所以都係去學校一轉, 好在喺公園路口撞到, 唔係錯失咗就煩! 咁一齊返去換好衫執好嘢就出門口, 子元先揍仲仲去籃球場, 老公去會合再揍子元去踢波然後再來來回回接哂佢地先返嚟! 我就送咗佢地去巴士站買餸再返去預備, 然後接德! 今日冇哥哥玩, 唯有吽吓囉! 等佢閃咗我先hea吓等煮晚餐, 星期五晚都係肉醬意粉, 不過佢地返得嚟都9點多先食, 好夜啦!

張貼者： 於 沒有留言:

2022年9月8日 星期四

8/9/22

 8/9/22.    THU.    COOL

今朝瞓醒又係時候要開工啊，忙忙碌碌咁準備出門口，揍咗仲早返學我就返工，今日揍Bella，不過我要小心翼翼知佢係幾時返，因為等到9:30都未見人，咪又要去佢啲課堂度咁囉，第一堂geo又見到Letty，之後啲堂都開大個Walkie Talkie以防聽漏，不過今日佢最終都係無返，總之我就平安無事過咗一日啦！放學馬上去銀行，睇吓book唔book到過錢去律師樓，點知最後一個皮啱啱俾人攞咗，個職員同我講話星期六都可以過到錢，叫我一早喺銀行未開門之前嚟排隊，咁唯有咁做啦，我唔想請假去做呢件事！返到屋企食啲嘢休息吓，夠鐘就要出去湊德！老公今日北上睇曼聯，所以我哋三個食自己，等我揼死咗就煮飯，邊睇波邊食，老公就現場睇巴閉啦佢！明明已經好早食飯，但做得嘢嚟其實又已經10點幾先知瞓得，因為要接埋啲衫都搞咗成個鐘！

張貼者： 於 沒有留言:

2022年9月7日 星期三

7/9/22

 7/9/22     WED     RAIN

今朝都係如常咁揍仔返學再返工, 但老細又冇email更表比我, 同事又冇print比我, 完全唔知玩咩, 總之問到又係跟日本妹就算! 不過第一堂food technology係勁混亂囉, 人又多又要煮又要洗, 又唔夠洗手盤咁, 總之就亂啦, 本身我都唔like個Ms 架啦, 所以佢講咩都算, 我自己盡咗力就算! 今日最好笑係science又係代課老師, 不過竟然係個香港人嚟代課, 一聽佢啲英文就知, 我覺得我好過佢呀!  基本上冇咩特別嘢要做, 同琴日一樣抄寫吓, 所以我今日都有啲hea! 另外就係放飯時, 咁啱都有好幾個老師放飯咪吹吓水, 得番我同數學Ms時, 講開住邊等等, 就話我係踩單車返工, 另一個office lady嚟到又吹開話我要揍咗仔返學先踩車返嚟, 佢問我個仔幾大, 我話一個14一個差不多9 , 佢地係完全唔信, 忍唔住問我幾多歲時我話41, 佢地都係完全唔信, 老實我都唔信Ms 先至29歲, 唔同種族係估唔到囉! 最好笑係佢已為我同佢咁上吓大, 真係開心! 跟住佢仲講笑話睇嚟佢都要踩單車返工先得! 順利放學接咗仲爺返去, 今日要學結他, 而我又忙住打電話去處理個郵件, 個人已經燥底, 又要行嚟行去喎, 今日冇得揍德, 條友唔肯返學係咩玩法! 最終佢話要下星期三先有得去郵局攞, 搞到我仲係好擔心囉, 明明星期一送到架嘛, 叫咗佢點做又唔跟喎, 真係好想講粗口! 然後好攰咁又要繼續搞電腦嘢, 然後仲爺食杯麵又未食就打瀉哂, 真係火到頂點! 係之後老公去煮飯先叫做好啲, 今日真係好攰, 但仲要幫老公改番哂申請份工啲嘢, 好攰!

張貼者： 於 沒有留言:

2022年9月6日 星期二

6/9/22

 6/9/22.    TUE.    RAIN

今朝早咗啲起身，所以唔使咁趕出門口，返到學校照常開工，今日跟日本妹，所以係輕鬆嘅，加上升咗級之後啲細路好似乖咗，或者係啱啱開學仲未熟絡去嘈囉！放break嘅時候因為唔使跟住佢哋，就過咗去同Letty佢哋吹水，然後咪繼續上堂啦，得閒就同佢做吓翻譯，今次我醒啊攞定子同不，可以寫低比佢哋睇！差唔多午飯前見有時間就check吓電郵，原來麻煩上司琴日有send email講關於我喺Walkie Talkie聽唔到接Bella，老實啦佢差不多12點先返學，邊有人估到佢仲返姐，其實係咪應該考慮吓同佢家長傾吓，佢返唔返學係咪應該通知學校一聲，而唔係學校喺度等佢啦，不過算啦麻煩嘅上司係唔會有腦，佢哋只係有權力，而我哋呢啲冇權力嘅人其實係最有腦，如果唔係點應酬啲老屎忽！午飯時經常先睇手機，都係最享受嘅時間，上埋最後一堂就放學，臨放學之前竟然狂風暴雨，好在真係走嘅時候只係好細雨，但重點係條街浸晒，係浸到單車經過都會濕到腳，我隻腳已經冇跌落地下，又要避開汽車嘅大浪，真係幾經辛苦先接埋仲仲返屋企！幫佢清理下預備埋晚餐啲嘢其實都唔頭一陣又要出去就得啦，不過唔緊要啦佢米飯班主，湊住佢有錢收有乜所謂！今日兩個都要踢波，老公就做司機，我就負責煮頹飯，食完洗埋碗沖埋涼差不多10點幾先至噯仲瞓覺！

張貼者： 於 沒有留言:

2022年9月5日 星期一

5/9/22

 5/9/22.    MON.    WARM

今朝子元唔使返咁早，所以我7:15先起身，不過唔係會好趕，同埋佢哋賴床都係一個問題，聽日都係7:00起身穩陣啲！匆匆忙忙之間仲記得影張返學相算係咁，揍咗仲仲去學校等佢開咗門先至出發，都有少少趕，因為返到去又要擺飯俠又要泊車又要搵時間表，十成我都係得Bella 㗎，所以攞齊嘢就去等佢，等到9:30都未見人就跟佢時間表上堂，放埋break都已經11:30 ，佢都仲係未返，諗住佢都唔會返啦，點知差不多12點有個同事嚟我課室，話佢竟然返咗嚟，咁咪出去接佢囉！英文堂其實都係講吓今年課程，叫佢哋抄下野，我都唔知Bella喊咩，不過佢唔嘈就算啦！然後到數學堂佢又唔肯入課室，最終我同老師講佢可唔可以喺課室度睇書佢先至肯入去！終於到我放飯啦，又要處理個郵件，明明叫咗佢放喺鄰居度，但條友又冇咁做搞到我要再諗辦法點處理！放完飯返去差不多又到佢哋放飯，撞正落雨我就企埋一邊睇咗大半個鐘頭書，都係好事！上埋最尾嗰堂RE就放學，今日我有兩堂都同Letty一班，可以係咁吹水都係好事！順利放學返去接仲仲，因為德仔仲未好返今日唔使湊佢咁就俾仲嘢喺公園玩到四點幾先至走，當我返到嚟嗰陣又係時候出去買餸，因為唔趕時間，可以慢慢行吓超市，缺點就係你買多咗嘢！我未返到老公已經返咗嚟屋企，七點幾煮飯食，可以早啲休息，琴晚俾啲雨嘈醒差不多三點先瞓得返好慘！

張貼者： 於 沒有留言:

2022年9月4日 星期日

4/9/22

 4/9/22.    SUN.    WARM

今日冇咩嘢午，所以都係hea！差不多8點已經醒咗，但個胃都仲係唔係好舒服，所以老公整咗多士同炒蛋我食就算，食完早餐第一時間吸塵抹地先，但吸吸下層個吸塵機冇電，諗住去叉電啦，點知差唔到喎，老公話應該個火牛壞咗，咁都要買嗰個㗎啦，雖然有啲貴！最後用最原始嘅方法掃咗個地，拖埋佢就可以抖一陣，因為仲係唔係好舒服，所以都係唔好出街，子元又話打機咁就一齊打多陣啦，結果都打到差不多三點實在太過分！因為主人要去踢波所以先至停，午餐好求其咁我都唔知食咗啲乜嘢，不過我又唔係好肚餓，所以都去食咗啲零食同埋塊多士就算！老公出咗去秋子元，以為佢有睇佢踢埋先至返，點知佢好快就返嚟，因為要睇阿仙奴對曼聯，但個電視又好唔生性，開頭成日都load唔到，好在10幾廿分鐘之後終於load到可以睇！之後到我想睇返琴日喺Facebook錄到嗰條片個劇集嘅結尾，好在我記得套劇叫咩名先至可以搵得到嚟睇！老公返嚟就煮晚餐，佢話想食炒飯，所以一早煮好飯攤凍咗可以炒，然後仲要整鴨胸同埋腸仔等等，因為要逐個飯炒所以都幾嘥時間！八點幾九點就沖好涼，因為聽日兩位少爺都開學啦，所以今日都係早啲瞓啦！

張貼者： 於 沒有留言:

2022年9月3日 星期六

3/9/22

 3/9/22     SAT.    WARM

今日都冇咩好寫，因為都冇咩事發生，我全日都係屋企！八點幾九點起身，煮早餐食完就開始hea，子元話想打機咪一齊打，午餐食蝦餃燒賣雲吞就算，下午子元去踢波，我同仲爺喺屋企好悶呀，佢地七點幾先返嚟！老公就即刻煮晚餐，今晚食牛扒，係好味嘅，不過我仲係有喉嚨痛囉！最後醒起仲要染髮，就互相染埋先沖涼，都搞到11點幾12點，仲爺都等唔切我講故事就瞓咗。

張貼者： 於 沒有留言:

2022年9月2日 星期五

2/9/22

 2/9/22.    FRI.    COOL

今日真係好攰！朝早又早醒，返去又要跟Bella，佢琴日已經唔多好，今日都遇咗係架啦！果然接咗佢見佢都冇反應，頭兩堂都唔肯入課室，一係喺走廊坐足一個鐘，一係周圍亂撞，話點解啲嘢全部消失哂，其實都係好慘！捱到小息見番啲朋友佢又冇嘢喎，但之後double lesson science又嚟，肯入課室啦但又喊，帶咗佢出課室，咁啱我放飯，唔理啦等人接手，我要休息呀！放完飯佢都返到課室變番正常，lunch break後都好好，相對地的！Pong Cheung，突然之間又要帶仲去打籃球，咁啱今日德仔仲病緊唔想湊佢就帶佢過去啦，點知塞車塞到九彩，五點幾先至過到去！老公就要揍子元去踢波再過嚟接番我哋，再去接返笨，今日已經八點幾所以就喺附近book咗間意大利餐廳食嘢，雖然好好食但係真係好貴

張貼者： 於 沒有留言:

2022年9月1日 星期四

1/9/22

 1/9/22     THU.    COOL

今日終於係有學生之後正式開工，算係一個輕鬆日！因為啲學生返9:30 ，所以返到去其實都唔使趕，攞齊晒嘢再去操場搵返自己嗰班，同埋同啲close啲嘅學生擁抱，排隊Bella見到我，好興奮咁叫我埋去然後好肉緊咁攬實我，問我暑假過成點生日過成點，真係好窩心，不過今日我唔係跟佢冇辦法詳談，今日係跟日本妹嗰班，同另一個麻煩學生，不過佢無返，所以其實我全日都好輕鬆！放break之前都係喺課室同埋hall聽下野，放筆嘅時候我都可以休息吓，連帶放飯時間一齊，咁就不如食埋個飯先啦！係飯後果個半鐘慘啲啦喺個課室無所事事，又冇嘢可以做，我悶到喺本簿度畫公仔！終於捱到佢哋放飯，我又冇學生要跟，又唔想返去大房嗰度變相開工，又覺得有啲肚餓咁不如去買咗個沙律去staff room慢慢食，本來以為食完飯要悶埋嗰一個鐘，點知我係要幫手做treasure hunt checkpoint，其實咪就係企係一個點有學生嚟到搵到個字呢就比張紙佢囉，都幾好玩只要唔係坐喺課室無所事事可以講吓嘢就得啦！主力都係俾啲新入學嘅year 7玩，就係咁見到今年都嚟咗好幾個香港人，有一個好醒目唔知點解覺得我會講廣東話，就問我係咪識講，於是我哋就用廣東話對答啦！玩完差不多係時候放工，我就執埋嘢去個廁所走人！今日都係老公來接我，仲有順手還返啲麻雀被炮哥，還麻雀嘅時候我哋好似毒品交收咁喺架車快手交收，好好笑！老公話行broadway買嘢，就過咗去泊車然後行左個幾鐘先返去，所以仲仲就叫哥哥打電話俾我哋問我哋去咗邊呀！因為德德今日病咗唔使湊佢所以趁機會行吓先！返到屋企老公就喺度整千層麵，我咪Hea吓囉難得有一日可以hea！晚飯時間佢哋又睇波，所以我都可以食完飯快啲洗好碗沖涼，再做吓電腦嘢！

張貼者： 於 沒有留言:

2022年8月31日 星期三

31/8/22

 31/8/22.     WED.    WARM

今日都係要返去上training，但其實教嘅嘢都唔關我哋個部門事，但係又要聽喎真係好晒時間！今朝早全部人一齊出動，因為佢哋兩個都要踢波，所以老公車完我返學就車佢哋去踢波！返去聽完個幾鐘嘢終於可以返大房做吓嘢，其實都係有啲嘢要去影印，不過我同事叫我一齊去咁咪一齊囉，不過四個人去做影印其實都真係幾浪費，不過呢度做嘢就係咁！返嚟之後做埋個quiz就去食飯，我都係食杯麵咋，靜靜地喺Staff Room淥完個杯麵就可以食，夠鐘返返去其實都係冇嘢做，於是就print番晒學生嗰啲時間表出嚟咁嚟緊開學就可以用啦！最後一個鐘返去禮堂，聽每一個present返佢哋今個學年與教學目標咁上下，咪又係唔關我哋事，所以過咗三點三我見佢哋仲未有平嘅趨勢，就同另一個同事正準備走啦，準時收工嗎，因為子元趕住去球場！返到屋企我好肚餓係咁要搵嘢食，之後老公車我去湊埋德仔，咁佢就去接返子元！今日得得都係病病哋，成日又話要抱又唔知佢喊定笑傻吓傻吓咁！等佢走咗我就可以煮飯啦，聽日開始試吓帶飯嘅生活，反正學校啲嘢食都唔好食，都係慳錢食屋企飯算！

張貼者： 於 沒有留言:

2022年8月30日 星期二

30/8/22

 30/8/22     TUE.    COOL

今日終於要返咁啦，七點幾起身梳洗叫醒埋老公，因為佢要車我返工，呢三日子元有波踢，所以佢請咗假湊仔，夾啱我又要返工佢就可以睇仔喇！揍咗我返工，佢就返去照顧大寶細寶，我出門口時細佬仲喊，真係好搞笑！返到學校其實仲有15分鐘先係我正式開工時間，梗係唔蝕俾佢啦，去咗個廁所先，點知去到AL1唔見有人喎，估計佢哋去哂hall，所以又要行過去！全日都係聽嘢啦，做吓prepare，返去溫做吓嘢好就好在今日午餐供應，可以食飽繼續做！我終於知道點解我一路都用唔到個printer，係因為我張卡根本未啟動，根本冇人教過我，總之平平安安又放工，老公嚟接我，返到屋企休息一陣又要出去湊德，今日條友仔好似唔多精神，唔係又病呀嘛！等佢爸爸來接走佢就叫老公起身煮晚飯，食完快手洗完碗，沖涼休息啦，聽日繼續開工！

張貼者： 於 沒有留言:

2022年8月29日 星期一

29/8/22

 29/8/22     MON.    COOL

今日係bank holiday，所以仲可以放多日假先返工。今日行程就係上Birmingham搵Ivy同Gigi，揸上去都差不多兩個鐘，加上今朝比嫲嫲個電話嘈醒咗瞓得唔好，好在唔係我揸車，但坐車我都未必會瞓，幫助睇吓路嘛！9點幾出門口，11點幾過到去，就開始不停吹水食嘢時間，幾個細路啱玩基本上玩到顛，大嗰兩個反而就打機囉！由雲吞，炸大腸開始，最終食埋打邊爐！真係有停口，玩到8點幾要走啦，因為明天要返工，再要䎪更個鐘實先返到去，沖得涼嚟都11點幾！

張貼者： 於 沒有留言:

2022年8月28日 星期日

28/8/22

 28/8/22     SUN.    WARM

今朝瞓到九點幾先起身，又要快啲煮早餐又要做清潔，因為今日Stella會過嚟我哋屋企食飯，所以要做好清潔先！食完早餐都11點，老公又要整炸大腸又要湊哥哥去踢波，所以大家都好忙碌！細佬就主力期待Stella幾時嚟，因為有兩個小朋友同佢玩！佢哋12點就過到嚟，先係吹左一輪水，我就叫公公快啲去煮飯，如果唔係就唔使食！點幾兩點終於開到飯，一路食繼續一路傾，老公快手食完就去球場接番子元，返到嚟都係繼續傾吓計囉，大人聚會都係吹水多㗎啦，五點幾佢哋先至準備走，喺門口又要再傾一輪，啲小朋友好快都玩熟咗，佢哋住咁近等佢哋執好屋再去佢哋嗰度玩啦！之後都係睇吓休息吓七點幾先至煮飯，因為開咗套生化危機可以係咁睇！聽日又要長途跋涉上伯明翰，今次到我好期待，因為可以見到Ivy啦！

張貼者： 於 沒有留言:

2022年8月27日 星期六

27/8/22

 27/8/22     SAT.    WARM

仲仲今朝五點幾係咁喺度咳，佢醒咗我，搞到我瞓唔到，唯有處理吓佢，同埋叫佢着果瞓唔到就落去廳度，如果唔係我一定瞓唔瞓！最終我都瞓到九點幾先至醒，不過就有啲趕呀！因為今日又要去中超又要去Costco入貨，所以快食完個早餐， 10點幾就出發，先去咗中超入貨，然後再去Costco，但行Costcfo嗰個時間冇好好控制，所以子元要去練波就遲咗喇，都係遲咗15分鐘啫冇辦法！揍完佢就返屋企，老公放低我哋又要過返去準備接佢，我就喺屋企不停分割肉類，真係分極都分唔完，老公返嚟幫手分割吓，因為之後我想去Broadway買嘢，嚟緊新學期我都諗住開始帶飯，可以慳啲錢，反正學校啲嘢食都唔係咁好食！風景輪佢哋就睇多，我就預備星期一去IVE度包餃子要嘅韭菜餡，之後老公就煮飯，不過煮8點幾先有行食，我又開咗套好舊嘅電影睇，而家睇返真係好諷刺，金雞2當年已經諷刺時弊，但今時今日睇又係諷刺返而家嘅香港，真係好悲哀！

張貼者： 於 沒有留言:

2022年8月26日 星期五

26/8/22

 26/8/22     FRI     COOL

話咁快暑假最後一個星期五都過埋, 其實又唔係話特別唔捨得, 返工就有返工的模式咁解, 充實好多! 今朝7點多都醒咗, 又係睇吓機咁, 8點先起身梳洗整早餐, 食完出去買咗雞肶先, 今晚子元要踢波, 所以要食簡單啲! 買完返嚟清潔咗個廁所同廚房先, 跟住又同佢地玩switch又玩到煮午餐啦, 今日食廚餘加蒸肉餅拼米線, 因為有口水雞個汁, 加落個米線到冇得頂! 下午都係hea, 又開始唔想郁, 等到夠鐘先去接德仔, 今日佢返到嚟又好嗲咁痴住唔放, 但都唔可以成日抱住囉, 攰架嘛仲要整飯食呢! 仲仲就係到彈ukulele, 佢可以將幾首歌combined埋好似人地串燒歌咁, 好勁! 最搞笑係德德聽完識講好好聽呀, 真係睇住佢終於識講嘢識溝通吓! 老公揍咗子元去踢波, 我同仲爺食飯先, 睇吓電視咁啦, 等佢地返嚟食完洗埋碗先沖涼休息!   

張貼者： 於 沒有留言:

2022年8月25日 星期四

25/8/22

 25/8/22     THU     COOL RAIN

今日一起身就落雨, 落咗一個上午, 搞到我都出唔到去買餸, 唯有睇吓電視算, 12點幾終於停雨就快手出去買埋餸返嚟煮午餐啦, 食完繼續睇電視, 同仲爺打吓機, 4點幾出去揍德仔, 返嚟咪煮飯佢食囉, 好快又一日! 等老公煮飯時就hea吓打吓機啦, 食飯時開咗套林峰版倚天睇埋下半集, 好好笑囉! 睇到9點幾先洗碗沖涼!

張貼者： 於 沒有留言:

2022年8月24日 星期三

24/8/22

 24/8/22     WED.    WARM

今朝七點多啲就醒咗，所以好早起咗身，咁多時間不如煮火腿通粉，細佬最鍾意！食完之後捉佢做咗英文功課先，然後又Hea下再做中文功課，跟住到時去睇電視，同埋整我個花膠螺頭煲雞湯，一早煲起佢，今晚可以飲！午飯食碗仔翅，不過整得有啲樣衰所以冇影相！食完午飯都係睇電視啦，之後好攰所以攤咗喺疏花唔想郁！今日德德運動日，佢爸爸同佢玩完順手揍埋佢過嚟，應該係運動會玩得太攰，唔使一陣就瞓咗， 6:00都要叫醒佢起身食飯，佢爸爸七點有多先來接佢，不過都無所謂啦佢都係睇電視，我就預備好晒啲餸等老公沖完涼可以煮，所以七點幾就有飯食！食完都係洗碗沖涼休息啦，暑假好快又完喇又要開工！

張貼者： 於 沒有留言:

2022年8月23日 星期二

23/8/22

 23/8/22     TUE.    WARM

今日瞓到八點幾先起身，食完早餐睇咗陣電視做出去買吓嘢，本來諗住買隻雞返嚟今日煲湯，但啲花膠同縲頭浸唔切，咁不如聽日先煲啦！之後都係睇電視，午餐都係食粉就算啦，下午都係睇電視，今日好似冇咩做過野，下星期要返工，不如今個星期Hea下算啦！夠鐘就去揍德，煮完飯食埋咁我又完成，等老公返嚟煮飯，然後都係睇電視洗碗沖涼瞓覺！

張貼者： 於 沒有留言:

2022年8月22日 星期一

22/8/22

 22/8/22     MON     WARM

今日回復正常啦, 琴日應該係玩得太開心, 兩點幾三點都瞓唔著, 所以今日都冇做啲咩! 起身食早餐啦, 簡單地食火腿牛油多士咋, 之後都係睇吓電視hea吓, 上網check吓email, 見到律師有email, 佢會交換合約, 我地可以選擇交收日期, 又行近咗一大步啦! 再幫老公個朋友搵吓屋, 但都係難啲, 佢個budget真係冇咩機會! 午餐食白粥咋, 清吓腸胃, 然後咪睇電視, 夠鐘就揍德仔囉, 都係日日如是架啦, 好好嘆埋今個星期啦, 下星期又返工啦! 晚上早啲食飯, 因為要睇曼聯對利記嘛!

張貼者： 於 沒有留言:

2022年8月21日 星期日

21/8/22

 21/8/22     SUN.    WARM

今日主要節目係晚上約咗33屆康傑會，本來諗住直接搭地鐵出去，但因為罷工，我哋一定要揸車，收費區又難泊車，最終決定食完午飯就揸到出去收費區外，再慢慢行入去搵地方玩！朝早九點幾先至起身，早餐食咗西多士，但都要加個麵至夠飽！然後就好努力咁搵吓Central London有咩玩，重點係盡量唔使使錢！最終我哋就行海德公園，再去大英博物館，前後行咗個幾鐘先至到，都係打卡吸收下靈氣！估唔到咁都撞到子元Konter嘅隊友，吸收完靈氣就要去飲下珍珠奶茶，又試咗間新嘢今次都冇伏到！然後行出去泰晤士河，因為想近距離睇吓倫敦眼，慢慢行出去都係20分鐘左右，近睇倫敦眼，再加埋大笨鐘，喺條橋上面睇，真係好靚！時間差不多又要行返去唐人街，約咗佢哋6:30食晚飯，四個家庭10幾人，叫咗啲嘢食每人都係試到少少，不過傾吓計吹吓水咁又幾好玩，啲小朋友好快就熟絡返，始終細個好似玩得返埋，唔知琴日嗰啲少年人，好似唔識咁！食到八點幾終於捨得行，去咗買雪糕食，嗰間係日本舖頭，所以食咗抹茶雪糕，好好味！最後玩到九點多先至捨得散，大家都要再搭地鐵，不過佢哋就返酒店我哋就返屋企！倫敦嘅tube真係好難撘，路在口邊問人哋先至知道我要搭嗰條線喺邊， 10點幾返到屋企沖涼瞓覺！

張貼者： 於 沒有留言:

2022年8月20日 星期六

20/8/22

 20/8/22.    SAT.   WARM*

今朝7點就醒咗，想瞓晏啲都唔得！起身之後老公早餐，我就覆message，睇吓central London子元個同學仔點樣過嚟，最終佢都搵到火車搭過嚟，所以唔使過去接佢！食完早餐，我就出去買地拖，老公就揍子元去練波，點知今次有球員就冇教練，呢個球會都係制唔過，所以都唔會再去！咁買完嘢返嚟我就再做多次清潔，話晒人哋喺屋企點都要乾乾淨淨，老公就做大廚一個廚房密密整，子元就要開咗個麻雀枱打住牌等人哋嚟，不過三個人打真係唔好玩！12點幾一點佢哋都差不多到喇，就開始吹水活動！不過啲小朋友變晒年青人之後好似唔係好啱玩，始終有幾年冇見係生疏啲！咁老公啲嘢食就得七七八八大家就開餐，食完我就去咁洗碗，好多嘢洗！終於搞掂晒就先影咗大合照，因為鎵樂仔佢哋有下場要早走，影完合照啲細路就打吓機，我哋大人就傾計，唔覺唔覺傾到六點多佢哋先至走！跟住我哋都係收拾吓咁啦，可能一路食住好多嘢所以都唔係好肚餓，晚飯用啲廚餘，再去超市買多幾塊漢堡扒就算啦！

張貼者： 於 沒有留言:

2022年8月19日 星期五

19/8/22

 19/8/22.    FRI.    WARM

今朝七點多就醒咗，又瞓唔番真係好慘！所以八點就起身梳洗整早餐，食完就大眾爺去broadway攞返副眼鏡，為咗唔想行咁遠，但仲仲又踩唔到咁遠單車，所以就佢踩滑板車我踩單車，順利咁過到去攞眼鏡，然後去馬莎買埋野，再踩返我哋嗰邊啲超級市場買埋聽日開party需要用嘅嘢就返屋企啦，佢哋話打機咁就打一轉party啦，但子元一輸其實又喺度發悔氣，同細佬有咩分別！打完機就煮午餐喇食完就睇電視，夠鐘就出去就德，等佢閃咗，我就摺埋啲衫！食完晚飯洗碗休息吓沖涼就自由下！

張貼者： 於 沒有留言:

2022年8月18日 星期四

18/8/22

 18/8/22     THU     HOT

為咗令時間唔好咁浪費, 所以今朝起身整完火腿通做早餐之後, 先試埋整慢煮蔬菜, 午餐時加牛肉就撈咩都得! 跟住就清潔地方, 星期六要招呼客人, 點都要乾淨啲! 跟住就要做運動跑步, 但實在係太耐冇跑, 1KM有多用咗6分幾7分鐘, 仲要好似抖唔到氣咁, 幾辛苦! 返嚟沖完涼抖吓又要煮午餐啦, 不過真係幾好食, 只係本來諗住打溶個慢煮蔬菜, 但因為個機壞咗打唔到, 唯有改方法囉! 食完睇電視, 差不多4點要提早出去接德, 因為多咗一個鐘喺屋企都唔係辦法, 所以帶咗佢去公園玩, 原來條友唔係好識玩公園, 千秋滑梯全部都唔肯玩, 所以都引咗佢一輪先肯玩滑梯算叻架啦, 但佢真係要練吓, 大小肌肉係要學架! 返去食完飯等佢爸爸嚟接佢我就收得工, 等老公煮晚飯, 食完就洗碗沖涼休息!

張貼者： 於 沒有留言:

2022年8月17日 星期三

17/8/22

 17/8/22     WED.    RAIN

今日七點幾就醒咗，所以八點多就起身梳洗整早餐，食完早餐睇埋套卡通就出去超市買啲嘢，返嚟同咗佢哋打機，打到午飯時間，咪又要去整午餐囉，都算好簡單係琴日嘅牛腩加河粉就算！食完繼續睇電視，本來諗住下晝去跑步，點知落狗屎咁，都唔使旨意出去，一直落到要接得得嘅時間都仲學緊，所以我要抱住佢行返嚟，夠晒運動！返嚟整完飯俾佢食都係繼續啊，老公返到嚟就一齊快快手手整好晚餐開飯，食完飯係最眼瞓，攤到咁上下先去洗碗沖涼，食返支雪條又係時候休息！

張貼者： 於 沒有留言:

2022年8月16日 星期二

16/8/22

 16/8/22     TUE     HOT RAIN

今朝瞓到8點幾先起身, 整完早餐食, 又係時候hea, 都唔知有咩做, 就整定蘿蔔牛腩, 12點多又要去整午餐, 一日就喺個廚房整呢樣整嗰樣, 食完本來係睇模範的士, 咁啱Joey同Joyce佢地打嚟視像, 所以都唔睇住啦反正今晚可以再睇! 都同佢地傾咗個幾鐘呀, 咩都講吓啦, 難得興起傾電話嘛! 吹到3點多才收線, 咪又係繼續再睇電視, 同埋聽番個miss call, 初頭以為係老公個朋友租屋的agent打來有回音, 點知都唔係, 反而係仲爺攞眼鏡去整嗰到, 但我完全聽唔明個留言講咩, 唯有直接打去, 佢都問唔番係咩事, 但總之叫我照正常星期五去攞就得! 老公4點幾就返到, 車我去接埋德佢就送子元去練波, 點知去到又唔見人, 等到教練到先話今日冇人嚟練唔到, 真係唔知咩玩法! 所以咪返嚟一齊食飯睇電視囉! 晚上又找找路, 因為鐵路罷工嘛, 星期日晚去central london約咗康傑33屆的朋友仔, 都要諗吓點過去! 

張貼者： 於 沒有留言:

2022年8月15日 星期一

15/8/22

 15/8/22     MON     HOT

又到星期一啦, 今日7點幾就醒咗, hea到八點起身整早餐食完就開始hea, 上網做咗陣嘢就出去買啲餸, 因為對住仲爺就火起, 叫佢做中文同英文隻手粒蚊咬就痕, 打機就冇事! 買埋明天整牛腩嗰啲料, 返嚟就要煮午餐, 用之個鴨腿湯嚟整烏冬, 冇得輸! 食完都係無所事事, 等夠鐘去揍德! 晚飯後咪沖涼休息!

張貼者： 於 沒有留言:

2022年8月14日 星期日

14/8/22

 14/8/22.    SUN.    HOT

今日都仲係好熱，我瞓到八點未夠就比仲仲啲咳聲，但佢日頭有冇咳個喎都唔知想點，你生命中早餐食，仲夜俾蚊咬咗隻手，又腫哂真係好麻煩，食咗敏感藥好啲但都仲係好痕，陰公！睇埋卡通，我出去超市買埋嘢返嚟，就打咗30回合嘅party，最終我同仲仲贏到，阿哥咪又係勁唔like，平時成日都係佢贏佢梗係唔知啦！其他都係焗咗Pizza嚟食就算，哥哥三點鐘出門口要去練波，我就吸塵抹地，仲仲就喺度百無聊賴！晚飯很耐有靚靚叉燒，但係老公唔記得咗睇火搞到你哋燶咗！

張貼者： 於 沒有留言:

2022年8月13日 星期六

13/8/22

 13/8/22     SAT     VERY HOT

今朝9點幾先起身, 冇咩特別嘢要做, 整早餐食完, 老公就預備今晚隻鴨, 所以我出去買埋啲配料返嚟整, 跟住1點多要出門口, 因為子元要練波, 去到又話個仔唔搵清楚喺邊, 總之有啲嘢唔洗嗌交囉, 係都要激我! 之後又好似冇事發生咁! 去附近泊好車諗住搵嘢食, 撞正有street food, 就去食嗰啲啦! 又熱狗又椰青又西瓜汁, 仲有西班牙炒飯同泰國豬手, 正! 食完返去接子元, 先返屋企抖抖再去龍鳳買嘢, 再去攞埋free 番嚟個tray! 返到嚟都係睇波等食飯沖涼瞓覺, 今日仲熱, 快啲落雨啦!

張貼者： 於 沒有留言:

2022年8月12日 星期五

12/8/22

 12/8/22     FRI     VERY HOT

今朝要同仲仲去整眼鏡, 所以食完早餐都出門口啦, 因為又要行出去又天氣熱喎, 所以都係早啲出去好! 原來個眼鏡冇得整要成個換, 重點係唔洗錢, 下星期有得攞! 去broadway行吓買埋啲洗面奶等等就回程, 返到嚟基本上又要煮午餐啦, 買咗牛油果咁就整三文治, 但都知唔夠食, 所以整埋粉粉! 食完都係睇電視啦, 老公放半日返嚟等見工, 我就攰到喺梳化瞓咗差啲唔記得揍德, 今日佢都係好好啦, 冇咩特別! 之後都係等老公煮飯食, 沖涼休息! 今日開始真係熱啦, 真係唔想郁!

張貼者： 於 沒有留言:

2022年8月11日 星期四

11/8/22

 11/8/22     THU     HOT

玩咗兩日冇力啦, 琴晚仲爺又咳到嘔我都冇力理, 佢都好叻仔架啦自己盡咗力衝落去廁所嘔, 好在老公呢啲時候又識去幫手處理佢喎, 仲叫咗仲仲落樓下瞓有咩都去得切廁所! 今朝佢又好好多, 但都比咗化痰粉佢食! 食完早餐子元話打switch, 就打一轉啦, 不過仲爺都係一輸就發顛咁真係好煩! 到咁上吓時間要整午餐, 清吓腸胃食粥啦, 再加個麵或米粉, 下午都係睇吓電視hea吓啦, 真係好hea! 夠鐘去接德, 返嚟咪玩吓食埋飯, 老公回來就同佢處理埋個車保, 嚟緊樣樣都係錢, 加油呀! 晚飯睇咗兩集模範的士, 所以9點幾先洗碗沖涼, 之後仲要交埋嗰半年租, 交咁多錢好緊張!

張貼者： 於 沒有留言:

2022年8月10日 星期三

10/8/22

 10/8/22     WED     HOT

進入四字頭之後的生日, 都可以繼續精彩! 今日節目的安排得好豐富, 但因為琴晚太夜瞓, 所以今朝8點幾鬧鐘響先醒, 梳洗整好早餐食完老公要去買蛋糕, 我就去買冰, 因為嚟緊又話有heat wave, 都係做好準備好啲! 差不多10點半先出到門口, 要一個鐘頭車先去到Achiney嗰到, 仲要喺附近泊好車叉電, 行過去佢屋企, 坐到1點先出發去食午餐, 仲仲最開心就係有狗仔比佢玩! 因為分咗兩架車去食嘢嗰到, 佢地又行錯咗地方喎, 所以幾經辛苦先嚟到餐廳, 趕得切喺截單前叫到嘢食, 韓國嘢又幾好食喎! 食完就行咗溫莎堡外圍, 因為今日係冇開, 但係影外圍都已經好靚啦! 最後行咗去河邊睇吓船餵吓天鵝咁再飲埋珍珠奶茶, 幾好呀! 差不多5點要散啦, 渣得車返去抖抖再出發, book咗7點去食自助餐, 喺Wembly嗰到, 但堅唔掂囉, 好在我免費咋! 食完返嚟同個蛋糕影埋相先沖涼, 今日好攰啦, 又食咗好多, 要休息!

張貼者： 於 沒有留言:

2022年8月9日 星期二

9/8/22

 9/8/22     TUE     HOT

今朝8點多起身, 食完早餐冇咩特別嘢做, 就同仲爺做吓英文同中文練習, 然後老公whatsapps嚟話今日會去嗰個地方叫Swindon, 叫我睇吓有咩地方行, 但原來嗰到都真係冇咩行, 所以都係bookmark咗個outlet, 食完午餐睇吓電視, 老公回來就出發, 都要個半鐘車先得, 老公可能未食嘢所以係咁要打醒自己先掂, 真係好大壓力! 第一站去咗行B&Q, 攞吓靈感, 不過先喺對面買啲包食咗先再行, 都攞到啲諗法! 然後就去outlet, 人少少咁都幾好行, 佢地仲買到嘢添! 然後就去餐廳, 約咗Konter隊友食飯, 泰國餐廳都算不過不失, 但我都係掛住香港嗰間泰國嘢呀! 食完哂老公竟然有驚喜比我, 佢托隊友爸爸拪搵人整咗tiramisu比我, 襯我去完toliet攞出嚟, 蛋糕好好味呀! 每年生日佢總有啲小心思比我架, 真係sweet的! 食完飯去埋佢地屋企玩到11點幾先回家, 所以返到嚟已經1點啦, 實在係太夜, 明天還有行程, 快啲瞓!

張貼者： 於 沒有留言:

2022年8月8日 星期一

8/8/22

 8/8/22.    MON.    HOT*

今朝7點幾就醒咗，咁就睇吓機囉，然後咪煮早餐，10點多出去寄埋去律師樓份文件，已經用可以追蹤同簽收，明天就會到！跟住就返屋企啦，開始無所事事，準備整午餐啦，今日食粥同雲吞麵，食完睇埋模範的士就要幫老公搵番隻Robi出嚟，搵哂全部箱咁滯！夠鐘又要出去揍德，返嚟煮飯比佢食埋，今日條友仔多多要求，成日要抱！飯後都係洗碗沖涼休息！

張貼者： 於 沒有留言:

2022年8月7日 星期日

7/8/22

 7/8/22.    SUN.    HOT

今日梗係要瞓到自然醒啦，不過我都係九點左右就醒咗， Hea到咁上下忍唔住要食啲嘢先，因為老公叫極都唔肯起身出門口，屋企啲蛋同肉都冇晒啦要去Costco入貨，我哋三個都等唔切佢要食咗嘢先去到Costco先再食熱狗，然後就買嘢！買完返到嚟又要分貨，老公就洗車，仲仲就喺度幫佢手洗車，分好晒啲肉冰好晒，我就再出超市入啲貨，返到嚟仲要出抹地同埋摺衫，又可以做到隻嘢咁！佢哋就打機同瞓覺，公平咩！ ！ ！叫老公煮飯叫咗半個鐘佢先至肯起身，終於有飯食，就開返星期五嗰集嘅模範的士出嚟睇！食完飯都去洗碗沖涼休息啦！

張貼者： 於 沒有留言:

2022年8月6日 星期六

6/8/22

 6/8/22     SAT.    WARM

第二日旅程，首先就要處理大家一早起身梳洗食早餐，又係十個人輪流廁所，舅母仔佢哋仲整埋早餐，老公都有貢獻下，就係沖奶茶！食飽又係吹一輪水又要影吓相咁最終差不多9:30先至離開到，先要去搵地方入油，然後直接去Hastings同Keith佢哋會合，首先佢哋又去打水漂，乜真係咁好玩咩，不過我都執咗舊石頭做手信！然後就行過去搭登山纜車，不過過搭之前去咗食咗海鮮杯，今次呢間都幾好食，等大家食飽就去搭登山纜車，我哋13個人基本上包車㗎啦，上去嘅風景真係好靚，有海有天啲屋仔仲變到好似Lego咁真係好得意，上到去影咗一輪相，然之後喺草地比佢哋狂奔左一輪，又要預備搭返車落山！跟住就去搭蒸氣小火車，£10可以五個人搭其實都可以啦，玩完小火車就玩高卡車，仲仲話佢都要自己揸一架，不過一開車佢就撞咗埋駁，好彩之後都揸得幾好，最後入埋去機動遊樂場，玩咗轉轉過山車，仲仲話一啲都唔驚喎，我就睇吓就夠啦！終於肯嚟開個遊樂場，係時候去食嘢，是否選咗一間似乎係飲酒合適過食嘢嘅地方，最終等咗好耐啲嘢食先來齊晒，啲青少年全部都瞓晒覺！行埋嗰條景點之一嘅街道，買咗啲糖果，跟住就行去買珍珠奶茶！沿途見到封路準備巡遊，就決定買完珍珠奶茶返嚟睇巡遊，第一次睇英式巡遊，雖然好Hea，但都幾得意！之後炮哥其實話佢攰，但係我都唔知有咩行程可以輕鬆啲，最終行咗去碼頭嗰邊，發現要比入場費先可以再行入去，就放棄咗，行返去觀光嗰條街食晚餐！食咗豐富海鮮晚餐都已經八點幾，係時候回程啦，因為要揸兩個鐘頭車先返到去，好在天黑之前趕得切上到公路，咁都安全啲！ 10點幾返到嚟馬上執嘢沖涼休息，玩咗兩日又要時間回下氣！

張貼者： 於 沒有留言:

2022年8月5日 星期五

5/8/22

 5/8/22     FRI.    WARM

旅行終於可以順利開始，因為遲咗少少起身，所以冇出到去餐廳食早餐，只係求其買咗麵包咖啡就算，兩個幾鐘頭嘅車程， 11點我哋就到咗停車場，不過炮哥佢地仲要去睇薰衣草，所以似我哋半個鐘先到，咁我哋喺商場行咗陣，然後走出海邊等佢哋，第一站首先去搵海鮮杯嚟食，我哋又食咗好多款海鮮啦，雖然全部都係細細杯不過都幾特別，之後就去石灘片石仔，佢哋真係玩極都唔厭，片左一輪終於肯行啦！先完成海邊嘅旅程，所以就去買Brighton嘅碼頭，不過個碼頭全部都係遊樂設施，但可以影吓相，影吓一望無際嘅海岸，都係心曠神怡！點都要貨金玩少少遊戲㗎啦，咁啲細路就最開心！終於可以行去內街搵嘢食，是否滿心歡喜去試嗰間棋哥茶餐廳，點知都係伏伏地，我哋等唔切啲湯麵伏，因為要等半個鐘，嗰時已經兩點幾我實在太肚餓，所以叫咗粉麵飯就快手好多有得食，同埋味道都唔太差，然後嘅路程我哋都係食，不過就去咗食雪糕同埋飲珍珠奶茶，雪糕就到我哋伏咗，但仲仲話要去結他鋪，因為佢要買咗條M線。最後去行吓先好復古嘢嘅街，街買咗啲手信比舅父仔，差不多時間要起程，因為仲要去睇七姊妹涯，差不多要爭一個鐘頭車先到，雖然冇去正宗嗰個七姊妹涯，但喺呢個位睇都好壯觀，而且行少好多路，不過佢哋影相時期到好出真係好得人驚！再查多半個鐘頭車，終於去到舅父仔屋企，佢哋已經差不多煮好飯迎接我哋，一路食一路傾吓計咁，時間過得好快，仲要八個人輪流沖涼，又吹吓水咁，差不多點幾鐘先至瞓！

張貼者： 於 沒有留言:

2022年8月4日 星期四

4/8/22

 4/8/22.    THU.    WARM

今朝八點左右就醒咗，今早起身做早餐，睇埋Lego Master就開始Scan啲文件俾律師睇，如果冇問題下星期就可以寄俾佢，跟住都係睇吓Running Man同埋準備煮午餐啦，本來諗住睇埋模範的士就出去買下野，點知老公send message話足球教練叫子元星期六可以去同一啲半職業球隊training，本身個message話係下星期六，其實冇問題，當我教佢覆完之後，就收到個資料係今個星期六同下個星期六，佢竟然話星期六朝佢同子元揸車返上嚟，然後我同仲仲繼續玩，咁完全唔合邏輯囉，我直程係1秒即著，喺個message度我都好火滾咁覆佢話叫佢收線同埋講啲悔氣說話，然後開始失控咁喊啦，喊到返咗上房繼續喊，都仲未攞杯水上嚟俾我之後先叫做好啲，冷靜咗少少之後，我就打咗俾Loletta，話想講旅行都同佢哋一齊去都要俾佢哋知個情況，佢同炮哥商量之後其實都打返俾我，最終我都選擇咗自己同佢講，唔好麻煩到人哋，我用咗一個好絕嘅方法，反正我冇問教練呀嘛，我就用英文打咗同教練講13號可以出席但係6號我哋our of town，變相即係擺到明6號係唔去㗎喇，咁仲唔係解決咗，某程度上大家都唔算嗌交之下解決咗個問題，都算係好事，不過就搞到我喊咗一大餐！四點幾出去買埋野就湊德返嚟，佢病咗兩日，但睇落冇乜嘢，照樣食同玩，冇咩問題！六點幾老公仲要返嚟，收拾好個車尾箱，搬埋舅父仔啲行李上車先，咁聽日將我哋啲行李放埋上車就可以。

張貼者： 於 沒有留言:

2022年8月3日 星期三

3/8/22

3 /8/22.    WED.    HOT

原來今日係我哋過嚟英國一周年，話咁快就一年，咩都適應啦！今日冇咩特別，瞓到八點幾起身食早餐，掛住睇電視都唔記得同細佬做英文同埋中文功課，唯有下午再補返啦！中午簡單地食Pizza就算，睇埋套劇集就出門口，因為要攞份文件俾agent幫我簽野，最終決定踩單車過去，因為巴士要搭40分鐘，踩單車要25分鐘，睇嚟都係要做下運動，順利踩到過去簽好咗就返嚟，咁樣就做咗50分鐘運動，都幾攰下！今日德德都仲未病好又唔使湊佢，咁就同細佬做好中英數做功課，晚飯都係同老公一人煮一啲，仲有就要處理下啲文件，明天Scan埋比律師睇冇問題就可以寄啦！

張貼者： 於 沒有留言:

2022年8月2日 星期二

2/8/22

 2/8/22     TUE     HOT

今日帶咗仲仲出去IKEA行, 因為佢之前一路都話想去, 但星期六日成日都唔啱時間去, 見今日有時間就帶佢去囉, 只係要行去broadway撘巴士遠啲啦, 其實應該可以巴士轉巴士, 但其實都係要行, 咁不如就同佢一齊行啦, 閒日去到IKEA行人少少幾好, 又可以攞吓靈感, 最後買埋香味candle同肉丸呀等等, 回程前仲仲話要食麥當勞, 佢好掛住魚柳包喎, 咁就比佢食囉, 我自己就叫咗burger咋夠平嘛! 返去之前買埋餸, 今日又唔洗揍德, 佢阿爸話佢發燒喎! 咁咪輕鬆一日囉! 返到屋企都係打吓機食吓嘢啦, 真係好hea! 老公回來煮晚飯, 諗唔到食咩就食肉醬意粉囉! 

張貼者： 於 沒有留言:

2022年8月1日 星期一

1/8/22

 1/8/22     MON     HOT

 今日都係有啲宅啦, 係揍德嗰時先出去咋! 朝早瞓到8點幾呀, 但因為有發夢都係瞓得唔好架, 整早餐食完就等10點有人嚟幫我剪頭髮, 剪完到Letty剪, 佢打完網球過來嘛, 咁就可以慳番啲交通費, 其實都係剪得一般啦, 我但求剪短咗就算! 剪完要吸番乾淨個地, 另類體驗! 等佢地走咗, 開電腦做吓嘢啦, 跟住就係要整午餐, 求奇地整番之前蕃茄薯仔湯啲薯仔食就算啦! 然後都係追吓劇, 仲仲又要我同佢打吓機咁囉, 夠鐘就出去揍德, 返嚟佢兩個又鬥顛啦, 而家仲仲做咩佢就做咩, 好好笑! 食完飯都係沖涼休息, 仲有等老公換咗printer啲墨就print埋要簽的文件, 其實都冇咩好做架啦, 要明的都明, 唔明的其實都冇咩可以做! 信啦......吸引力法則, 你信一切順利就會順利! 晚上有仲爺的按摩服務, 睇吓佢幾時玩到悶就冇架啦!

張貼者： 於 沒有留言:

2022年7月31日 星期日

31/7/22

 31/7/22     SUN.    HOT

今朝8點幾就起身啦，因為買咗飛10點半睇雷神，為免自己睇唔明，都係劇透咗先穩陣，去到又要買popcorn 咁，入到場仲要睇一輪廣告預告咁，又唔會睇唔切開頭，其實大致上都睇明哂，可能劇透咗又好啲！睇完就落樓下food court 食嘢順手打埋比阿媽傾咗陣。去幫阿哥買埋波褲同波鞋就回程，因為子元要練波，仲仲又一齊去，咁我可以專心做家務，仲有要去買餸呢，做好哂一休息嗰吓佢地就返，等老公煮晚餐，係窩蛋牛肉飯呢，但我覺得一般好味。

張貼者： 於 沒有留言:

2022年7月30日 星期六

30/7/22

 30/7/22     SAT     WARM

今朝約咗10點去睇新嗰間屋, 因為想再睇清楚啲, 難得個agent咁快安排到就去睇埋先囉, 主力都係老公睇架啦, 我都係幫吓眼咁解啫, 最後睇埋花園嗰邊, 總之諗好有咩再問律師啦! 11點幾返去接埋子元再去補習, 我地喺附近食埋午餐就去轉窮人四寶行吓, 都有啲收穫! 接番子元我地就返屋企, Daddy就帶佢去踢波, 我同仲爺喺屋企都係無所事事, 不過我就叫做完成咗下星期旅行個plan啦, send埋比炮哥佢地, 晚飯等老公回來煮卡邦尼意粉, 明天一早又去睇雷神, 早啲瞓!

張貼者： 於 沒有留言:

2022年7月29日 星期五

29/7/22

 29/7/22.    FRI.    WARM+

今日瞓到八點就起身，要整吞拿魚包做早餐嗎，琴日買咗日本麵包，真係令人好懷念嘅味道，以前都唔係咁鍾意食麵包做早餐，但間中食返啲咁有港式味道嘅麵包真係幾好！食完都係睇吓電視開電腦做吓嘢，律師話可以直接約地產鋪睇吓可唔可以去檢查下間屋，人哋真係好快覆喎，仲約咗聽日即刻去睇！午飯簡單地食咗肉片河就算啦，然後都係上下網睇吓資料，仲有就係搵吓下星期五南下旅行有啲咩景點，咁又一日啦！今日德仔好好笑，爸爸來接佢嘅時候，佢跟住仲仲跑咗出去，行咗一個街口，平時鐘鐘就會自己返嚟，佢就跟爸爸繼續行，點知今日佢唔肯跟爸爸行要跟重重返嚟，真係好好笑之後佢爸爸要夾硬抱佢走，佢仲喊到拆天咁！晚飯後沖完涼我又有按摩服務啦，呢個role play遊戲幾好我幾鍾意！

張貼者： 於 沒有留言:

2022年7月28日 星期四

28/7/22

 28/7/22     THU     COOL

今朝都係瞓到8點多起身啦, 整咗簡單早餐食咋, 然後就開始再睇吓電郵, 再研究吓律師覆咗咩咁啦, 11點Broker打嚟問埋啲問題買埋保險, 我就踩單車出去日本鋪買麵包, 除咗買咗4個散裝外仲買咗袋軟綿綿的方包, 聽日就可以用嚟做早餐啦! 跟住再去超市買埋午餐同晚餐的材料就返屋企, 今日午餐食粥同炒麵, 仲仲都話好好味! 之後都係好努力咁睇文件啦, 仲仲就好努力咁打機, 不過佢都有做睇書同數學! 夠鐘就出去揍德德, 返嚟之後佢地又玩到顛哂! 我就煮飯比德仔食, 老公就負貴晚餐啦! 不過今日有個唔好的消息, 就係Mirror演唱會發生意外, 有dancer比高空掉下的mon掟中, 都好大件事, 基本上網上瘋傳, 希望個人冇事啦! 晚上仲仲又幫我做VIP按摩, 真係好搞笑, 佢整哂啲道具, 玩得好認真!

張貼者： 於 沒有留言:

2022年7月27日 星期三

27/7/22

 27/7/22     WED.    COOL

今日繼續無聊地過日子！8點多起身整早餐，今日整火腿通心粉，仲仲話想食嘛！然後都係係咁睇電視，真係好嘥時間，不過又唔知做咩好，不過都有重重重溫下中文啊英文啊數學啊，都叫做有做過下野，午飯好求其整咗Pizza同煮麵就算！然後繼續睇電視，今日仲仲要學結他，湊咗佢出去之後，等佢放學時，喺音樂店門口見到有一間香港人，同佢哋傾咗一陣交換咗聯絡咁啦！返到屋企就整晚餐比德食，仲爺就同佢放電，然後老左返到屋公就煮晚餐，一日又差不多完啦！

張貼者： 於 沒有留言:

2022年7月26日 星期二

26/7/22

 26/7/22      TUE.    COOL

今日瞓到八點幾先至醒，佢哋仲衰唔叫都唔起身，子元瞓到九點幾添！食完早餐冇咩做，就開電視嚟睇吓等我暑假生活應該係咁嘅，不過仲唔中都要跟時間表做吓中英數，如果唔係放完個暑假咩都唔記得晒！中午出去買材料煮午餐，食完繼續睇電視，真係好頹廢嘅生活，仲仲有係咁叫我玩天天玩樂園，臨尾仲要激親我！出去湊左德德返嚟，整埋野比佢食，佢同仲仲兩個就玩到癲咗咁，晚餐食炸髀飯，因為食完就出去Ealing broadway嗰邊草地有個音樂節，不過見佢係好低嘅音樂節，我覺得有啲悶，但仲仲就睇得好開心！

張貼者： 於 沒有留言:

2022年7月25日 星期一

25/7/22

 25/7/22     MON.    COOL

今日8:00先至起身，因為10點要去GP做檢查，所以起身整完早餐食，摺埋啲衫就差不多出門口！最終選擇踩單車過去，其實都唔係第一次做子宮頸檢查，不過就第一次喺英國做，相對地比香港嘅溫柔喎，基本上一去到就上房問D問題然後就做全程都唔使15分鐘完成，搞掂就走得，咁就去咗超市買下野，返屋企放低咗再落去Waiko買遮住後院雜物嗰塊帆布，然後返嚟叫大寶細寶一齊幫手執好咗個後院，換番塊新嘅帆布！整完都已經12點幾，又要煮午餐啦，都係將琴日用剩嘅物資整埋炒意粉同埋靸菜比佢哋食，然後打電話俾婆婆同嫲嫲傾吓電話，跟住就睇吓電視休息吓，差不多時間就落去湊得得，然後就煮晚餐俾佢食，上次空完佢之後，他出食嘢都乖咗好多！老公返嚟就煮晚餐啦，然後都係咁樣過！

張貼者： 於 沒有留言:

2022年7月24日 星期日

24/7/22

 24/7/22     SUN     HOT

今日plan咗去沙灘玩, 或者應該叫做湖灘, 總之就有得玩水玩沙啦, 約埋張家一齊玩, 因為子元3點幾要踢波, 所以一早就去, 都係好事嚟, 因為早啲去冇咁多人呀! 個湖灘真係好靚, 正宗湖光山色! set好嘢啲細就出去玩啦, 得Letty冇落水, 大人就吹吓水啦, 其實個場都幾好玩, 仲爺最開心, 又有玩水設施同遊樂場, 玩到12點幾開始收拾走啦, 仲喺花田個位同仲爺影吓相咁啦, 然後就去咗事頭想去嗰間餐廳食, 性價比高呀, 因為叫主菜又可以自助沙律吧, 汽水又可以refill, 仲要好好食喎! 食完返屋企先, 然後到子元去踢波, 我返嚟洗番啲衫呀, 做埋清潔等等, 5點幾出去攞埋個龍門, 因為見有人free出嚟嘛! 老公去球場接番子元, 我就開始send吓email問律師, 點都要開始做架啦! 佢地返嚟沖哂涼, 8點幾先食晚餐, 因為午餐太飽啦! 

張貼者： 於 沒有留言:

2022年7月23日 星期六

23/7/22

 23/7/22     SAT     WARM

今朝7點幾就醒咗, 咁hea到8點幾起身煮早餐, 食完諗住出去龍鳳買嘢, 點知叫極都未出得門口, 叫子元執嘢又執極都唔明咁, 佢話原來唔知我地要去龍鳳, 咁你成日係喺房梗係咩都唔知啦! 終於出到門口去買嘢, 都算買到應該要買架啦, 仲買咗料包餃子! 揍咗哥哥去補習就返屋企, 執貨時要放麵嘛, 諗住叫老公上番實廚房個層架, 點知仲倒塌咗, 但因為趕住要出去接子元, 整唔切要等佢地踢完波返嚟先整, 咁我順手執吓啲嘢換吓位唔好放咁多喺個架囉! 跟住掛住睇電視因為明珠930做明日之後, 正! 都有做吓嘢, 摺咗衫整料包餃子, 等老公回來7點幾, 仲要佢沖埋涼先整牛扒, 所以都8點幾先有得食, 之後又要執明天去沙灘啲嘢, 仲爺最開心啦, 話想去沙灘就有得去!

張貼者： 於 沒有留言:

2022年7月22日 星期五

22/7/22

 22/7/22      FRI.    WARM

今日嘅主要任務都係睇文件啦，所以基本上係冇出過街！朝早六點幾就比街外面嘅聲嘈醒咗，都唔瞓唔番！所以睇幾睇到七點幾八點就起身啦，整咗早餐食完，仲仲話佢想玩紋身，就同佢用筆劃上去，佢損咗啲圖畫俾我畫，我覺得自己都畫得幾靚！之後就開始睇文件，但因為上網係咁斷線，我Google Translate唔到，所以都唔係睇得好快，加上其實真係好難明，睇完都好似冇睇過咁，唯有繼續努力！11點幾去煮個午餐先，因為子元約咗同學出去玩，佢一點就出門口，咁食埋午飯先走呀嘛！下午都開始放慢速度，又要睇埋I swim大結局呢！之後都係安排吓今晚出去Web，因為要早啲送德仔走，又要去接埋事頭，然後去籃球場會合，再一齊去食日本嘢！呢間日本嘢真係好有水準，果然一分錢一分貨！傾緊暑假去邊，見到其中一個地點係Brighton，舅父仔咪喺嗰頭囉，佢哋講開話酒店好貴，我又好無謂咁話舅父嗰度有兩間房喎，我哋如果去住咪可以慳返酒店錢，咁就即刻WhatsApp問吓啦，最終就定實咗8月5號落Brighton 玩！

張貼者： 於 沒有留言:

2022年7月21日 星期四

21/7/22

 21/7/22     THU     WARM

今日子元仲要返學, 所以都係要較鬧鐘叫佢起身, 廢事最後一日先遲到! 跟住差不多我都起身啦, 食完早餐就同仲爺一齊睇番I SWIM, 咁今日到電視播時就可以直接睇, 邊睇邊摺埋衫, 然後就要開始睇吓文件, 不停google translate啦, 睇吓停吓咁其實睇咗好多又唔係, 明天繼續啦! 等子元放學返嚟就煮埋午餐一齊食, 然後都係睇吓電視又睇吓文件啦, 4點幾出去買啲餸再接埋德仔回來, 今日比我喝完食飯咪乖乖地囉! 晚飯後都係咁啦, 放假日子就係留喺屋企多, 反正都冇咩地方好去!

張貼者： 於 沒有留言:

2022年7月20日 星期三

20/7/22

 20/7/22      WED     WARM

今日開始放暑假啦, 不過都係要一早起身, 因為兩個仲要返學, 只係可以行路揍仲仲返學咁解, 今日仲有summer concert, 都係睇佢地唱歌跳舞, 我地啲家長係到傾偈吹水囉, 不過都表演到11點多, 去超市買咗啲菜咁就返屋企, 抖一陣就煮午餐自己食啦, 因為1:30又要去揍仲仲放學, 比佢去公園玩到3點先走, 反正返屋企都冇咩做就由得佢玩啦! 返屋企後見子元仲未返番學校, 諗住佢都趕唔切去練波, 但原來話今日又應該唔洗練, 其實都好因為要去到倫敦嗰邊仲要轉三程地鐵, 我自己都冇信心何妨佢自己去, 不過老公又係到話子元啲態度喎, 其實佢都要明個仔而家開始唔鍾意佢, 覺得佢自己又做唔到又要人做, 冇說服力! 佢自己都要留意吓! 揍仲仲去結他後又要揍埋德仔, 今日條友仔都係唔多食飯, 梗係啦個鼻都透唔到氣要用個口點食嘢呀! 老公返咗嚟我仲有啲嬲佢對子元的態度, 所以我都西佢面架, 西咗先再算! 

張貼者： 於 沒有留言:

2022年7月19日 星期二

19/7/22

 19/7/22    TUE.    SUPER HOT

返埋今日終於真係可以放假啦！朝早湊左仲早返去我就返學校，但其實今日都冇咩做，完全係等時間過喎，放飯嘅時候我去咗日本譜買壽司同便當，仲有今晚整冷麵嘅材料，原來喺學校踩過去又唔算好遠喎，只係好曬！買完返去食完午飯基本上大家就開始吹水，因為得返我哋四個女士，所以就傾咗兩個鐘頭計，夠鐘就放工，之前仲影返張相交換埋電話，做咗咁耐嘢大家都冇彼此嘅電話真係搞笑！去學校接完重重就馬上返屋企啦，因為真係好熱，老公公司仲好笑，因為係咁跳fuse做唔到嘢，所以提早比佢哋放工！休息緊嘅時候，阿哥打嚟話想借Wi-Fi用，梗係冇問題啦咪俾佢照入嚟囉反正我都開晒門，然後我哋仲出咗去買材料整冷麵然後抽埋德，好心諗住整冷麵彼得仔食，點知佢又唔係好鍾意，唔理咁多啦焗佢食晒佢就算！等佢哋走咗我就開始整晚餐，原來整冷麵好麻煩，所有材料都要變成絲，然後啲面淥熟咗之後又要用冰整凍佢，費事失事，間中食一次算喇！

張貼者： 於 沒有留言:

2022年7月18日 星期一

18/7/22

 18/7/22     MON     VERY HOT

 今朝其實真係唔算好熱, 但到咗下午就真係頂唔順啦! 今日冇學生冇咩做, 所謂的training其實都係做吓啲無謂嘢, 邊有人得閒train我地, 咁做文件嘢對我嚟講都係easy job, 只要知道咗點做就得! 到午飯時候, 就出咗去一齊買嘢食, 但都係去油站買, 好貴呀! 明天都係去買飯團算! 下午其實我得番好少要做, 所以跟佢地吹吓水咁, 話咁快就走得, 快啲接埋仲仲返屋企, 好熱呀! 入到屋涼好多喎, 真奇怪! 可以抖夠先去揍德, 直情叫埋老公返嚟車我地去接佢算, 我完全唔想行! 返嚟之後就照煮嘢比佢食啦, 等佢地嚟接咗佢就睇吓電郵, 但律師send嚟的我完全睇唔明, 要啲時間消化, 好在嚟緊放暑假有時間去做! 晚飯後就算食哂西瓜都熱, 捱多日就涼番架啦!

張貼者： 於 沒有留言:

2022年7月17日 星期日

17/7/22

 17/7/22     SUN     HOT

今日本來諗住去龍鳳買嘢, 但因為起身食得早餐嚟都差不多11點, 然後又有金像獎睇, 所以都係唔去啦, 出去買嘢返嚟食就算, 老公睇完哂先去球場, 所以子元就自己撘巴士過球場, 練到6點幾返嚟, 我就做家務啦, 吸塵抺地摺埋衫, 預備吓晚餐啲餸等老公煮! 邊食邊睇埋I SWIM, 已經追貼咗要等下星期先有得睇! 洗碗沖埋涼差不多又要休息, 因為明天係繼續要返工, 返多兩日咁啦!

張貼者： 於 沒有留言:

2022年7月16日 星期六

16/7/22

 16/7/22.    SAT.    HOT

最好都係可以瞓到自然醒，起身等老公煮早餐食完，就出去Costco 買嘢，主要買啲消暑嘢，西瓜等等，再揍子元去補習，去咗食日本嘢後又要去broadway攞個磅去退番，再返屋放低啲貨，老公又要返去接子元，然後去練波，因為要帶埋仲仲出去，但佢又未換衫，所以唯有再返嚟接佢，佢哋出晒去我就開始將買返嚟嘅嘢放好，跟住又同家寶講咗成個鐘頭電話，佢話佢家姐都會過嚟，所以佢諗緊係咪都一齊！傾完電話就出去超市買冰，星期一已有月浪，整定個冷風機嘛，咁就梗係要冰啦！六點幾佢哋先返到嚟，晚飯整魚香茄子同埋煲咗花膠雞湯，魚香茄子始終都係要炸先至好味！食飯時睇i swim，結果睇到10:00先洗碗！

張貼者： 於 沒有留言:

2022年7月15日 星期五

15/7/22

 15/7/22     FRI     HOT

今日係最後的學生返學日, 下星期兩日都係返去做training, 好在仲爺佢地繼續要返學, 咁就唔怕冇人揍住佢! 揍咗仲仲返學, 我返到去攞齊嘢等咗陣Bella就返, 頭兩堂都要上, 但又係只係睇戲, 完全無聊啦, 第二堂PE仲好笑, 因為個老師要去草地幫手收帳篷, 就帶哂啲學生過去由後佢地hea就算! 小息後又要排隊去sport hall頒豬肉獎, 最後就返課室開大食會, 好地道咁全部都係啲薯片cup cake咁! 我初頭都唔敢食, 只係幫手set吓嘢, 係班主任叫我一齊食我先敢食咋, 仲攞咗啲返去比仲仲佢食添! 差不多12點散水架啦, Bella攞住盆花出嚟, 原來係送比我架, 嗰吓真係諗唔到, 佢係多謝我呢幾個月照顧仲送定張生日卡比我, 佢記得我8月生日呢! 老實講真係超感動, 一個自閉症小朋友對你信任, 肯同你傾偈, 仲會送禮物多謝你, 呢種滿足感真係從未試過呢, 錢都買唔到! 所以攞住盆花返AL1時有少少曬吓命咁啦, 再放埋上FB! 12:45到職員們去front garden食午餐聚會, 頒吓禮比要走的老師啦, 我呢啲日常對話就聽得六成左右, 所以有時都未必知咩事, 食完嘢就回去等放工, 因為要等總部宣布先可以走, 我地收咗全日人工嘛, 最終2:40左右走得, 我仲要抬埋棵花返去呢, 好在單車都擺到! 返去放低嘢仲可以去接仲仲, 老公今日又早放可以車佢去打籃球, 咁我就出去買埋餸, 再去撞德仔, 返嚟有子元睇住我就可以整飯仔同晚餐, 今晚又係食肉醬意粉, 幾好諗少日! 沖完涼摺衫時搵埋I SWIM睇, 真係好好笑, 要追貼下星期放假後可以睇即時呢!

張貼者： 於 沒有留言:

2022年7月14日 星期四

14/7/22

 14/7/22     THU.    HOT

今日都算過得幾好，順利踩到單車返學返工，Bella準時返學全日都好正常，因為都唔洗教書，個個老師都係睇戲玩吓遊戲就算，只係等到點幾鐘先有飯食有啲肚餓，準時放工走人，去公園坐下等細佬玩完遊樂場就可以返屋企，不過佢有啲同學又投訴佢拆間樹屋咁，真係好麻煩！返到屋企又要整蘿蔔牛腩，又要開視像等嫲嫲同仲仲佢哋傾電話，真係好趕忙！仲要出去湊德，好在返到嚟有人幫手揍住同佢玩咁，我都易搞啲！食完飯可以睇吓電視休息吓咁先瞓都ok！

張貼者： 於 沒有留言:

2022年7月13日 星期三

13/7/22

 13/7/22.    WED.    VERY HOT

今朝出車時仲仲話架車都係踩唔郁，咁唯有佢唔踩之餘，竹要抬車過天橋囉，返到去confirm咗係跟Aisha就去開工，因為今日係sports day，同我地啲好唔同，一來好hea，二來只喺學校草地進行，只係有份參加啲學生玩佢哋嘅項目時，先至去運動場，其他時間其他學生都係留喺自己課室，整啲咩banner poster，都幾無聊！放break放飯時可以吹吓生風叫做舒服啲，搵到個有冷氣嘅地方，係學生食飯嘅地方，咁我放飯嘅時候都未有學生咪喺嗰度食，點知麻煩老師佢又走埋嚟話呢度係學生食飯嘅地方你應該去返staff room食，佢真係好奇怪，人人都覺得多管閑事，但佢真係唔覺自己麻煩嗰吓先死！下午最後項目係田徑跑，但喺草地嗰邊跑我覺得好求其！等啲學生終於走晒，我哋返去大房吹吓水等到夠鐘就可以返屋企啦，走嗰陣時發現架單車好似有啲問題，好在最後行行吓都得番！接咗細佬湊埋佢去學結他，買咗啲餸，再去接返佢同埋接埋都德，德德仲係好病，點解佢父母唔去睇醫生或者比藥佢食呢，淨係吸鼻冇用㗎，見到個仔咁有乜理由唔理啊！等老公返嚟煮飯食，本來可以早啲休息，佢又喺度研究個磅點樣用，又唔去沖涼，沖涼得來，細佬又要等佢沖完涼食西瓜刷牙咁，結果10點幾先至瞓得！

張貼者： 於 沒有留言:

2022年7月12日 星期二

12/7/22

 12/7/22     TUE     VERY HOT

今日都係好熱呀, 所以照著短衫短褲返學, 都冇人理架啦! 揍咗仲仲返去再返工啦, 順利等到Bella返學, 如常咁上堂, 佢今日情況幾好喎! 上堂各樣都好合作, 我又算係避開到麻煩老師啲英文堂, 同Bella喺Japanese garden睇書時有個學生埋嚟問我係咪香港嚟, 原來佢嚟咗個幾月咋, 傾傾吓落雨我地要入番課室, 冇再講啦! 準時放學返去揍仲仲, 快啲返屋企啦好熱, 但佢架單車又有事喎, 要抬返嚟, 我試吓整啦都唔知算唔算整好, 條友成日急停架車個煞車碟梗係出事啦! 今日又係唔洗揍德, 所以有時間慢慢整再煮晚餐, 摺埋啲衫等等! 佢地去咗踢波又要分兩轉食飯嘛, 簡單整肉骨茶不過好好食呀!

張貼者： 於 沒有留言:

2022年7月11日 星期一

11/7/22

 11/7/22.    MON.    VERY HOT

返埋今個星期就放假，加油！仲仲返學我就返工啦，等咗10分鐘Bella無返，咁我都去佢課室繼續等，其實都最後一個星期，冇咩野搞，大家都係一齊等時間過！放break之後，安排咗我去第二個學生，，不過嗰個學生都係無返，佢哋就話繼續留喺佢嗰間幫手，但佢哋上緊Textile，我都唔知有咩幫手，不過佢哋同我當年一樣都識用衣車，所以我都盡下綿力！午飯可以食足45分鐘，睇吓幾咁幾輕鬆，只係臨尾個老師又出現，但今日我都想快手見完佢，過埋個probation就唔使麻煩，所以食完飯之後快傾咗一陣就搞掂，反正佢都有嘢做，然後我就返上去繼續幫啲學生，最後一堂geography ，集中火力跟另一個學生，一放學就即走，去咗公園同佢地吹吓水，因為今日唔使揍德，可以好好用電腦整下野，晚飯後沖涼睇電視啦，不過咁耐都仲係好熱，嚟緊今個星期都係咁熱點算！

張貼者： 於 沒有留言:

2022年7月10日 星期日

10/7/22

 10/7/22.    SUN.    HOT

星期日明明可以瞓到自然醒㗎嘛，但仲仲要比賽所以8點斷就要起身，快手食咗個早餐，跟住就出門口，今次係作客，所以去一個新球場，好大個草地好好太陽，戴咗帽都仲覺得好曬！雖然最終都係輸咗一比三，但係我覺得仲仲做得好好，尤其係守龍門時候好似樣！踢完波都11點幾，返屋企沖個涼先出去食嘢，仲有同阿媽傾埋電話先，去食完嘢仲要去Primark幫細佬買褲，咁啱Letty佢哋都係broadway所以就約埋一齊再去hea吓！最終五點幾先返到屋企，門口個車位又俾人泊咗，搞到我哋拖咗三個拖把去叉電，好在之後個人走咗，我哋可以泊返原位叉電！晚飯食叉燒燒肉鹹蛋三寶飯，可能唔係太肚餓，所以覺得一般！

張貼者： 於 沒有留言:

2022年7月9日 星期六

9/7/22

 9/7/22     SAT     HOT**

明明星期六應該瞓晏啲, 點解要早起身, 仲爺去練波咋嘛又唔係我, 起咗咪叫佢地快啲出門口唔好浪費我啲時間! 煮麵做早餐跟住就摺衫, 太多未摺! 仲爺踢完回來又要出去, 本來老公話去Broadway食嘢再車子元去補習, 但邊夠時間呢, 所以攞完錢交學費買個包比子元食就送佢去補習, 我地就去costco入貨, 因為又冇哂肉啦! 食埋嘢就買埋嘢, 但都遲咗去接, 要交學費所以老師都要等埋! 本來諗住返屋企架啦, 但兩隻嘢聽我講完話想剪頭髮佢地又話想剪, 最終咪帶咗佢地去剪囉, 反而嗰間冇得剪女士, 咁我唯有遲啲再去囉! 仲爺難得肯剪, 不過佢又好有要求又要undercut咁, 但最終佢都覺得人地剪得太短喎, 不過我地都覺得好好! 因為子元要去試腳, 老公車唔到我地返去, 我地就要自己行返去, 順手去超市買埋菜呀等等, 所以回來後好忙咁pack埋嘢, 仲爺都算合作自己做功課, pack好嘢我就煮埋飯啦! 但佢地8點幾先返到, 踢咁鬼死耐! 食完沖埋涼休息啦, 今日其實都冇咩停過!

張貼者： 於 沒有留言:

2022年7月8日 星期五

8/7/22

 8/7/22     FRI.    HOT

返埋今日又放假啦，捱多一個星期多啲就放暑假啦！今日子元去睇音樂劇，所以唔使咁早返學，咁我同細佬就出門口，去到見到日本媽媽咁我就可以即時返工啦！今日都係湊住Bella BB，不過今日係特別活動日，除咗頭兩堂相正常課堂外，其他都係做吓活動咁，第一堂西班牙文因為教晒書所以佢哋睇卡通，我諗我返屋企都會搵埋套卡通睇完佢因為真係幾好睇！第二堂音樂，個老師應該因為有咩活動，完全唔記得咗有學生要上堂，所以最好求其搵咗個老師來代課，佢哋又求其繼續開電腦做吓嘢咁有完！放完break就去返自己班房，做吓手作就放飯，我咪繼續睇書囉，12:30應該已經到我放飯，但一路冇人來接更，我等到1:15已經餓到死死下，好在轉房時見到個同事，即刻同佢講，佢之後就搵咗人提我半個鐘，我先可以去食嘢，如果唔係飯堂收咗真係食風！最咪係喺草地行圈，類似步行籌款，幾無聊！佢哋兩點就放學，難為我哋要等到3:15先走得，返去AL1其實咪又係做埋啲無謂嘢，最重要係個麻煩老師白癡到話今日應該都冇時間同我傾，咁不如聽日先啦，但我話今日星期五啦喎，佢先至醒覺，其他人咪一齊笑囉！準時放工去接細佬放學，跟住再走返屋企執好嘢換衫去籃球場，原來巴士真係好熱，好在有把風扇叫做頂到一陣，今日亦都冇咩塞車好早就去到，佢有去打波，老公買咗炸魚薯條嚟我哋就一齊食，咁仲仲打完波回程時順手買埋晚餐，買咗間中餐，又幾好食喎！

張貼者： 於 沒有留言:

2022年7月7日 星期四

7/7/22

 7/7/22     THU     WARM

今日都係如常咁返工返學啦, 等唔切仲仲學校開門啦, 見到日本媽媽就交咗比佢算! 返到學校少有地Bella竟然9點就返到, 我地仲要搵一輪先搵到佢個form room喺邊, 跟住第一堂上西班牙文, 幾經相勸佢起碼肯入課室坐, 好過企出門企成個鐘呀! 反正都係代課, 咪由得佢睇書算囉! 第二堂PE本來打吓籃球咪好地地, 唔知邊個又挑釁佢, 佢又發顛啦! 之後兩堂Geo, 我先放飯半個鐘, 返去時間都好快過, 只係課室好焗啫! 放飯我就睇書囉, 時間過得快好多, 返去捱埋嗰堂, 最尾food technology遇咗佢唔上, 但都的咗佢上課室門口先, 嗱我努力過架啦! 佢就喺花園睇足一堂書我就只可以企! 放學閃人返去佢地全部都返哂屋企啦, 咁我就有門口入, 因為原來我今日冇帶銀包同key! 老公去咗買嘢食, 因為佢睇仲爺運動會嘛, 都冇食嘢, 子元就去咗公園的波先, 趕住返嚟打機! 我就去揍德, 都係嗰句其實佢應該睇醫生囉, 勁唔舒服咁, 但佢冇發燒學校都拒絕唔到, 唔比佢返囉! 為免有機會傳染, 仲爺出去玩完波回來我都叫佢上房好啲! 之後都係等老公煮飯食, 洗碗沖涼瞓覺!

張貼者： 於 沒有留言:

2022年7月6日 星期三

6/7/22

 6/7/22     WED     WARM

今朝如常咁返工返學啦, 學校都算準時開門, 加上冇熟人在我唔想就咁放仲仲喺學校門口算, 所以都係等佢入咗學校先走! 返到去咪如常開工囉, 不過今日夠哂特別啦, 因為佢地個Band的學生基本上都出哂去science trip, 所以全日基本上係冇堂上, 只係去咗啲課室, 睇吓有冇老師在, 所以除咗頭兩堂因為都有老師喺到仲可以留喺課室, 之後三堂基本上只可以留喺AL1, 其實我都開心的, 因為完全唔洗上堂喎, 佢有佢睇書我有我睇書就可以啦, 加上麻煩老師今日又冇返, 心理上都輕鬆啲! 放學準時閃, 返去整埋個湯才出門口去公園接仲仲, 佢又唔知做咩啦, 又係話人地話唔同佢做朋友嗰啲, 我都明呢到啲小朋友麻煩架啦, 另外又比人偷咗個朱古力包, 唉....有冇咩多嘢呀! 學完結他接埋德德返嚟快手整飯佢食, 因為6點要同Broker講電話, 原來佢會服務我到我收到key為止, 早知早啲問佢可以點追吓雙方律師啦! 某程度上佢比律師更用心囉, 同炮哥講的完全唔同! 晚飯後本來想快啲洗埋碗沖完涼睇宵夜, 但個VIU又睇唔到, 可惡!

張貼者： 於 沒有留言:

2022年7月5日 星期二

5/7/22

 5/7/22      TUE     WARM

我諗我真係好想放暑假, 因為一起身以為今日係星期五啦, 但其實只係星期二, 揍咗仲爺返學就返工啦, 更表又改咗, 今日又係跟Bella啦, 佢今日準時喎, 唔洗難為我! 今日啲堂都算可以, 冇咩好悶的堂, 係放飯同事遲咗嚟cover啦, 我都係唯有等! 食完飯差不多閃又見到兩位上司上咗嚟staff room, 好在我都冇做啲咩, 都係執緊嘢準備閃啦, 快手啲做埋個meeting 唔好心掛掛啦! 下午順利完成放工閃人快手接仲仲, 因為Mandy今日都唔到我接! 回家後抖抖食啲嘢, 4點幾又要出去買餸同接德德, 佢今日狀態唔多好, 又扭又喊咁, 但我都冇咩人性咁, 總之維持佢唔好整dirty我的地方就可以了! 等佢閃咗我又要煮飯, 仲仲踢完回來同我食早場, 老公就遲啲食等子元踢埋波, 但最終又係我洗埋啲碗先可以沖涼, 仲仲都等唔切瞓咗, 又要我講故事喎, 但講咗兩包佢又瞓番!

張貼者： 於 沒有留言:

2022年7月4日 星期一

4/7/22

 4/7/22     MON.    WARM

今朝揍咗仲仲返學就去開工啦，聽話等咗Bella就去課室，咪又係行行企企，只係成日要掛住個walkie-talkie有冇通知Bella幾時到，第二堂開始嘅時候，我再去Reception通知一聲，順手問吓take attendce嗰位知唔知佢返咗未，最終10:45左右佢哋通知我Bella唔翻，幾開心！放break嘅時候可以通知返上司一聲，都唔比機會佢指派我，我就話咁應該都係照跟返佢個時間表啦，我發覺呢個方法都幾好，因為我睇過佢個時間表今日有兩堂同Letty一齊，應該幾易過！Science因為有一半同學去咗參觀，所以班班都係代課老師上，咁啲人又作反啦，我其實都想盡量唔理，只係維持返正常班房運作就算，可以同Letty佢哋吹吓水，咁時間都好快過，放飯可以放足45分鐘，之後返去再等多一個鐘就可以，最後想買數學，嗰個日本妹又捉住我要教佢，有時老師叫我繼續做數，其實佢都可以自己做到，但又想我坐喺隔離，不過都唔可以太縱容佢，我叫佢自己做住先！準時放工去學校揍仲仲，返屋企就休息吓，差不多五點先至出去接德，老公返到嚟淨係抽咗重重去練波，因為子元運動會完冇晒力，今日就唔練啦！處理完德仔，老公返嚟就可以煮飯，賺咗一日我唔使煮，食完飯洗埋碗睇吓電視就沖涼瞓覺啦！

張貼者： 於 沒有留言:

2022年7月3日 星期日

3/7/22

 3/7/22     SUN     WARM

8點幾起身梳洗完, 睇埋租屋個電郵簽埋佢啦, 然後都係hea吓先, 因為老公講咗今日去榮業一次食哂兩餐, 出去之前打埋電話比阿媽同契爺, 關心吓契爺隻腳點啦! 出去榮業食飽就過去買埋嘢, 今日主要係買丁麵, 遇咗佢冇原味架啦, 不過有牛肉味都好! 我地又幫炮哥買嘢, 佢又喺龍鳳幫番我地買, 再找個地點交收, 冇得頂啦! 跟住返屋企之後老公要佢地出去練波, 咁我就清潔啦, 點知老公返到嚟又話洗車, 所以我都有啲不悅, 因為個地實會dirty番! 晚飯時又有啲誤會, 我諗住炸餃子代替飯, 但都照煮啲明天仲仲帶飯嘛, 佢就以為我煮哂全部人飯, 其實我都喺佢面前洗米啦, 都睇唔到煮幾多人飯, 奇怪! 算啦食完就算啦! 明天又要開工, 捱多兩星期就放暑假啦!

張貼者： 於 沒有留言:

2022年7月2日 星期六

2/7/22

 2/7/22       SAT.     COOL+

瞓到七點幾就醒咗，因為太陽光實在太猛！咁就早啲起身睇陣電視就煮早餐，仲可以早啲食完出門口去練波，我就摺衫休息吓，老公買埋子元嘅午餐回來，等佢食埋可以去補習，炮哥有地方介紹我哋去食午飯，所以放低子元補習，我哋就去試新嘢，都係食西餐嘅，其實都好大份亦算價錢合理，食吓坐吓傾吓計，坐到四點幾先至走，仲即興去我哋嗰度玩韓燒，各自返屋企準備，我哋就去買材料，預備好，佢哋就去攞個爐過嚟，老公就去接埋子元放補習，差不多七點半佢哋就嚟到喇， set好打牌嘅陣式，就可以又燒嘢食又打牌，今日玩到11點前就散喇，因為lolita都攰喇！唔算太多嘢要洗，我哋仲食埋啱啱整嘅羅拔臣啫喱，真係好好味！

張貼者： 於 沒有留言:

2022年7月1日 星期五

1/7/22

 1/7/22.    FRI.    COOL

今日本來跟Bella係冇咩問題，但又係麻煩老師，煮係因為喺reception等幾耐嘅問題，我今日等到9:30啫，佢又出現，話上次咪講咗等10分鐘就去佢地課室，但我都只係等多咗10分鐘啫，其實問題喺邊呀，咪就係佢係上司我係下屬囉，佢走埋去Reception同職員講，人哋雖然講緊電話都認佢，但我之前提出要求佢哋其實左推右，我都好難做，其實都好炆憎㗎，不過唯有改變自己思想，就係佢唔係針對我而係佢對所有人都係前言不對後語，自己嗰刻鍾意點就點，好多人都唔鍾意佢，佢自己又唔知，正白癡正仆街正低能！總之佢唔返學大家就最開心！去咗課室咪又係無所事事，同張樂銚佢哋吹水吹左半個鐘， Miss又同我講返下個月補習啲時間，完全喺度做私人嘢！其實都幾好笑！跟住果糖PE，我去reception再check一次，原來Bella媽媽星期一已經send咗電郵俾麻煩老師，講咗今日Bella10:30至11點先至返，咁佢又唔講返俾啲下屬聽，自己知有鬼用咩都唔識安排！咁我驚未夠鐘陣間喺度等俾佢撞見又喺度嘈，咪返去啲同學，但因為體育館太嘈聽唔到Walkie Talkie，我都係企喺出邊睇吓手機！神推鬼我今日個Walkie Talkie原來唔啱 Channel，好在有另一個同事過嚟話我知Bella到咗咁我先去接佢！今日大致上啲課堂都過得幾好，總之我但求平平安安返工放工出糧，就係咁簡單人不犯我我不犯人！放學返嚟又要趕出去搭巴士，點知4:15先有車，搞到我遲咗買餸返屋企，不過我都頭到五點先至出去接德德，真係好攰㗎嘛！今日佢又係病樣，好心佢阿爸就俾佢食藥啦，個鼻又可以噴啲鼻涕泡出嚟核突呀！食飯嘅時候又想扭計，但都比我喝止左，啲眼淚係個眼框又唔敢流出黎真係好好笑！晚飯又係整肉醬意粉，佢哋好鍾意食！

張貼者： 於 沒有留言:

2022年6月30日 星期四

30/6/22

 30/6/22     THU     COOL

今日揍咗仲仲返學校就可以閃, 因為有同學仔都好早返到, 不過返到工都係坐, 首先喺Reception坐, 等到9點幾Bella都未到, 都估到佢有機會今日唔返, 咁第二堂咪去佢課室跟吓囉, 放Break時就再去check番佢真係冇返, 本來諗住繼續跟佢時間表上就算, 點知又話有另一個學生要跟, 咁都冇所謂啦照做啦, 上咗兩個鐘英文, 仲要係英國文學, 但又唔可以咩都唔做, 咪攞張紙出嚟抄吓寫吓, 比個學生睇吓, 咁自己啲時間又易過啲! 好就好在放飯可以放足45分鐘, 返去再上Science, 但因為佢地教哂書, 就去咗電腦室玩遊戲, 時間仲易過, 又可以快啲放工, 去接咗仲仲就回家, 因為想落雨就冇玩公園快啲返去, 可以抖耐啲先接德仔, 條友又流鼻水好鬼驚呀! 食完飯睇吓電視咁又休息!

張貼者： 於 沒有留言:

2022年6月29日 星期三

29/6/22

 29/6/22.    WED.    COOL 

今日本來唔係跟Bella，但最終都係要跟，唔緊要啦，邊個都係咁做！順利揍咗仲爺返學就返去開工，始終逃唔過英文堂，妙之保持住最冇情緒嘅情緒去上就得，雖然時間都好難過，但總會過！本來我今日係跟Aisha，但總之人事調動，我又要返番Bella！都好唔洗行嚟行去！不過之後兩堂法文，都知道唔易過，總之佢唔衝出課室，我就話知佢咁多，放返嗰半個鐘又係課堂時間，其實都賺咗！食完去返佢落腳點邊睇書邊睇住佢，夠鐘要返去上堂，佢又變返正常啦喎，順利捱到放學！睇吓波記得3：15跟個NHS appointment ，點知我同佢都login唔到入去，但係NHS係咁打電話嚟，真係好難做，算啦都應該冇特別嘢嘅由得佢啦！返到屋企又要攞支結他就出門口過去接仲仲，抽完佢放學結他又要幫佢推翻架車返嚟然後又去接佢同埋湊德德，星期三其實都好忙！不過老公喺度又好少少，起碼佢會煮咗半餐飯，同埋可以早啲食飯早啲沖涼休息！

張貼者： 於 沒有留言:

2022年6月28日 星期二

28/6/22

 28/6/22     TUE     COOL

今朝仲仲出門口時發現單車軚漏氣, 但點都要頂住先架啦, 即刻同佢打咗氣先頂咗返學校, 放學先再去補啦! 返學後有啲疑惑, 因為寫咗話去foyer到collect但Bella都未返即係點, 行均全間學校都未見佢返, 就去門口等, 再check多次email時Bella突然出現, 嚇鬼死我, 不過可見佢今日係心情好! 原來今日應該係有特別活動, 咁我又唔知喎答佢唔到, 咁啱數學堂另一個LSA知道話埋我知, 重點唔係佢參加咩活動, 而係今日兩堂英文基本上唔洗上, 真係令人最興奮! 11:30放完飯返去唔見人, 就話佢地去咗打HPV針, 本來諗住行過去搵佢, 點知Harriat突然返來, Bella怒氣沖沖, 應該係佢唔想打針, 咁佢就走咗去操場坐咗一輪, 早知由佢坐耐啲, 連返去比條麻煩老師講多兩句的機會都冇! 佢又叫Bella午飯後嗰堂可以繼續寫文, 我話佢嗰班要玩Quidditch, 佢竟然問Bella你都唔想玩架啦, 我心諗你唔好搞事呀, 幾難得避開你嗰堂呀! lunch break尾段佢去咗library幫手, 我又可以坐吓, 夠鐘就去草地集合, 其實我唔在意佢玩成點, 佢唔玩最多咪去樹底睇書, 我又陪佢一齊睇就得, 幾好! 本來以為最尾嗰堂都完全唔洗上, 但去hall 頒完獎又要返去上堂, 好在只係Geog, 個miss都係打份工嗰隻, 大家準時收工! 先返屋企放低架單車再去公園揍仲仲去整單車, 咁又冇咗10磅, 回家後食啲嘢覆埋啲電郵又要出去揍德, 本來都冇咩, 但原來佢冇帶奶咀過來, 德德喊咗一輪, 不過我地都冇人理佢, 我只係負責煮好飯佢食就得, 對住我佢冇咩可以扭! 晚上分兩轉食飯所以又食頽飯!

張貼者： 於 沒有留言:

2022年6月27日 星期一

27/6/22

 27/6/22.    MON.    COOL

今日都係照常個星期一要返工返學啦，湊咗仲仲返去，等咗一陣先見佢啲同學！跟住我就可以照常返學啦，因為喺屋企開唔到個時間表，所以返咗去先算，大概都估到我講邊個㗎啦，不過都要證實下咁，但周圍都見唔到同事，見到上司就梗係逃走啦，好在喺Reception見到一個同事，佢開咗時間表俾我睇，一如所料都係跟Bella，咁我咪同同事一齊喺Reception度等囉，原來佢都唔鍾意麻煩訊息呀，佢仲話之前有個老師就係因為麻煩上司所以辭咗職走咗，可想而知做得野嘅人通常都會走，唔做得野嘅人通常都會留喺度，因為佢哋去第二度就死火！我同佢講返上次麻煩上司又叫我去課室睇住啲學生又叫我要喺reception等Bella，跟住佢同我講你睇住啦下次佢又會叫返你返課室等㗎啦，日頭唔好講人，轉個頭佢就出現，真係叫我去課室等，我幾想同佢講當初係你叫我嚟reception等個喎！佢果然係白癡！最終我同個同事一齊去咗搵另一個負責老師，因為係麻煩老師叫我哋咁做㗎嘛，佢搵完個老師都係叫我哋返課室等，但係我冇聽佢講，因為我去Reception同佢哋講見到Bella通知我嘅時候佢哋話佢哋未必見到，所以你最好都係喺度等，咁老實我都寧願等，因為只係坐喺度就得啦！終於等到佢嚟上第二堂，不過佢都係一個課室度發夢，總之今日大致上佢都冇咩大問題，佢又安全放學我又安全放工，快快手手去學校接細佬，因為今日Mandy幫我湊㗎嘛！返到屋企休息吓，又要出去買餸同埋揍德德！順利餵完德德食飯又到我煮飯，等佢哋踢完波回來食飯沖涼瞓覺！

張貼者： 於 沒有留言:

2022年6月26日 星期日

26/6/22

 26/6/22.    SUN.    COOL

今日冇出過街，瞓到10點幾先起身，都係煮早餐食啦，睇吓電視咁囉！仲有要祝細佬做功課，成日都唔想做，可惡！佢做嘅時候我就打掃清潔啦，但做數學時又要教，阿媽就WhatsApp’s來話可以講電話啦，但講到咁上吓有人打比佢就收線，咁就再打比嫲嫲啦，因為阿媽話嫲嫲下星期二隻手要做手術，上次跌倒隻手打石膏都係唔得！冇出街都係因為要換床單等等，午飯老公出去買外賣咋，好晏先食所以晚飯都遲啲食！

張貼者： 於 沒有留言:

2022年6月25日 星期六

25/6/22

 25/6/22.    SAT.    COOL

星期六都係例牌活動啦，早辷仲仲去踢波，老公揍佢出去，我就幫佢pack好咗個手袋等佢回來去寄，然後就到哥哥幫習，食唔切午餐啦，買份三文治算！抽咗佢去補習，我哋就喺附近食午餐，試咗間類似all day breakfast，都幾好味，跟住就先返屋企攞定啲麻雀枱，然後就去咗Lidi行個圈，跟住就去咗broadway買衫，因為啲返工衫冇咩夏天款，所以要入返貨！買完都差不多時間去接返哥哥，然後就去炮哥屋企BBQ，依家10點先天黑，就可以夜啲先開始，今日仲有Loletta個細佬，咁仲仲就有啲細個啲嘅小朋友陪佢玩囉！我哋大人都係一路食一路傾吓計咁啦， 10點幾十一點就返去打牌，因為喺出邊怕嘈親人地！最終都打唔晒四圈，已經12點幾，一定要返屋企啦！

張貼者： 於 沒有留言:

2022年6月24日 星期五

24/6/22

 24/6/22      FRI.   COOL 

今日都算係happy Friday，揍咗仲仲返學就返工啦，知道今日Bella返嘅機會都好低，喺reception等到10:30佢家長先打嚟，本來照平時咁就繼續跟佢地嘅時間表，但咁啱Ola今日冇返冇人跟Daisy，有個同事就叫跟Daisy就可以，咁我咪照做囉，反正就係輕鬆嘅一日，重點係唔使上麻煩老師嘅兩堂英文，就已經最開心！小息之後去上英文，可以食飯啦，不過今日又係例牌fish and chip，我真係唔多想食，都係要咗沙律同埋漢堡包就算！返到去接更又到佢哋lunch time，去咗大房隔離間房食，同佢哋傾吓計咁其實都幾好，不過之後麻煩老師嘅麻煩學生就轉咗過嚟呢邊食飯，佢哋真係好嘈，講嘢又大聲，又唔知佢哋講乜，總之就煩住晒！上多堂英文同埋History就放學啦，我從來唔知道Y8上英文堂係可以咁有系統，因為之前跟麻煩老師，啲學生發癲多個上堂，根本就唔知做乜！放學即閃返屋企，仲要去打籃球，我去超市買埋餸返屋企整好野，就去接德仔！今日佢又唔得閒食飯，鬧完佢又喺度喊，話知佢啦，嗰個係佢咋嘛又唔係我！之後喺梳化仲要喺度玩口水，搞到我成日都同佢抹咗啦手抹梳化，之後仲要消毒！佢走咗我又要開始煮晚飯啦，而家星期五通常都食肉醬意粉就算快靚正！食完之後細佬又話要食湯圓，咁就叫老公整埋芝麻湯圓，好滿足！

張貼者： 於 沒有留言:

2022年6月23日 星期四

23/6/22

 23/6/22.    THU.    RAIN SUN

今日真係唔多好，因為今日跟Bella囉，琴日佢都麻麻地架啦，見到今日個時間表加上佢個面口都知出事！佢差不多10點先返嚟，我幾想佢今日唔返！第一堂西班牙文一定唔上㗎啦，第二堂PE，佢冇帶衫加上兩班迫埋喺old. Gym，根本唔可能上！小息佢只係坐咗喺地下，又唔傾偈又唔睇書，我就知道嚟緊嘅時間都唔好過！果然上到班房門口，佢可能見到係代課老師，即刻坐咗喺課室門口唔肯入去，仲諗緊點算嘅時候，就有人嚟cover我嘅lunch，叫做逃過先啦！食完lunch返去，佢雖然返返入課室，但係只係坐咗喺度唔郁，叫做順利過完呢半個鐘！放飯是佢去到平時嘅地方，唔攞午餐出嚟食喎，之後佢喺度行圈，行吓行吓佢去咗AL1，結果就入咗去唔肯出返嚟，咁我就慘啦又要對住啲上司，又要處理佢！其實佢個要求就係佢想返屋企，不過都冇可能㗎喇，因為只有阿上司打電話比佢阿媽先會放行，但佢完全冇諗住打，可能佢覺得個學生話佢想返屋企姐，點解要俾佢返！跟住又係咁同佢講要佢離開呢個房，因為佢其實唔應該留喺度，之後仲叫咗我出去同我講吓，下次若果佢想入嚟就引到佢去第二度，唔好俾佢入嚟！我估到時若果佢唔入嚟喺出邊又發癲嘅話，佢又話點解我唔帶佢入嚟，不如叫佢試吓跟佢一個禮拜囉，佢就可能明白其實我對啲下屬係點做嘢，唔係佢哋啲上司咁望住佢講兩句走開咁就算！總之最後佢就喺間房度哦到3:15放學囉，總之今日就係好唔開心啦搵個人俾我殺啦最好！

張貼者： 於 沒有留言:

2022年6月22日 星期三

22/6/22

 22/6/22     WED     HOT

今日照常揍咗仲仲返學就返工啦, 都唔知今日要做啲咩架, 學生早放喎, 頭一個鐘佢地喺草地嗰邊做啲運動嘢, 重點係我都唔知佢地喺嗰到, 先上咗T12行餐死, 不過都喺上面執到Dasiy, 咪同佢一齊落番去囉! 咁就去草地嗰邊曬咗大半個鐘! 然後去上第2堂, 今日跟Aisha, 走唔甩要上英文, 但見到cover teacher, 我都開心埋! 因為唔洗上堂嘛, 有學生話想繼續睇上次套卡通, 咁Celia又冇交代要做咩, 又找到套卡通, 大家咩都唔洗做去睇卡通就最好, 我就同個同事吹吓水咁! 差不多落堂前5分鐘, Celia突然走入嚟, 又自己喺到講一輪, 又話叫佢地去做埋個英文writing, 又叫我地去攞個file, 個代課老師同學生想話佢知其實仲有5分鐘落堂, 佢就淨係叫人地收聲等佢講埋先, 好啦咁人地等你講埋先話你知其實落堂架啦, 你咪冇面囉自己低能咗, 佢就話咁大家當冇見過佢, 堅係醜怪囉! 跟住就去上Science啦, 我原來完全未跟過Aisha上Science, 好在都跟到吓同埋呢個Ms都幾好, 放完Break返課室時因為有個學生應該喺Japanese Garden跟親, 搞到要全部學生只限行外圍, 咁明明已經行到去S Block都要行個大圈! 捱埋堂Science同Maths就可以放飯, 因為今日學生早放, 我地仲要喺到留兩個鐘, 好在Celia已經走咗, 冇佢係到嘈住哂大家都可以好好食飯同做嘢, 我仲問埋關於學生暑假後我地training的事, 原來今日個個都問佢呢樣嘢, 梗係啦得番3星期咋喎, 人地都要安排架嘛! 完成之後出去幫大家手做吓嘢, 又係啲無謂filing, 其實佢地做嘢真係好冇程序, 我都冇咁好氣, 做到幾多咪做囉, 夠鐘就走, 返去屋企抖抖就要出去接仲仲, 今日結他要用zoom上, 咁我又行少啲, 只係去接德仔就得, 因為仲仲帶埋個水樽出去, 德仔見到又要飲唔比佢又喊, 我就由得佢喊, 喊就得到咪成日喊! 返嚟都係玩吓食吓, 有人幫手揍住我可以快啲煮飯, 食完睇埋電視, 因為有大結局做, 睇完老公要佢地去練的波, 子元梗係黑面啦, 但都要去, 我就可以好好沖完涼hea吓!

張貼者： 於 沒有留言:

2022年6月21日 星期二

21/6/22

 21/6/22     TUE.    WARM

今朝都係收唔到更表，咁咪返去再問囉，順手話埋比負責人知我收唔到，咁啱今日火車罷工有同事冇返，所以佢都更改中，咁我今日就變咗做大cover，全日跟3個唔同人，咁跟唔同人，就要唔同嘅時間表㗎啦，我去print都好正常姐，咁啱麻煩上司入嚟見到我，就話你一返到嚟學校就應該即刻去跟啲學生，我心諗我連我跟邊個都唔知呀咁我點跟呀，但個麻煩上司應該係冇腦嘅，因為佢講晒自己想講嘅嘢就算，佢哋呢啲人都唔識實際做嘢嘅時候係點行動，真係一講起佢就火滾！最終我攞咗時間表去到課室，都未開始上堂，因為老師都未去課室！頭兩堂係數學同埋History，數學堂我簡直係助教能手咁，係咁解釋比佢哋聽點做，其實我係year8嗰班咁耐都教緊呢一個題目，都唔明點解上到year9又係做呢啲，重點係佢哋都唔識！History堂冇咩幫到手，係跟一跟應該負責嗰個學生，因為佢反應都好慢，又唔知自己應該要點做！終於放小息，咪返去大房休息吓囉， 11:30去cover另一個同事嘅lunch break， 12點就去頂更令一個早走嘅同事！捱到1:15先至到我食飯，真係好肚餓！不過喺Staff Room同老師呀同事呀傾吓計咁都幾好！最好笑係聽日應該有早放，但係好似冇人通知過咁！食完飯諗住返去接返更啦，個體育館啲門全部鎖晒，我都唔知點入去！所以到兩點佢哋差不多房嘅時候先至開門，我先入得返去！最後嗰堂音樂堂，又係代課老師，但呢個代課老師又係冇帶腦返工，首先佢搞唔掂個Projector，又搞唔掂啲學生，佢唔好彩預正依班咁曳嘅，我已經嘗試幫佢控制場面，其實佢唔開住個projector，又唔係咩都唔可以做嘅，音樂堂聽聲咋嘛使鬼有樣咩！最終去隔籬房叫咗Mr Morgan過嚟幫手，咁咪講咗film Music嘅嘢囉，其實呢一科我已經上晒，完全知道講咩，不過個代課咁鍾意自己嚟我就決定咩都唔幫佢，放學直接走人，反正個學生都想走大家互相利用啫！接咗細佬返屋企休息一陣就要出去買餸同埋湊都得，老公返到嚟直接車晒佢哋兩個去踢波，又得返我同德德兩個你眼望我眼，佢今日食飯又要同政府同佢爭先至肯食，真係俾佢激死！等佢走咗我又要煮飯啦，今日分兩個時段用膳，所以食碟頭飯！

張貼者： 於 沒有留言:

2022年6月20日 星期一

20/6/22

 20/6/22     MON.    WARM

今日又要返工返學啦，不過老公就請咗假，因為Jeep要去換車頭玻璃，但由於放學趕唔切接番我哋，所以都係要自己踩單車！今日真係收唔到更表個email唯有返到去再問，冇驚喜之下都係跟返Bella，等到9:15就返到，真係少有！好在今日啲堂都算輕鬆，兩堂RE係悶啲，同埋諗起派卷嘅時候， Bella唔知係咪唔想面對自己嘅成績，所以話要出去行吓！小休時間，同同事吹吓水啦，跟住返去上Science，提早左右lunch break，仲收到個好消息，間屋嘅業主已經搵到樓，所以又可以進行下一步，希望mortgage嗰度快啲完成，我相信吸引力法則㗎，只要你去相信，件事就會成真！食完飯返去又係睇住Bella放飯啦，本來諗住睇吓書就算，有個同事過嚟吹水就一齊吹下啦！之後果堂Science都係咁做吓嘢，又同Letty佢哋傾吓計！最後捱埋堂數學就收工！馬上飛車返去接細佬，返到屋企時老公啱啱都返到，所以佢可以車我出去接德仔同埋買餸，跟住佢哋兩個去晒踢波，冇人同德德爭飯食，一叫佢問佢食飯佢就準備喊，所以我就用咗另一個方法，見到跳跳虎喺沙發，我就用跳跳虎引佢過去，扮餵飯俾條條虎食，結果跳跳一啖佢一啖咁就食晒喇！跟住齊齊喺梳化睇電視，佢又圈住左我，真係好搞笑，差不多七點佢爸爸先來接佢，咁我就煮晚飯啦！

張貼者： 於 沒有留言:

2022年6月19日 星期日

19/6/22

 19/6/22.    SUN.    COOL

今日係父親節，老公話想去戲院睇侏羅紀，所以琴晚買好飛，今朝睇10:45嗰一場，以免唔識路同埋搵唔到，我哋9:45就出門口，泊好車上返商場，搵到戲院又話要去買嘢食，夠鐘就入場，今次選咗最後一行座位好似高咗少少，下次知道點買飛！原來呢度睇戲有好多廣告同片頭，都等咗一輪先開始，第一次冇任何字幕之下睇兩個幾鐘頭戲，原來我都可以明到八成，加上本身對套戲都有啲了解，所以大致上睇晒完全冇問題，都有啲驚喜！係得仲爺咩都唔明囉！散場嘅時候已經一點幾，喺商場行咗陣，用咗好多時間去搵返個停車場入口，因為嚟嘅時候商場仲未開，冇為意啲商舖喺邊度，幾經辛苦搵到入口可以攞返架車離開，跟住去咗Broadway搵嘢食，最終去咗意大利餐廳食，因為我唔想再食all day breakfast，食完就返屋企啦，我仲要做家務，細佬仲要做功課！八點幾先至食晚餐，老公喺馬莎買咗啲炒麵嘅材料，但係賣晒啲材料都係啱鬼佬多啲，要食炒麵我都係用返中國人材料好啲！聽日又要返工返學！加油！

張貼者： 於 沒有留言:

2022年6月18日 星期六

18/6/22

 18/6/22      SAT.    RAIN

今日瞓到八點幾先至醒，起身食完早餐，老公就揍仲仲去踢波，我就喺屋企摺埋啲衫，本身諗住拖埋個地，但係掛住睇尚食，所以冇做到！午飯諗住去Costco先至食，但係子元要補習，所以將廚餘整返熱俾佢食咗先，湊咗佢去補習我哋先去Costco，食飽飽就去買嘢，都係補給返啲肉類生活日常用品咁啦，跟住就去龍豐，不過佢真係越來越少嘢買，睇怕以後都要轉場去榮業行！買完返嚟淨係執嘢都有排執，老公就去接返子元，分原貨再等老公庖丁解「豬」完就煮晚餐，佢話食牛扒喎，咁就淨係食牛扒囉，不過我同子元加咗個罐頭湯！

張貼者： 於 沒有留言:

2022年6月17日 星期五

17/6/22

 17/6/22.    FRI.   VERT HOT

今日真係超級熱，我都要短褲背心咁返學！抽咗重重返去我就返學喎，知道今日係跟Bella但係估到佢會唔番，因為佢琴日都病病地！果然如我所料，等到九點幾佢家長就打返嚟，咁我今日就可以過一個happy Friday ！今日啲堂其實都算已過，音樂體育同數學！而且放飯時間仲可以放足45分鐘，都真係幾開心！不過今日真係好熱好彩有帶風扇返去，經常要五花茶都大埋，排到去最尾嗰堂先至再加水，原來有啲老師都唔知2樓教員室部水機好凍，佢哋可能都係同啲學生一樣喺嗰幾個位加水，搞到今日啲水機好似排井水咁，好長龍！放學返嚟，轉個頭又要湊佢哋出去搭巴士去打籃球，跟住再去買埋晚飯材料，實在太熱唔係好想食同埋唔係好想煮，所以諗住整肉醬意粉就算！返嚟整好晒啲飯餸就去揍德，今日熱到大家都唔想郁，除咗我哋食飯，我哋兩個都係坐喺梳化發吽豆！等佢醒咗我就煮晚餐，之後都係洗碗沖涼同休息，又真係好熱呀！

張貼者： 於 沒有留言:

2022年6月16日 星期四

16/6/22

 16/6/22.    THU.    VERY HOT

今日真係熱到痴晒線，所以著晒短袖同埋鬆身褲，湊完仲仲返學返到學校已經出晒汗，不過都要照常開工！我以為今日係跟Aisha，點知唔係喎，個時間表根本就冇send到比我，又話send咗，都唔明呢度啲人點做嘢，最終搵到個人forward返個email俾我，一睇根本就冇喎，我點會知發生咩事啫！終於知道今日係跟返Bella，但我一睇個時間表就知今日出事，西班牙文法文，再加上烹飪堂，佢全部都唔想上，真係強烈建議佢今日唔好返學唔好曬大家時間！不過居然做緊佢啦佢有佢行我有我坐喺烹飪堂試係麻煩啲，因為個老師唔會俾佢喺課室，第一堂都好啲去咗樓下坐住睇書，咁佢有佢睇我有冇睇！午飯之後佢走咗去AL1，重點係佢唔肯走，喺度瞓，好彩今日啲上司都唔喺度咁啲同事都會大家一齊試吓要求佢去第二度坐唔可以瞓覺，最終都叫做肯郁，喺返個房度將啲嘢分類，佢最鍾意就係做分類！Art堂佢都係去坐，完全唔畫嘢，好在Harriet嚟關心吓佢情況，另外就順手叫我可以去SIMS mark返低個情況，佢話可以幫我睇一陣等我去買廁所做嘢先返嚟，放工去公園接細佬，但佢又唔肯走，我又要去GP攞藥，好在Mandy話可以幫我睇住先，由得佢去公園玩，攞完藥先返嚟接佢！返到屋企就準備今晚去食日本放題，老公返到嚟都5:15 ，又要搵泊車位又要塞住車咁過去，差不多成個鐘先去到，不過有少少期望越大失望越大，佢啲嘢食又唔係唔好食，但係又唔係特別好食，所以都唔會特別推介！食完去買埋珍珠奶茶就回程啦，返到嚟已經九點幾大家都好攰早啲休息！

張貼者： 於 沒有留言:

2022年6月15日 星期三

15/6/22

 15/6/22     WED     HOT

今日見到要上3堂英文就唔開心, 但返到去發現原來今日係好多學生去三日兩夜trip, 重點係麻煩上司都閃, 諗起唔洗上嗰幾堂佢喺到的英文就開心! 不過呢個日冇咩學生又成日代課, 都係冇咩做的日子就開心! 就好似今日咁, 5堂有3堂都係代課, 有兩堂都係睇戲, 完全係無聊! 放飯時本來押咗條友去飯堂就OK, 佢又話要去打電話又話張卡冇增值, 但又唔記得阿媽電話, 完全唔明佢想點, 叫佢攞飯卡去食咗飯先佢又唔肯, 咁唔理啦, 我要開飯! 下午嗰堂返去product design完history又係cover, 但電腦又開唔到, 搞咗一輪都差不多放學! 我都快啲押埋個學生出去就閃人, 返屋企抖抖又出去接仲仲, 因為又要去學結他, 又要揍德德, 今日真係行夠路啦! 最終德仔今日要用絕招, 找仲仲爭飯食佢就快手食完啦! 然後我地都係煮飯食睇電視沖涼休息啦!

張貼者： 於 沒有留言:

2022年6月14日 星期二

14/6/22

 14/6/22     TUE.    HOT

今朝都算早湊左細佬返去，佢同我講佢可以自己睇住自己，我覺得呢句好好笑，我見有色嘅人差不多到就由得佢睇住自己然後就先！返到學校，知道今日唔係跟時間表上堂，其實已經好開心，跟邊個又好，做乜嘢都好，總之唔使上嗰兩堂英文我就好開心！去大房攞齊野，攞埋year 8個時間表，就去reception等Bella，佢見到我個樣都算啦開心，我就知今日應該好過！頭兩堂係hall玩分組遊戲，好在個主持人肯比Bella同佢朋友一組，咁呢兩個鐘都算過得愉快！放break之後就到我放lunch，所以都唔知佢哋做緊咩啊！午飯時睇埋本書最尾嗰幾part，跟住又返上去啦，跟住喺個好熱嘅班房，好在我有把風扇，先至捱到呢兩個鐘，幫學生2:45就放學，但我哋仲要吽多半個鐘， 3:15我先有得走！去接咗仲仲就即刻返屋企喇，可以休息到四點幾先至出去買餸再接德，今日德仔非常唔合作，總之就冇咩食到飯，有得佢囉啱同我嗰個都係佢唔關我事，佢再激我就中佢！佢兩個去咗踢波，因為今晚又要分兩場食，所以轉左蘿蔔牛腩！

張貼者： 於 沒有留言:

2022年6月13日 星期一

13/6/22

 13/6/22     MON.    HOT

又要返工返學啦，不過老公今晚請咗假，佢要揍笨元去照x光，但我地都係如常咁返學，今日我跟另一個學生，唔係跟Bella，點知Bear今日無返喎，蝕咗添！不過跟呢個都好嘅，起碼方法可以幫到啲，同埋其實佢都冇乜嘢，反而佢隔離嗰邊就麻煩啲成日喺度搞屎棍！想完一堂放break我可以自由，不過都唔知可以去邊，其實都係無所事事！然後返去上Art，又係畫野，識畫嗰啲都好快手，唔識畫嗰啲叫佢哋畫幾條線；將畫分好都好似難度咁，真係有咁難咩！午飯覆咗一陣WhatsApp，原來Stella佢哋八月尾就會過嚟，所以問吓嘢，跟住都係點食飯邊睇機！捱多堂美術，上埋堂數學，基本上都可以準時閃人，快速去仲仲學校接埋佢，然後就返屋企，老公佢哋已經返咗嚟，佢話照X光真係照一陣就完，仲蝕咗兩個鐘頭停車場錢！可以係屋企Hea下，差不多五點先去接德仔，仲可以叫我老公車我哋過去，完全唔使行！跟住返嚟老公就湊細佬去踢波，整完隻腳會好返啦，喺屋企陪下佢，煮好飯唔係有得食埋，等佢老竇接埋佢，我又要煮飯，不過啲餸等老公返嚟先搞，所以差不多九點先開飯！

張貼者： 於 沒有留言:

2022年6月12日 星期日

12/6/22

 12/6/22     SUN     WARM**

今日冇出街呀, 只係出去超市買啲嘢同買午餐咋! 朝早仲爺醒咗就喺樓下踢波, 搞到我醒咗, 可惡, 好在都已經8點多啦, 所以只係輕輕鬧吓佢算, hea到9點幾起身, 食完早餐睇埋卡通就要仲爺做功課, 但都係激心啦, 有時都要子元幫手分擔吓先掂! 跟住就要做清潔啦, 然後再同阿媽傾一輪電話, 仲有就係出去買午餐, 只係買咗個pizza咋, 但就去超市買吓呢樣嗰樣咁啦! 食飽的起心肝大清咗個廁所, 啲倒汗水搞到個廁所發哂毛, 唔抺唔得好似細菌房咁, 幾經辛苦總算變番白色, 到新屋時都要好好處理好個廁所呀, 防水好緊要! 跟住同佢地打咗陣機就開飯, 好快食完啦! 洗完碗洗白白又係時候休息! 

張貼者： 於 沒有留言:

2022年6月11日 星期六

11/6/22

 11/6/22.    SAT.    HOT

今日瞓到八點幾九點先起身，仲仲要踢波，所以食完早餐就車佢過去練波，睇咗佢個幾鐘頭，好彩仲可以去買下咖啡睇吓手機，時間易過啲！返屋企等佢沖完涼，老公去買嘢食，食完就到子元去補習啦，送咗佢去補習，我嘅泊好車，就搭火車出去Central London，都幾經辛苦先至搭到出去，落咗車又要好似野外定向咁睇住地圖，先去咗睇電動滑板車，其實老公喺網上睇過晒資料，只係想再睇吓真身，等到時搬定左屋先至再決定買邊㗎啦！然後就去幫老公個朋友買名牌手袋，我咁大個人真係好似冇試過入去呢啲名店，老公攞住幅圖，問佢有冇呢個貨，有就買，所以個sales應該好開心，我哋呢啲客多幾個佢應該仲開心，唔使服侍咁滯！等嘅期間，仲會有飲品招呼，我哋要水就算啦，仲唔中就要咗可樂，人哋仲送咗支Lollipop俾佢，只Lollipop個樣仲要係牌子個logo，呢啲時候梗係影相打卡啦，有幾何再入返去名店買嘢！完成晒就去買珍珠奶茶，不過都行幾遠，同埋杯珍珠奶茶都唔係幾好飲，好普通！邊行邊飲去返搭Underground返去West Acton，差不多時間接返哥哥啦，然後返屋企休息吓，覺得肚餓發覺已經七點幾，所以快啲叫老公煮飯，食完飯都仲鍾意埋-足球同繩梯，佢沖咗涼我哋先至可以沖涼因為要整頭髮所以11點幾先至自由。

張貼者： 於 沒有留言:

2022年6月10日 星期五

10/6/22

 10/6/22     FRI     WARM

終於到星期五, 照常咁返學返工啦, 睇住書咁等Bella嚟到, 不過第一堂佢又唔肯上, 我都交足戲, 引埋個老師出嚟, 大家都勸佢唔掂架, 我唔係冇盡力! 不過我問番佢原因係因為課室入面好多人佢唔識所以佢唔想入去喎! 第二堂Music又係代課, 大家鬥hea啦! 小息後要上英文囉, 真係勁唔想上, 唯有抱住見步行步的做法, 佢叫做咩我就人咩, 唔好有太多嘢講太多反應! 捱到有cover嚟可以閃人食個飯先, 下半堂可以去用電腦, 唔洗比人點嚟點去, 叫做好少少, 最搞笑係平時成日搞搞震嗰兩個學生, 唔知佢講笑定講真啦, 佢話我係佢最鍾意的TA喎, 可能因為我成日縱容佢地掛! 終於捱完呢堂, 仲可以早10分鐘閃出去, 睇咗陣書先去上history, 點知又係代課, 要佢地整咩鬼poster, 幾難捱到放學即閃去學校接仲仲, 買埋50P雪條就快手回來換衫去球場, 我就去買餸返嚟整好就去接德! 返到嚟德仔食完飯架啦, 有條鄰居物體攞開我啲膠箱話佢要泊呢到, 話我地咁做人地會唔鐘意, 咁佢架車惡過我個人可以點呢, 佢仲話泊住兩個位先, 你要泊時嚟knock門我郁番個位比你! 我冇得反抗, 但對面屋睇住佢咁做就覺得佢唔啱, 因為大家都知我要叉電嘛, 都會留個位比我, 仲話叫我打去council問吓可唔可以申請做叉電位! 好在最終佢地都走咗冇再泊, 咁我照放番啲膠箱出去, 對面屋仲比thumb up手勢我添! 

張貼者： 於 沒有留言:

2022年6月9日 星期四

9/6/22

 9/6/22      THU.    WARM

今朝都係照常咁返學，攞咗本書返去睇，諗住都睇唔得晒啦，點知我由9:00到Bella等到11點，先收到通知話佢唔返，其實本書已經一早睇晒，嚟緊可能要攞啲厚啲嘅先得！佢唔返都有唔返嚟好，因為唔使湊住佢其實就輕鬆好多，只係跟住佢嗰班出出入入咁就算啦！小息嘅時候我又可以去休息室坐下，幾舒服啊！午飯時候就可以食足45分鐘飯，幾耐未試過啊！上埋最尾嗰堂就可以準時收工，最好笑係，最尾嗰堂一齊個同事，佢話今日你唔使同Bella一齊輕鬆好多啦，佢試過跟Bella一日咁多，都覺得好辛苦，佢話都唔知我咁多日點捱，跟住我同佢講，其實跟住Bella問題唔大，反而係想Mrs Rice嘅堂先至煩，因為琴日佢都在場，佢話佢都唔知Miss Rice想做咩！放學去公園仲仲玩到四點多就返屋企喇，抖一陣又要去湊德德，返到嚟差不多都要即刻煮飯，不過今日佢係都要自己食，搞到周圍都係，但道高一尺魔高一丈，佢有佢自己食，我有我好快手餵！之後都係等老公煮好飯食飯，睇吓電視咁樣最舒服！

張貼者： 於 沒有留言:

2022年6月8日 星期三

8/6/22

 8/6/22.     WED.    WARM

今朝如常起身，不過就冇咩聽收音機，因為要幫子元打電話去G P約睇佢隻腳，好在出門口之前已經預約到，如果唔係又要喺條街度搞就麻煩！最終約咗今日去睇，但因為個時間我揍唔到佢，所以要即刻通知老公請早少少放工車佢過去睇！揍咗細佬返學我就返工，返到去都係如常咁開工啦，我諗我有一段日子都只係跟Bella 㗎啦，不過熟習咗佢有時都冇咩所謂，只要唔係想麻煩老師果糖就得啦，咁麻煩老師真係好麻煩，呢頭叫你整理啲簿，嗰頭又叫返你返去睇住Bella，人哋好地地喺個位你就唔好搞佢啦，我覺得最應該係佢跟Bella一個星期，了解吓個學生係咩人先出聲！加埋同場有個講嘢一嚿嚿，又唔識聽英文嘅日本妹，真係令人狂爪！小息之後上Science，差不多大半堂都喺度整嗰張poster，咁個老師基本上都唔使做，因為同Letty一班，所以我又忍唔住好積極咁過去吹水，因為真係幾開心！期間放咗個飯，食飽飽繼續開工，佢哋午飯時我就搵個兩位坐好睇吓書，又同另一啲學生吹吓水，搵到個方法喺度自處，感覺上比之前開心咗！返去再繼續上science，但係我都忍唔住睇咗陣書，因為真係冇咩好做！捱埋堂數學可以放學啦，先返屋企放低架車攞定啲餸出嚟解凍，同子元講睇GP點樣做，跟住就去接返重重，湊佢去學音樂，幫佢攞返㗎單車返嚟，去超市買啲餸，行去接返佢，再去接德德，撞啱個時間好多人知，等咗足足三個字，所以返到嚟要快快手手煮埋個飯俾佢食，咁我就可以休息吓，老公煮埋飯就早啲食飯，不過而家差不多九點幾十點先天黑，真係好奇怪！

張貼者： 於 沒有留言:

2022年6月7日 星期二

7/6/22

 7/6/22     TUE     WARM

今朝冇睇天氣就換衫, 結果熱咗成日, 可惡! 朝早如揍咗仲仲返學就返工啦, 而家基本我係日日跟Bella架啦, 都冇咩太大壓力, 習慣咗佢個模式其實都係大同小異, 不過佢今日遲咗返到就知心情唔好, 去到課室撞正代課, 學生已經嘈, 佢又自動關機喎, 初頭連櫈都唔肯坐, 我就用我帶返嚟本中文書引佢先肯咋, 後來有另一個老師入嚟鬧咗一輪都差不多落堂, 咁數學堂都冇咩, 派卷啫, 點知有個平時都失失地控的, 突然間發顛衝咗出課室, 我堅係覺得琴日個同事講得啱, 佢真係喺到學Bella, 咁佢就可以有好多特權! 不過我唔理咁多啦, 揍好我嗰件就算, 跟住兩堂PE, 我叫做有半個鐘可以去咗食飯休息吓, 因為真係好熱呀, 係咁曬住太陽所以今日覺得好攰, 最後history叫做可以坐吓, 但個課室又熱, 佢地又上完PE焗哂喺個房到, 幾難頂! 終於放學啦, 去接咗仲仲就回家, 本來子元要揍仲爺去球場, 但因為老公又話佢唔洗OT, 可以回來車佢地, 咁就唔洗趕啦, 我到咁上吓先去揍德仔, 回來hea吓煮飯等等, 佢今日又秒食咗個飯, 然後齊齊吽啦等佢爸爸嚟接我又可以煮飯啦, 因為今日要分兩輪食飯所以又煮頽飯, 不過最終都係我要洗埋啲碗, 所以又係要好遲先沖涼, 仲仲又係瞓咗等唔唔切我講故事!

張貼者： 於 沒有留言:

2022年6月6日 星期一

6/6/22

 6/6/22     MON.    COLD

終於又要返工返學喇，回復正常一早起身，照常湊咗仲仲返學就返工，今日都係跟Bella，估唔到佢記得我放假前仲病緊，今日就問我好返未，真係有我心！頭兩堂R E都係照樣跟吓嘢，係第二堂測驗時我可以肆無忌憚咁睇書，睇書冇嘢捉到掛，以後都係帶本小說返去好啲，咩時候都可以睇吓，唔係我就嚟可以見到有冥想能力㗎啦！放飯時候另一個同事同我一齊喺2樓食飯傾吓計，都好嘅唔使成日獨家村咁！跟住返去照上堂，到佢哋午飯時我仲邊睇書邊睇住佢哋， Bella帶咗cupcake 返嚟，仲請我食咗一個！第二堂衰人去咗complota Room搵資料我，我同letty同埋Holly又肆無忌憚咁用廣東話講嘢，完全當其他人冇到，都幾好笑！上埋堂數學就放工啦，好在醒起今日係星期一，應該係我要接仲，咁就要打電話安排返，因為我同仲講咗今日係 Mandy接佢！快手去到學校接完佢就返屋企，休息吓四點幾又要出外買餸同接德德，老公揍晒佢哋兩個去踢波，我就同德仔單打獨鬥，好在今日佢都好乖，食飯就好快，之後就陪我一齊睇吓電視打下機等佢阿爸嚟，不過臨尾疴多篤屎我嘆！等佢走咗我又要開始煮飯食，佢哋返咗嚟沖涼老公就煮埋下半場，食完飯都九點多，都未沖得切涼，仲仲等唔切我講故事就瞓咗！

張貼者： 於 沒有留言:

2022年6月5日 星期日

5/6/22

 5/6/22.    SUN.    COLD

嘩咁快攞到假期最後一日啦，瞓到八點左右起身，都冇咩特別嘢做，所以Hea到九點幾先煮早餐，食完早餐都要做吓嘢先，就係換晒啲床單，仲要吸塵抹地！不過佢哋又話想打機，咁就換完床單打咗機先啦，反正之後都要到暑假先有得再開嚟打！手機都打咗好耐，中途又要食下午飯，又要吸塵抹地等等，同埋FIFA都唔係咁好玩，之後就玩任天堂大亂鬥，但我都唔係咁鍾意玩，因為真係好悶！六點幾就要收機啦，我就摺埋啲衫，跟住就叫老公煮飯，食完飯佢哋又玩足球訓練，搞到11點先至瞓覺，聽日又要先起身！

張貼者： 於 沒有留言:

2022年6月4日 星期六

4/6/22

 4/6/22     SAT.    COOL

琴晚實在太夜瞓啦，所以今朝九點幾先醒，不過都係瞓得麻麻地！起身之後都已經咁晏，就叫老公不如整埋啲乾炒牛河當早午餐食就算，之後細佬又話要打FIFA，咁就打到點幾鐘要出門口，因為子元要去補習，車咗佢去補習之後，我哋就去咗broadway買嘢，買完返屋企休息返一個鐘再去接佢，咁又差不多一日啦！老公煮完飯食，我就摺埋啲衫，不過之前打機嘅時候，細佬又喺度嘈之巴閉，真係令人好氣憤搞到我都發脾氣！晚飯之後去沖涼休息啦，同埋聽日又要開始返學啦好慘！

張貼者： 於 沒有留言:

2022年6月3日 星期五

3/6/22

 3/6/22     FRI.    COOL

今朝8點多都醒咗，hea到9點先起身，老公又話出去食早餐，出去有咩早餐食啫，佢又喺到EE哦哦話我好唔比佢出去食，咁真係唔值嘛！最後咪去煮囉，期間我就同仲爺做埋啲功課，差不多11點佢叫我哋出門口，去Letty屋企幫手整番好個fence。好在子元都有一齊去，因為都整咗好耐！仲仲帶埋功課過去做，等Letty佢地都free啦，就一齊玩囉！期間我同Loletta就出咗超市買吓嘢咁啦，回來就準備午餐，都3點幾先有得食，之後都係幫吓手同自娛吓，最後決定整哂先，咁就要食埋晚飯，所以就可以開枱打牌，結果食完飯玩到11點幾先回程！

張貼者： 於 沒有留言:

2022年6月2日 星期四

2/6/22

 2/6/22      THU.    WARM

今日比平時返工仲早起身，因為約咗大家一齊去睇女王登基70周年慶典！因為喺Central London，所以大家都唔揸車，搭火車過去！不過搭火車過去都唔係容易嘅事，轉咗兩次車先至去到，出閘之後跟住大隊行，終於去到St James Park，嘗試過去路邊位置睇吓攝唔攝到位，但發覺都係冇可能，咁就去大螢幕前面嘅草地搵地方落腳，Settle down之後先食早餐，然後老公去買咖啡我就想試吓去影吓相，留返出post用！原來要等到10:00先開始，不過傾吓計吹下水周圍行吓，時間都過得好快，因為人太多上唔到網，連電話都打唔到，哥哥唯有玩啲平時唔會玩嘅嘢，就係同Lettie佢哋玩扭計骰，細佬就同細個班小朋友一齊，大人就吹吓水！終於開始巡遊，不過我哋只可以透過大螢幕去睇，但都好勁因為官方鏡頭算係好清晰，開頭一大半都冇聲，所以大家都係睇吓有傾吓計咁！到咗後來終於有返音樂同現場聲音，氣氛即刻唔同晒！見到事頭婆一家，喺個陽台上面揮手結尾，仲有最精彩嘅空中飛機表演，睇到大家熱血沸騰！不過疏散嘅路有排行，出得嚟Central London，咁係再去吓唔同嘅地方，終於近佢嚟去到鐘樓睇大笨鐘，再去埋唐寧街10號首相府，最後行埋去唐人街搵地方食午飯，大家都行到筋疲力盡！好好食完餐飯就搭火車各自返屋企啦！返番Ealing即刻覺得條街好少人，因為今日實在見得太多人啦！去超市買啲即食嘅嘢，返屋企休息到咁上下八點幾先開始慢慢整嘢食，然後沖涼休息，今日真係玩夠！

張貼者： 於 沒有留言:

2022年6月1日 星期三

1/6/22

 1/6/22     WED.    COLD

今日未夠七點就醒咗，所以未到八點就起身煮早餐叫佢哋起身食嘢！之後當然係捉細佬快啲做功課，都算做得OK 㗎啦，不過啲分數都係亂晒大龍！做完就可以打機啦，但係我就要出去買餸先，點知喺超級市場出來時又落雨，但返到屋企一陣又天晴係咪玩嘢啊！佢繼續打機，我就準備午餐，食完就一齊打，夠鐘就去就德德，返嚟煮飯俾佢食，之後都係細佬主力陪佢玩。等佢返咗屋企，老公就煮晚飯，都係邊睇電視邊食啦，洗完碗我就沖涼，老公唔要同佢哋室內練波，今晚要早啲瞓啦，炮哥安排聽日有節目，因為係事頭婆登記70周年！

張貼者： 於 沒有留言:

2022年5月31日 星期二

31/5/22

 31/5/22     TUE     RAIN

話咁快又第二日假期, 放假時間總係過得快! 朝早瞓到8點幾, hea到9點多先起身整早餐, 食完就捉仲爺去做功課先, 做完之後想點都唔理住! 每日各兩頁英數, 都算做得快架啦! 做完又一齊打機, 哥哥又一齊打喎, 半路中途又要煮午餐咁, 之後又接到舅父仔電話又傾咗一輪, 佢地應該又唔會返上嚟呢頭住, 果然有錢是任性, 慢慢諗都仲得! 2點幾時突然天都黑哂咁, 原來唔止落雨, 仲要落冰雹喎, 又密又大粒咁幾誇張! 差不多5點又要去揍德仔啦, 落住雨行返嚟都幾係嘢, 煮咗牛腩飯比佢又唔食, 梗係喺學校party飲飽食醉啦! 等佢爸爸嚟接走佢, 老公沖完涼就煮飯啦, 開住新追的尚食嚟送飯, 睇到9點先去洗碗然後沖涼休息! 

張貼者： 於 沒有留言:

2022年5月30日 星期一

30/5/22

 30/5/22     MON     COLD

第一日Term break, 都係瞓到7點幾8點多, 已經算好好! 起身梳洗整早餐, 食完覆埋個電郵就叫哂兩隻嘢換衫出去, 子元話要去買校服嗰件polo嘛, 咁咪要撘出出去買囉, 原來巴士加咗價呀, 而家要1.65磅, 好在來回點都一個鐘搞掂咁回程先唔洗錢! 返到大街買埋菜呀等等就回家, 先捉仲爺去做功課, 唔做哂唔准食午飯, 結果都搞到點幾先做好, 本來諗住整個pizza食就算, 但原來係唔夠架, 最終大家都要整多個麵食先得! 跟住冇咩做啦就一齊打陣switch, 差不多5點先去接德德, 終於大家都叫做病好, 因為琴日冇煮飯, 咁就用薯仔代替, 用咗薯仔煮豬肉比佢, 最終都食哂! 5點幾佢地出哂去踢波啦, 咁德仔唯有陪我睇劇啦, 等到佢爸爸嚟接咗佢我就準備煮飯, 所以都唔係好遲有得食, 之後都係清潔完沖涼休息!

張貼者： 於 沒有留言:

2022年5月29日 星期日

29/5/22

 29/5/22.    SUN     COOL

基本上今日我都冇出過街，佢老公帶咗佢兩個出去踢波，我就喺屋企休息吓！朝早七點幾就醒咗，食完早餐，佢哋就睇埋電視先出去，估唔知做咩個胃痛，可能未食早餐就食咗粒抗生素！勾到佢哋出晒去我就開始做嘢，吸塵抹地洗衫洗碗，你啲嘢都有排做！仲要打電話俾阿媽傾吓計啦，未夠兩點佢哋都返嚟啦，出去買外賣午餐，都係食Sam Sam雞！跟住都係接下衫睇吓電視咁，琴日來玩我哋敲門嗰幾個細路有測驗，有一次我最出去，佢哋即刻走，但係我都捉唔到佢哋係邊間呀，不過唔緊要，我返去即刻拍佢返CCTV啲片，總有機會俾我知佢哋去邊間屋，我一定話俾阿媽知！之後開咗套戲睇啦，差不多七點叫老公起身煮晚飯，簡簡單單食咖喱飯就算啦！

張貼者： 於 沒有留言:

2022年5月28日 星期六

28/5/22

28/5/22     SAT.    COOL

晚上都係瞓得唔好，但8點幾醒咗hea陣都起身，本來諗住比老公瞓多陣，但佢真係太慢，本來諗住去球場還番波衫比教練都還唔切，佢地都練完，咁咪直接去Costco入貨倉埋午餐，回家後無聊吓開吓戲睇，老公就煮咗鴨腿湯飯，食完睇歐聯決賽，睇到11點幾，仲爹先肯休息！

張貼者： 於 沒有留言:

2022年5月27日 星期五

27/5/22

 27/5/22.    FRI.    WARM

返埋今日就放term break啦，真係好開心！朝早都早啲食藥噴鼻要做，好彩都趕得切出門口，揍咗仲返去我又快手返學，因為而家Bella 返9:10 ，實在係冇咩時間比我hea！今日慶祝女王jubilee，學校搞咩午飯時間garden party，但其實只係分唔同年級限住佢哋坐咗喺草地上面啲枱度食午飯，都唔明個意義係邊，所以上堂啲時間掉轉晒，搞到大家都冇晒啦！咁今日都算順順利利完成所有工作放工即刻閃人，返到屋企哥哥已經接咗細佬，咁快手搞掂啲嘢就出門口去打籃球，我都冇嘢買，返屋企休息吓啦，我係病人嚟㗎嘛，又唔使湊德德㗎 ！到六點幾七點開始準備煮飯啲嘢，返到嚟八點多開飯，食完都係照樣沖涼休息！

張貼者： 於 沒有留言:

2022年5月26日 星期四

26/5/22

 26/5/22     THU     COOL

今日要返工啦, 唔係冇糧出呀, 鬼叫我窮呀頂硬上, 好在日頭唔算太嚴重, 係有時一咳就要出課室, 唔好嚇親人啦! 今日都係跟Bella, 佢9點多先到, 但又唔想上第一堂, 於是我同老師講聲, 我陪佢企喺出面, 咁又陪佢講咗一個鐘嘢啦! 佢見我病, 冇返兩日, 佢話掛住我呀, 真係估佢唔到, 另外我記得佢明天生日, 佢亦好興奮, 我諗佢對我已經建立咗一份信任, 都幾意外! 到法文堂係考試, 我都冇咩好做坐足成堂, 小息就出去吹吓風囉! 到food technology, 遇咗佢咩都唔做, 因為佢冇帶材料, 咁頭半堂我去放飯唔理啦, 回來都就放lunch都唔郁住啦, 午飯時遇到Bio老師又傾咗陣啦, 下半堂返去終於老師忍唔住又唔知想叫bella去邊, 好在最終只係請佢去對面個房用電腦做poster, 咁我就無人看管吓可以睇吓機囉, 完咗呢堂最後上Art, 要佢地完成上次嗰堂的掃描, 全部人都算好好完成, 準時放工先返屋企, 因為細佬要玩遊樂場, 咁我4點多先過去接佢! 回家後死咗咁喺梳化半睡半醒咗大半個鐘, 6點幾就要去家長會, 好在係視像, 不過都大半個鐘, 我簡直係用埋最後的意志去完成! 咁啱諗住煮飯時舅父仔佢地打嚟, 應該諗住搬番嚟呢頭, 但找租期間要有地方住, 本來佢地之前話嚟住一兩星期我都OK, 但要起碼一個月我又有啲卻步, 始終唔係咁方便, 諗緊試吓問番之我地租嗰間BNB, 睇吓點啦! 老公煮飯我休息, 諗住都係開始食抗生素啦, 點知過咗陣一咳得勁嘔哂, 唉...真失敗, 之後食飯等等都冇哂力量, 因為真係好辛苦! 子元就好乖仔咁幫我洗埋碗, 佢真係暖男嚟, 抵我咁錫佢, 雖然有時係唔爭氣! 今晚都係冇得好瞓又鼻塞又咳架啦, 快啲好番啦我就嚟支持唔住啦

張貼者： 於 沒有留言:

2022年5月25日 星期三

25/5/22

 25/5/22     WED     COLD

今日繼續病假, 因為真係唔多掂, 對眼琴晚係咁流水, 然後封住咗咁, 幾辛苦先打得開! 然後咳呀鼻塞冇停過, 為咗想攞到抗生素, 我都係打多次去GP再約醫生! 揍咗仲仲返學回家抖陣就行過去, 醫生又見到我, 我同佢講咗對眼等等唔舒服, 佢再幫我聽個肺係冇事, 本來都唔會開抗生素, 只係比咗眼藥水, 但佢見我咁唔安心, 或者怕我又嚟搵佢麻煩, 所以最後都開咗抗生素比我, 若果3日後都係冇進展先食, 咁攞好藥咪回家休息囉, 只係去超市買埋嘢咁, 好好休息煮個午餐等, 夠鐘又要接仲仲, 又要揍佢去學結他, 好在老公回來煮飯, 咁又可以hea吓! 明天睇怕都要返工, 因為再唔返就冇錢收架啦, 我莫水呀, 鬼叫你窮呀頂硬上!

張貼者： 於 沒有留言:

2022年5月24日 星期二

24/5/22

 24/5/22.    TUE.    WARM

今日係第一次請病假，因為要去GP睇醫生，但一樣要做晒朝頭早要做嘅嘢，就係送晒佢哋返學，去到GP先去Reception登記咗，跟住就去醫生房門口等，等咗15分鐘左右先有得睇，因為醫學名稱實在太難明，最終醫生用埋Google Translate，佢用英文打，我用中文睇，咁我起碼知自己咩事，原來鼻竇炎，佢淨係開咗噴鼻嘅藥俾我，但就冇開抗生素，落去攞埋藥就返屋企，跟住全日都主力休息吓，除咗要去接細佬放學，但其實真係噴鼻嘅藥，我覺得都唔係好足夠，因為到夜晚，其實係嚴重咗少少，因為隻眼都開始唔舒服，有啲結膜出現，唯有瞓之前再噴一次地，睇吓聽日好唔好啲，我都已經出email請多咗日假，咁嘅狀態冇可能返工，個鼻塞到抖唔到氣，只可以用口，間中仲有啲暈，把聲又勁衰！希望快啲好返啦，真係好辛苦啊！

張貼者： 於 沒有留言:

2022年5月23日 星期一

23/5/22

 23/5/22     MON     WARM

今朝真係好爭札返唔返工, 因為起身時仲係好病, 但請咗假又未必咁快有醫生睇, 再睇吓今日嗰更跟Aishia, 咁就不如照返工啦! 最難係要打電話去GP登記, 8點多已經開始打, 但要出門口都未輪到我, 唯有駁住hand free繼續等, 最終都叫做打到啦, 等醫生打返嚟, 所以我整個上午都戴住head set以防有電話聽唔到! RE堂都OK, 但到Drama時又係失控啦, break後Art堂係代課, 成班喺到顛哂咁, 我都冇能力控制, 加上食咗藥又冇飲咖啡, 我一坐低就中眼瞓! 所以後來都keep住行等自己醒! 午飯時間再打去GP問, 佢都係話叫我等, 咁一路等到放學, 送咗個同學去Reception後就問吓啲同事, 若果真係要請病假時要點做, 再加番場戲啦, 等我明天請假都順利啲! 去到學校接咗仲仲就回家, 呢兩日都冇得揍德仔, 佢地全家應該仲病得西利過我地! 返到屋企又要處理吓公務, 再出去買埋餸, 回來後老公都返嚟接佢地去打波, 我亦等到GP打電話嚟, 佢見我又係同樣症狀, 所以要我明天去GP親身睇, 咁明天唯有真係請假啦! 

張貼者： 於 沒有留言:

2022年5月22日 星期日

22/5/22

 22/5/22.     SUN.    WARM

今日冇咩可以寫，因為一個字「病」！食咗全日藥都仲係好唔舒服，聽日都唔知點返工，但又唔知點請假真係好煩！午飯煮咗啲粥食，到黃昏就睇波，因為今日係英超煞科，真係好刺激峰迴路轉！最終曼城贏咗冠軍，細佬就睇得好開心，係咁喺度F F ！晚飯簡單啲整咗粟米肉粒飯同漢堡就算啦！

張貼者： 於 沒有留言:

2022年5月21日 星期六

21/5/22

 21/5/22.    SAT.    WARM

星期六梗係瞓到自然醒啦八點幾九點醒咗，差不多10點先落床，整完早餐食得來又要出門口啦，因為幫哥哥搵咗間補習， 12點至1點去做assessment，佢數學有75%，但英文得45%， Science仲差得5%，所以決定六月開始逢星期六補四個鐘，三個鐘Science一個鐘英文！咁都係為佢好姐，但佢因為冇得打機喺度黑面好煩！然後去咗榮業行食午飯同埋補給出前一丁，買完返屋企睇吓電視接下衫休息吓，五點幾又要出門口，因為約咗舅父仔佢哋喺Broadway嗰邊食晚飯，一食就三個鐘，係咁傾計啦，仲仲同子元就睇機打機，所以都冇咩嘈！最後幫佢哋車咗兩件行李存放喺我哋度先，佢哋到時穩定咗住嘅地方先至再攞返！

張貼者： 於 沒有留言:

2022年5月20日 星期五

20/5/22

 20/5/22     FRI     WARM

終於到星期五啦, 返埋下星期又放term break啦, 今日都係要努力工作架啦! 返到去都有啲趕啦, 快快手手準備好開工, 果然Bella算好準時返到, 我就第一次上到未上過的西班牙文堂, 查實都幾悶吓, 上一種你完全唔識的文字的堂都真係幾悶! 然後到音樂, 教吓學生彈琴都易過啲, 小息時完全唔想郁, 因為落雨嘛個個搵地方避雨! 然後都最難捱的兩堂英文, 重點唔係英文, 係Ms Rice, 佢又示範咩叫冇人明佢講咩, 上半場好啲, 有半個鐘放咗飯, 半個鐘教日本妹做吓練習, 午飯後明明好地地繼續教架嘛, 點知佢又話要睇吓Bella, 咁佢做哂你叫做的作文休息吓有咩問題呢, 真係好撚煩, 另外原來有個學生又話要去sickbay, 佢又講到一舊舊咁我都唔知原來叫我帶佢去! 終於捱完呢堂, 上埋history就閃得! 放學都好忙哟, 先去學校接仲仲, 今日有ice lolly sale, 我都買咗條食吓, 跟住去公園一陣, 4點3又要返學校家長日, 都幾好呀知道仲仲學嘢學成點, 佢都係要練多啲英文架啦, phonic都係要自教架啦, 好在當年都學咗啫, 最終喺公園差不多5點先走, 回家後又要處理文件, 好在今日唔洗揍德, 因為佢都病咗嘛, 咁可以好好做吓嘢休息吓, 早啲食飯輕鬆吓!

張貼者： 於 沒有留言:

2022年5月19日 星期四

19/5/22

 19/5/22     THU     HOT

今日都係咁返工啦, 朝早都遲咗出門口, 去到學校已經開咗門, 咁安心見到仲仲入學校都好! 跟住到我返工啦, 知道今日又係Bella都覺得有啲攰, 但鬼叫你窮呀頂硬上, 第一堂就去門口等佢啦, 點知等到10點佢都未到, 已經問咗reception, 好在最後佢阿媽都識打嚟請假啫, 聽到佢唔返我竟然覺得開心, 因為我今日就唔洗咁辛苦! 照流程就返AL1問吓我改跟邊個, 咁啱替更冇人嚟幫手, 咁我就轉跟Alyia, 呢個可以話係最易搞, 只要唔理佢就可以! 不過今日啲堂都唔易上, 先係RE, 教又教唔到又要扮嘢都幾攰, Break後兩堂History, 又係嗰個惡老師, 我主力變咗教個日本妹, 但個日本妹好似唔係好知點上堂咁, 同其他幾個日本妹好唔同, 佢英文程度我覺得唔比仲爺好幾多, 但佢已經year8, 除非佢唔係諗住喺到長住, 唔係都幾大穫! 我抄好嘢比佢佢就照抄, 但都唔知佢明唔明, 辛苦哂大家! 午飯等Alyia食完我就可以開飯, 但實在係好肚餓, 睇住佢地食好辛苦! 放完飯就返去繼續上History, 個惡老師其實真係唔明呢班喺佢手上已經係算合作, 仲喺到嫌, 仲問我佢地係咪堂堂都係咁, 我真係好想叫佢嚟睇吓最尾呢堂Geo, 代課之下根本就係失控, 我都第一次試吓大聲叫quite, 但其實係冇咩用! 準時收工走人, 先去事頭架車到攞炮菜, 跟住去公園接仲仲, 今日直接回家了, 我要休息! 4點幾出去買埋餸再去接德, 學校話佢又倒哂啲食物又有啲熱, 睇嚟都係病啦, 接咗佢返去, 煮咗飯都食得唔多, 撞正佢地兩公婆啲火車又勁delay, 差不多7點先嚟接到佢, 德仔已經伏咗喺我到瞓咗! 睇嚟明天應該都唔洗揍! 佢接走咗又到我地要準備招待客人, 舅父仔佢地終於過到嚟, 住Broadway嗰邊佢地話行過嚟比啲嘢我地, 咁就留埋佢地晚飯啦, 吹水吹到9點幾老公就車佢地返去, 我地都沖涼休息啦!

張貼者： 於 沒有留言:

2022年5月18日 星期三

18/5/22

 18/5/22     WED.    HOT

今朝試吓泵帳返㗎單車嘅呔氣，湊咗仲仲返學，都仲支撐到去學校附近個路口，最後一段要行返去，總算唔使遲到！返到去照常咁開工啦，今日都係唔好過㗎啦，見到Bella返嚟木口木面個樣招呼都唔打，仲要上足五堂，其實佢每一堂都冇寫過任何嘢，咁樣真係上到堂嘅咩，其實佢真係唔係好適合喺正常學校，點解唔去啲啱佢嘅學校呢！午飯時間覆下啲電郵同訊息，基本上快食完又要開工，午飯後諗住都係返去嘥人繼續發吽豆，點知佢又唔肯入課室，走咗去AL1，最終喺花園坐足一堂，最尾一堂先至肯郁身，仲要唔願上課室，送到佢個好朋友嗰層，佢又呆咗，幾經辛苦得咗佢上去坐低，總之佢唔自殘我就算數，今日又係代課老師，所以又係秩序失控！終於等到放學啦，諗住東晉左單車個車貸，可以捱到去單車舖啦，點知都未出學校，就已經爆咗！唯有推住架車行返去，同事要打俾哥哥，安排佢揍仲爺去學結他，我就攞㗎單車去整，再去買藥，同埋啲餸！然後去接返仲仲，攞返㗎單車，再去接得滯，點知佢見到架單車係都要坐上去，但係呢間根本唔啱佢錯，俾佢試咗之後落返嚟就開始喊，全程都喺度喊，其實真係好想中佢，係我個仔打咗好耐！最後要仲仲幫我推個單車返去，我就拖住個喊包行！返到去，又要煮又要威又要執嘢，其實真係好攰！等老公煮飯嘅時候我仲要摺埋啲衫，轉頭又開飯啦，點解我日日都咁忙㗎 ！

張貼者： 於 沒有留言:
訂閱： 文章 (Atom)